ESDRAS 1:7 - Biblia Guarani Tumpa Iñee

⁷ Jare mburuvicha guasu Ciro güɨnoe opaete tembiporu reta tumpa-raanga reta jo güi, Nabucodonosor güɨraja Jerusalén güi yandeYa jo güi vae.

ESDRAS 1:7 Iomraidhean Croise

2 REYES 24:13

Jaɨkue rupi Nabucodonosor güɨnoe joko güi opaete yandeYa jo pe mbaembae jepɨ vae oñeñovatu vae, jare opaete mbaembae jepɨ vae mburuvicha guasu jo pe oñeñovatu vae, jare opaetei oyoka mbaembae oro pegua, Salomón mburuvicha guasu Israel pegua oyapo yandeYa jo peguarä vae reta, yandeYa omoërakua rami.

2 CRÓNICAS 36:10

Año oväe ye vae re, mburuvicha guasu Nabucodonosor ombou güɨrajauka Babilonia pe, tembiporu reta jepɨ yae vae yandeYa jo pegua ndive, jare jëtara Sedequías omboguapɨ mburuvicha guasurä Judá jare Jerusalén re.

2 CRÓNICAS 36:18

Jaeramiño vi tembiporu Tumpa jo pegua, tuicha vae ani michi vae, jare tupao pe mbaembae oñeñovatu vae jare mburuvicha guasu imbae jare iyɨvɨrigua reta imbae, opaetei güɨraja Caldeaɨgua reta juvicha guasu Babilonia pe.

2 CRÓNICAS 36:7

Nabucodonosor güɨraja mbovɨ tembiporu reta Tumpa jo pegua, jare oñono itupao pe Babilonia pe.

ESDRAS 5:14

Jaeramiño vi tembiporu reta korepoti pegua jare oro pegua Nabucodonosor opa güɨnoe güɨraja tupao guasu Jerusalén pegua güi oñono itupao guasu Babilonia pegua pe vae, mburuvicha guasu Ciro opa güɨnoeuka jare omee Sesbasar ipo pe, jae oñono mburuvicha tëta re oyangareko vaerä vae.

ESDRAS 6:5

Jaeramiño vi Tumpa jo pegua tembiporu reta oro pegua jare korepoti pegua Nabucodonosor opa güeru Jerusalén güi Babilonia pe vae, toyereraja ye tupao guasu pe Jerusalén pe, toñeñono ye Tumpa jo pe.”

JEREMÍAS 51:44

“Tumpa-raanga Bel amboaita Babilonia pe, anoeta iyuru rupi opa omokoigüe; ngaraa ye ma tëtaguasu reta yogüeru ikotɨ. ¡Babilonia ikësea reta osururuta!

DANIEL 1:2

Jare yandeYa omee ipo pe, Joacim mburuvicha guasu Judá pegua, jare jeta tembiporu reta Tumpa jo pegua; jare güeru ɨvɨ Sinar pe, itumpa jo pe, jare oñono tembiporu reta, mbaembae jepɨ yae vae oñeñovatúa pe, itumpa jo pe.

DANIEL 5:23

ërei cheYa ara pe oï vae kotɨ reyembopɨapochɨ, jare reruruka nderóvai vaso reta Tumpa jo pegua, nde jare ndeɨvɨrigua mburuvicha reta, nderembireko reta jare kuña rerekoiño vae reta ndive rekau pɨpe; jare kuae güire, remboete tumpa reta korepoti pegua, oro pegua, jiero iyu vae pegua, jiero pegua, ɨvɨra pegua jare ita pegua; jókuae omaembae reta, oendumbae reta, yarakuaambae reta; jare Tumpa jae ipo pe nderekove oï vae jare opaete reyapogüe reta jese oiko vae mbaetɨ remboete.