Efesios 5:3 - Biblia Guarani Tumpa Iñee

³ Ërei agüɨye etei peyapo aguasa jare opaete teko pɨ̈chɨi, ani peipotarai mbae ambuae. Echa pe reta Tumpa peñono tee vae mbaetɨ jaekavi peyapo vaerä kuae;

Nuevo Testamento Guaraní Pe

³ Erei agüɨye etei pemiari oyoupe aguasa re jare opaete mbae pochɨi vae re, jare agüɨye peipota iru vae reta imaembae. Echa Tumpa peñono tee ma iyeupeguara.

Efesios 5:3 Iomraidhean Croise

SALMOS 10:3

Echa jeko kavimbae oyemboete ipɨa jemimbota reño, imbaepotarai vae iñee kaviä, jare nereröɨro cheYa.

SALMOS 119:36

Chembopɨa-kɨ̈reɨ ndeporookuai reta kotɨ, chemombia mbaepotarai güi.

ÉXODO 18:21

Jare eiparavo opaete vae güi, kuimbae oikatuta tëta güɨroata vae, Tumpa güi oipoɨu vae, kuimbae jupi vae, imbaepotaraimbae; jare eñono mil vae reta juvicharä, cien, cincuenta jare payandepo kuimbae reta juvicharä.

ÉXODO 20:17

Agüɨye peipotarai perapicha jo, agüɨye peipotarai perapicha jembireko, ani jembiokuai kuimbae, ani jembiokuai kuña, ani igüeye, ani imburika, ani oipotagüe mbae nunga güɨnoi perapicha vae.”

ÉXODO 23:13

Peyapo opaete kuae jae peve vae, agüɨye toyeendu peyuru pe ïru tumpa reta jee.

PROVERBIOS 28:16

Mburuvicha yarakuaambae, ombojeiete mbae ikavimbae jasɨ katu vae, ërei mbaetɨ imbaepotarai vae oiko pukuta.

JEREMÍAS 22:17

Ërei nde jaeño reyemoambeko, reipota rai vae renoi vaerä; jare reyukauka vaerä jekombae, rerekoasɨ katu jare ndembaeyuvanga katu nerëta re.”

JEREMÍAS 6:13

Opaete vae, michia güive okuakuaa vae pe, iyeupeguaräño imbaepotarai yae reta, ñeemombeúa reta jare sacerdote reta ave, opaetei oporombotavɨ vae reta ko.

JEREMÍAS 8:10

Jáeramo, jae reta jembireko ameeta ïru kuimbae reta pe, jare iko reta ameeta imoamɨría reta ipo pe. Echa michia güive okuakuaa vae pe, iyeupeguaräño imbaepotarai yae reta; ñeemombeúa reta jare sacerdote reta ave, opaete oporombotavɨ vae reta ko.

EZEQUIEL 33:31

Yogüeru ndekotɨ chembae vae reta rami, ñogüɨnoi nderóvai tenonde yave yogüɨrekose rami, oendu reta neñee, oyeapɨsaka reta neñee re. Ërei mbaetɨ oyapo reta oendugüe. Yepe tëi oikatu imiari reta vaerä pɨpe, ërei ipɨa reta korepoti pota reteiño.

LEVÍTICO 15:18

Metei kuimbae oyapakua yave kuña ndive jare opoko jese yave, mókoi reve toyeyoe ɨ pe jare tikɨa topɨta reta Tumpa jóvai pɨ̈tu regua.

MIQUEAS 2:2

Oipota rai yae reta ɨvɨ, jare oyemombae reta jese, oipota reta ambuae vae jo, jare opɨ̈ro reta, güɨrekoasɨ katu reta kuimbae jare jo pegua reta, jare opɨ̈ro reta chugüi iɨvɨ.

NÚMEROS 25:1

Israel iñemuña reta ñogüɨnoi Sitim pe; jare kuimbae reta omboɨpɨ iyaguasa kuña Moab iñemuña reta ndive,

San Mateo 15:19

Echa pepɨa güi ko oë opaete yemongeta ikavimbae vae reta: mboroyuka reta, yuvanga menda re vae, aguasa reta, monda reta, iyapu reve imiari japicha re vae, ikavimbae jei Tumpa kotɨ vae.

San Lucas 12:15

Jayave Jesús jei vi opaete vae pe: —Peyeandu, peipota rai mbaembae vae güi. Echa mbaeyekou reä ko oï tekove.

San Lucas 16:14

Jare fariseo reta kuae oendu vi yave opaete kuae mbaembae, oyóyai reta Jesús. Echa jae reta imbaepotarai yae ko.

