ESDRAS 10:3 - Biblia Guarani Tumpa Iñee

³ Añave yayapo morogüɨrökuavee päve ñaneTumpa ndive, romombo vaerä opaete jókuae orerembireko reta jare imembɨ reta ndive, toyembopo kuae mborookuai, nde jare ïru oipoɨu Tumpa iporookuai güi vae reta oremboarakuaa rami.

ESDRAS 10:3 Iomraidhean Croise

2 REYES 11:17

Jaɨkue rupi Joiada oyapo morogüɨrökuavee päve yandeYa ndive, mburuvicha guasu ndive jare opaete vae ndive, jae reta yogüɨreko vaerä yandeYa imbaerä; jökoraiño vi mburuvicha guasu opaete vae ndive.

2 CRÓNICAS 29:10

Añave, che añeñono ayapo vaerä morogüɨrökuavee päve yandeYa ndive, Israel iTumpa ndive, agüɨye vaerä mo iyarasɨ yandekotɨ.

2 CRÓNICAS 30:12

Tumpa omongúe vi Judá pegua reta ipɨa-kɨ̈reɨ vaerä oyapo reta mburuvicha guasu iporookuai jare iyɨvɨrigua reta iporookuai, yandeYa jei rami.

2 CRÓNICAS 34:21

—Pekua peparandu yandeYa pe cheré, jare Israel pe jare Judá pe jembɨregüe reta re, kuae tembikuatía pe ñee reta oñeväe vae regua; echa yandeYa iyarasɨ yae ko aipo yandekotɨ, echa ñaneñemuñagüe reta mbaetɨ oipota oendu kuae yandeYa iñee reta, mbaetɨ vi oyapo reta opaete kuae tembikuatía pe oyekuatía oï vae.

2 CRÓNICAS 34:27

echa reyembopɨatɨtɨ jare reñemomichi cheróvai reendu ramboeve kuae tëta re jare pɨpegua reta kotɨ jae vae, nde remondoro nderemimonde ndepɨatɨtɨ güi jare reyaeo ramo cheróvai, che aendu vi ndeve. Jökorai jae che peYa.

ESDRAS 10:11

Añave peyemombeu yandeYa peñemuñagüe reta iTumpa pe, jare peyapo jemimbota, peyembosɨrɨ ïru ɨvɨ pegua reta güi, jare jókuae ketɨgua kuña reta güi.

ESDRAS 10:44

Opaete kuae reta güɨreko kuña ketɨgua reta, jare amogüe jókuae kuña reta imembɨ chupe reta. Ërei opa ye omombo reta imembɨ reve reve.

ESDRAS 10:9

Jökorai opaete kuimbae reta Judá pegua jare Benjamín pegua reta oyemboatɨ mboapɨ araa pe Jerusalén pe, veinte ara chau yasɨa re. Jare opaete oguapɨ reta Tumpa itupao joka pe, orɨrɨi reta okɨɨye güi jare omborɨrɨi reta ama okɨ vae.

ESDRAS 9:4

Jare oyemboatɨ reta aïa pe opaete okɨɨye Israel iTumpa güi vae, tembipɨɨ güi oyerova ye vae reta oyavɨ oikuaa reve jeko pegua, ërei che chepɨatɨtɨ yae apɨta mɨmba oyeyukagüe oñemee vae iora regua kaaru yave,

NEHEMÍAS 10:1

Jee oikuatía vae reta jae ko: Che mburuvicha Nehemías, Hacalías taɨ, jare Sedequías,

NEHEMÍAS 8:14

Jare oväe reta mborookuai pe oyekuatía oï, kërai yandeYa Tumpa oporookuai Moisés rupi, ñogüɨnoi vaerä opaete Israel iñemuña reta o ñairaka pegua pe, yasɨ chiúa pe, arete mbaemboete pegua oyeapo yave;

NEHEMÍAS 9:38

Añave, ore roñererökuavee jare roikuatía, jare jókuae oyekuatiagüe re oreruvicha reta, oresacerdote reta jare levita reta omboguapɨ vi jee.

SALMOS 119:120

Arɨrɨi, aipoɨu ndegüi jeko pegua, ¡aipoɨu ndeporookuai reta güi!

SALMOS 119:59

Amae kërai aikogüe re, jare ayerova ye ndeporookuai kotɨ.

ISAÍAS 66:2

¡Che ko ayapo opaete kuae mbaembae, jáeramo ko oime opaete kuaekuae reta! Che, peYa ko jae. Che ayangarekota jókuae kuimbae oyemombaravete jare oñemomichi ipɨa pe vae re, cheñee omboete vae re.

ISAÍAS 8:20

¡Peyeko mborookuai reta re! Mbaetɨ pere jökorai yave, mbaetɨño ko peikuaa kavi.

EZEQUIEL 9:4

Jare yandeYa jei chupe: “Emboapɨ eguata tëta guasu Jerusalén rupi, jare opaete ipɨatɨtɨ jare oyembopɨaä mbaeyoa oyeapogüe re jókuae tëta guasu pe vae, emokañɨmaa jesɨva pe.”

DEUTERONOMIO 29:12

peñererökuavee vaerä Tumpa jee re, morogüɨrökuavee päve yandeYa Tumpa oyapo oï añave pe ndive vae pe.

JOSUÉ 9:6

Jare yogüeru reta Josué pɨri teyupa pe, Gilgal pe, jei reta chupe jare Israel iñemuña reta pe: —Mombɨrɨ güi ko royu. Peyapo ñemoïru ore ndive.