ESDRAS 1:3 - Biblia Guarani Tumpa Iñee

³ Jayave oipotagüe pegüi reta jókuae ɨvɨ pegua, peYa Tumpa imbae vae, jae tapemborɨ, jare pekua Jerusalén kotɨ, ɨvɨ Judá pe, jare pemopüa pɨau ye tupao peYa, Israel Tumpa pe (jae ko Tumpa ete), Jerusalén pe oï vae.

ESDRAS 1:3 Iomraidhean Croise

1 REYES 18:39

Jare opaete vae oecha yave, oyetavatɨka itindɨasɨ ɨvɨ re jare jei reta: “¡YandeYa yepe jae Tumpa, yandeYa yepe jae Tumpa!”

1 REYES 8:23

jei: “CheYa, Israel iTumpa, mbaetɨ Tumpa nde rami vae, ɨvate ara pe ave, ani ɨvɨ pe, nde reñovatu morogüɨrökuavee päve nderembiokuai reta peguarä vae, nderóvai oguata kavi, opaete ipɨa ndive kavi vae reta;

1 CRÓNICAS 28:20

Jayave David jei taɨ Salomón pe: “¡Eñemoäta ngatu jare eñemomɨ̈rata, eyapo mbaravɨkɨ! ¡Agüɨye eyembopɨtu jare ekɨɨye, echa yandeYa cheTumpa oïta nde ndive! Jae ngaraa ndereeya ani osɨrɨ ndegüi opa reyapo regua mbaravɨkɨ yandeYa pe: Tupao jare opaete oyeporuta pɨpe vae.

ESDRAS 1:4

Jare opaete jembɨregüe ketɨ ketɨ rupi ñogüɨnoia pe, joko pegua reta tomborɨ korepoti pe, oro pe, mbaembae pe jare mɨmba pe, jare mbota pɨa-kɨ̈reɨ ngatu reve oñemee vae güɨraja reta vaerä Tumpa jo peguarä, Jerusalén pe.’ ”

ESDRAS 4:3

Ërei Zorobabel, Jesúa jare metei ñemuña itenondegua reta Israel pe vae, jei reta chupe reta: —Mbaetɨ orepuere romopüa oreTumpa jo pe reta ndive, oreño romopüata oreYa, Israel iTumpa jo, oreokuai orembou Ciro mburuvicha guasu Persia pegua rami.

ESDRAS 5:13

Ërei tenondegua año Ciro omboɨpɨ oï mburuvicha guasurä Babiloniaɨgua reta re yave, jae etei omee mborookuai kuae Tumpa jo oñemopüa ye vaerä.’

ESDRAS 5:3

Jókuae ara rupi yogüeru ípɨri reta tëta ruvicha Tatnai ɨ̈aka Éufrates jovaicho pegua, jare Setar-boznai jare iñeïru reta jei reta körai: “¿Kia pa jei peve pemopüa ye vaerä kuae tupao guasu jare ikësea reta?”

ESDRAS 6:7

jare pemaeño toñemopüa ye jókuae tupao, judío reta juvicha jare itenondegua reta tomopüa Tumpa jo jenda pe aeño.

SALMOS 132:13

Echa yandeYa oiparavo ɨvɨtɨ Sión. ¡Oiparavo jae oiko vaerä joko pe!

SALMOS 83:18

¡Toikuaa reta nde jae ko Tumpa vae, ndeño ko jae Tuichagüe yae ete opaete ɨvɨ re vae!

ISAÍAS 37:16

“CheYa Imbaepuere yae ete vae, Israel iTumpa, araɨgua reta querubín iä ipäu pe oiko vae, ndeño ko jae opaete mburuvicha guasu reta ɨvɨ pegua juvicha guasu; nde ko reyapo ara jare ɨvɨ.

ISAÍAS 44:28

Che jae mburuvicha guasu Ciro pe: ‘Nde ko jae chevecha iyangarekoa rami, reyapota opaete mbaembae royókuai vae’; jare Jerusalén pe jae: ‘Nde reñemopüa pɨau yeta ko’; jare tupao pe jae: ‘Oñeñonota ko ndeguapɨka.’ ”

ISAÍAS 45:5

Cheño ko jae opaete vae iYa, mbaetɨ yé ko ïru; mbaetɨ yé ko ïru Tumpa chegüi. Che ko amee mbaepuere ndeve ñeraro peguarä, yepe tëi nde mbaetɨ chekuaa.

JEREMÍAS 10:10

Ërei yandeYa Tumpa jae ko añetete vae, jae ko Tumpa oikove vae jare Mburuvicha guasu opambae. Iyarasɨ yave, okana ɨvɨ; tëtaguasu reta mbaetɨ jösa chupe.

DANIEL 2:47

Jare mburuvicha guasu jei Daniel pe: —Añetete yepe peTumpa güɨnoi mbaepuere tumpa reta güi, jare imbaepuere yae mburuvicha guasu reta güi, jare jae oikuaauka yaikuaa rapeä vae, echa ndepuere reikuaauka cheve kuae aikuaa rapeä vae.

DANIEL 6:26

Che poyókuai opaete cheporookuaía pe peï vae reta, opaete vae pemboete jare peipoɨu Daniel iTumpa güi. Echa jae ko Tumpa oikove vae, jekuae avei oiko vae. Iporookuaía ngaraai oyemboai, imbaepuere ngaraai iyapɨ ɨvɨ opa regua.

San Mateo 28:20

Pemboe reta opaete che poyókuai vae re. Jare che aïta pe ndive opaete ara kuae ɨvɨ iyapɨ regua. ¡Amén!

Hechos 10:36

Tumpa ombou ñee ikavi vae Israel iñemuña reta pe. Jae omombeu chupe reta oime mbɨakatu Jesucristo re. Jesucristo ko jae opaete vae iYa.

DEUTERONOMIO 32:31

Echa jae reta jeepɨa ita guasu rami vae, mbaetɨ ko Ita guasu yandereepɨa rami, jae reta oikuaa kavi yae ko jókuae.

JOSUÉ 1:9

Mase, royókuai reñemomïrata vaerä jare reñemoäta ngatu vaerä; agüɨye ekɨɨye jare agüɨye eyembopɨtu, echa che ndeYa Tumpa aïta nde ndive oipota rupi reoa rupi.”