Hechos 15:20

Ërei toyekuatía chupe reta, agüɨye vaerä oyemongɨa tumpa-raanga reta pe mbae oñererökuavee vae rupi, aguasa pe jare mɨmba oyeyuvɨgüe isoo, jare mbaerugüɨ, jare agüɨye vaerä oyapo aguasa.

Hechos 20:33

Mbaetɨ aipota amae ïru vae ikorepoti, ioro ani jemimonde re.

Romanos 1:29

Tɨnɨe ñogüɨnoi opaete jupimbae vae pe, aguasa pe, teko pɨ̈chɨi pe, mbaepotarai pe, ikavimbae pe. Iyakatúä reta ïru re vae pe, mboroyuka pe, ñerarose pe, mborombotavɨ pe, ñee kavimbae pe,

Romanos 16:2

Pemboresive kavi yandeYa jee re, jupi ko körai oyapo vaerä oporogüɨrovia vae reta. Jare pemborɨ, opaño mbaembae pe, echa jae omborɨ jeta vae, jare chemborɨ vi.

Romanos 6:13

agüɨye ave vi pemee perete mbaeyoa jembiporurä ikavimbae vae peguarä. Ërei peñemee pe etei Tumpa pe, omanogüe tekove ipɨau vae güɨnoi vae rami, jare pemee perete Tumpa jembiporurä jupi vae peguarä.

1 Corintios 10:8

Agüɨye vi yayapo aguasa, amogüe jae reta oyapo rami. Echa jökorai oyapo ramo, omano veintitré mil jókuae ara.

1 Corintios 5:1

Jërakua oime pepɨte pe güɨreko ichɨraanga vae. Jókuae nunga aguasa mbaetɨ oporogüɨroviambae reta ipɨte pe.

1 Corintios 6:13

Tembíu yanderɨe peguarä ko, jare yanderɨe tembíu pegua ko. Ërei Tumpa omboaita ko mókoi reve. Ërei yanderete mbaetɨ ko aguasa peguarä jaeño ko oï yandeYa peguarä, jare yandeYa yanderete peguarä.

1 Corintios 6:18

Petekuarai aguasa güi. Oipotagüe ïru mbaeyoa peyapo vae peyapoä ko perete pe. Ërei aguasa peyapo yave, perete kotɨ etei ko peyoa.

2 Corintios 12:21

Güɨramoi Tumpa chemomaraita peré, güɨramoi chemboyaeoukata jeta jókuae mbaeyoa oyapo vae reta re, mbaetɨ oyerova teko pɨ̈chɨi vae güi, aguasa jare kuña pota güi ani mbɨa pota güi.

Efesios 5:12

Echa ñemomarai ko ñanemiari vaerä ave jókuae oyapo vɨari reta vae re.

Efesios 5:5

Echa pe reta peikuaa ko metei ave aguasa oyapo vae, ani ikɨa Tumpa jóvai vae, ani imbae potarai vae (kuae ko itumpa-raanga pota vae reta) ngaraa yogüɨreko Cristo jare Tumpa iporookuaía pe.

Filipenses 1:27

Jaeño peiko kavi, echa perovia ma ñee ikavi vae Cristo regua. Güɨramoi aja apou pépɨri ani mbaetɨ, ërei aipota perërakua kavi cheve, kërai peñemomɨ̈rata metei ramiño jare peñemoäta ngatu peporogüɨrovia ñee ikavi vae re vae,

Colosenses 3:5

Jáeramo, peyuka opaete teko ikavimbae oï peré vae, jae ko: Aguasa, ikɨa vae, soo jemimbota reta, mbae ikavimbae, mbaepota rai (jae ko tumpa-raanga rami).

1 Tesalonicenses 4:3

Echa Tumpa jemimbota ko peñeñono tee vaerä chupeguarä. Peyembosɨrɨ vaerä aguasa güi;

1 Tesalonicenses 4:7

echa Tumpa mbaetɨ ko ñanereenɨi yaiko vaerä pɨ̈chɨi vae pe, ñanereenɨi ko yaiko tee vaerä chupeguarä.

1 Timoteo 2:10

Ërei toyapo mbaembae ikavi vae. Kuña reta oñemee Tumpa pe vae oyapo rami.

1 Timoteo 3:3

agüɨye tikause, agüɨye tiñerarose, agüɨye tomonganaiño jupimbae reve. Ërei tipɨakavi, toiko pɨagüive, agüɨye toipota yae korepoti iyeupeguarä.

1 Timoteo 6:10

Echa korepoti yaipota yae vae ko güeru opaete mbaembae ikavimbae vae. Jare amogüe vae oipota yae oikokatu ramo, opia iporogüɨrovia güi, jare täta oiporara.

2 Timoteo 3:2

Echa oimeta jaeiño oyeaɨu vae reta, ikorepoti potarai vae reta, oyembotuicha vae reta, ipɨarai vae reta, jei ikavimbae Tumpa kotɨ vae reta, iñeereendúä tu reta kotɨ vae, omeembae yasoropai vae reta, jupimbae vae reta,

Tito 1:11

Ikavi ko jókuae reta ñamokïrii vaerä. Echa jae reta oporomboe omonganaiño jupimbae reve jese vae re; jókuae iporomboe rupi ombojopa opaetei o pegua reta.

Tito 1:7

Oporogüɨrovia vae reta itenondegua ikavi ko mbaetɨ oñeväe teko jese, Tumpa iparavɨkɨ oyapo vae; agüɨye tipɨapochɨ, agüɨye tiyarasɨ katu, agüɨye tikause, agüɨye tiñerarose, agüɨye tomonganaiño jupimbae reve,

Tito 2:3

Jaeramiño vi kuña okuakuaa vae reta tijeko kavi, agüɨye tiporoangaose, agüɨye tikause, toporomboe ikavi vae re;

Hebreos 12:16

jare peyeandu agüɨye vaerä oï pepɨte pe aguasa oyapo vae, jare agüɨye vaerä oï pepɨte pe omboeteä oñeñono tee Tumpa peguarä vae, Esaú rami. Echa Esaú omee tembíu re membɨrɨpɨ yekou.

JOSUÉ 7:21

Mbaembae reta Jericó pe ñapɨ̈ro vae ipɨte pe aecha metei temimonde Babiloniaɨgua ipöra yae vae, jare dosciento reare korepoti pegua jare oro medio kilo oasa vae, aipota rai amae jese jare aekɨ; oime añomi añono ɨvɨgüɨ pe, cheküaraɨaguakapi pegua mbɨte pe, jare korepoti oime oï igüɨ pe.

1 Pedro 5:2

Peyangareko Tumpa imbae reta pepɨte pe ñogüɨnoi vae reta re kia peokuaimbae reve jare pekɨ̈reɨ ngatu reve; agüɨye pemongana jupimbae vaeräño, jaeño pekɨ̈reɨ ngatu reve,

2 Pedro 2:10

Jae ko omomoe soo jemimbota pɨ̈chɨi vae oyapo vae reta jare güɨröɨro reta yandeYa imbaepuere. Ipɨayemboete reta jare ñäteɨ oyapo mburuvicha reta jei vae, mbaetɨ oipoɨu reta jei vaerä ikavimbae vae Tumpa iaraɨgua reta kotɨ;

2 Pedro 2:14

Jae reta jekuaeño oipota oyuvanga menda re, mbaetɨ iyangapɨɨ reta iyoa, oyapouka mbaeyoa iporogüɨrovia re mbaetɨ ipɨ̈rata vae reta pe, jae reta oyepokuaa imbaepotarai, Tumpa oyepopeyu ma jese reta.

2 Pedro 2:3

Jare jae reta ikorepoti potarai güi pembotavɨta iporomboe rupi pekorepoti re. Ërei ɨma ma Tumpa ojäa reta. Jáeramo okañɨteita ma.

Apocalipsis 2:14

Ërei oime mbovɨ mbae jae vaerä ndeve: Oime joko pe Balaam iporomboe ñäteɨ oeya vae reta. Echa Balaam omboarakuaa Balac omboavai vaerä Israel iñemuña reta, echa jouka tembíu tumpa-raanga reta pe oñemee vae jare oyapo reta aguasa.

Apocalipsis 2:21

Jare amee ma jókuae kuña pe oeya vaerä iyemongeta ikavi mbae vae ipɨa pe oï vae, ërei mbaetɨ oipota oeya jeko ikavimbae.

Apocalipsis 21:8

Ërei okɨɨye vae reta jare oporogüɨroviambae reta, jare mbae pɨ̈chɨi vae oyapo vae reta, jare oporoyuka vae reta, jare iyaguasa vae reta, jare imbaekuaa vae reta, itumpa-raanga pota vae reta jare opaete iyapu vae reta yogüɨrajata tata guasu azufre ndive jendɨ vae pe. Kuae ko jae mano mokoía.

Apocalipsis 22:15

Ërei ikatu pe opɨtata jeko kavimbae, imbaekuaa vae reta, iyaguasa vae reta, oporoyuka vae reta, itumpa-raanga pota vae reta, jare opaete oaɨu jare oyapo apu vae reta.

Apocalipsis 9:21

jare mbaetɨ oyepoepɨ reta oporoyuka vae güi, mbaekuaa güi, aguasa ani imonda reta güi.

1 SAMUEL 8:3

Ërei mbaetɨ omomoe reta tu jeko, imbae potarai yae reta, korepoti oipɨɨ vɨari reta, güɨrokomegua reta teko jupi vae.