Efesios 4:1 - Biblia Guarani Tumpa Iñee

¹ Che tembipɨɨ yandeYa re vae, pomoñera peguata kavi vaerä, Tumpa oenɨigüe reta oguata rami kavi:

Nuevo Testamento Guaraní Pe

¹ Che co jae metei tembipɨɨ, ñandeYa pe ayeócuai rambue. Che pomoñera jecuaeño peico cavi vaera, iru vae reta oicuaa vaera Tumpa peparavo co.

Efesios 4:1 Iomraidhean Croise

GÉNESIS 17:1

Abram noventa y nueve año güɨnoi yave yandeYa oyeechauka chupe, jare jei chupe: —Che ko jae Tumpa Imbaepuere yae ete vae; eiko cheróvai rupi jare eyapo jupi vaeño,

GÉNESIS 5:24

Enoc oiko Tumpa jemimbota rupi kavi, metei ara okañɨ echa Tumpa güɨraja.

JEREMÍAS 38:20

Jeremías jei chupe: —Cheruvicha guasu, ngaraa rea jae reta ipo pe. Eyeapɨsaka yandeYa iñee che amombeu aï ndeve vae re, reo kavi vaerä jare reroasayepe vaerä nderekove.

Hechos 9:31

Jayave opaete Judea rupi, Galilea rupi jare Samaria rupi, oporogüɨrovia vae reta yogüɨreko pɨagüive jare oñemomɨ̈rata reta oipoɨu kavi reve yandeYa güi, jare Espíritu Santo iporomborɨ rupi jekuaeño jeta oñemoïru.

Romanos 11:29

Echa Tumpa omee chupe reta vae, ngaraa opɨ̈ro ye. Jare oporoenɨi yave, mbaetɨ oipoepɨ.

Romanos 12:1

Jáeramo, cherɨvɨ reta, pomoñera Tumpa iporopareko rupi, pemee chupe perete, mɨmba oyeyukagüe Tumpa pe oñemee rami, peñeñono tee chupe, jae omboyerovia vae. Echa jupi ko körai añetete rupi pemboete vaerä Tumpa.

1 Corintios 4:16

Jáeramo che pomoñera peiko vaerä che rami.

2 Corintios 10:1

Che Pablo, pomoñera Cristo iñemomichi jare iporoaɨu rupi. Che aï pépɨri yave añemomichi, ërei mbaetɨ aï pépɨri yave chemiari peve aipoɨumbae reve.

2 Corintios 5:20

Jáeramo Cristo yandemondo jae jee re jekovia pe, Tumpa etei imiari oï yande rupi rami. Jáeramo pomoñera Cristo jee re, peñeñono kavi ye Tumpa ndive.

2 Corintios 6:1

Ore roparavɨkɨ Tumpa peguarä. Jáeramo pomoñera agüɨye vaerä peyuvangaiño Tumpa ipɨakavi re.

Gálatas 4:12

Cherɨvɨ reta, pomoñera peyapo vaerä che ayapo rami. Echa che ayeapo vi pe rami. Mbaetɨ etei mbae ikavimbae vae peyapo chekotɨ.

Efesios 2:10

Echa Tumpa jembiapo ko yande, yandeapo Cristo Jesús re, yayapo vaerä mbae ikavi vae. Kuae ko tenonde güive voi ma Tumpa omokätɨro yayapo vaerä.

Efesios 3:1

Kuae jeko pegua che Pablo, Cristo Jesús jembipɨɨ, pe judiombae vae reta re;

Efesios 4:17

Kuae jae peve pomoñera reve yandeYa jee re: Agüɨye mo peiko oporogüɨroviambae reta rami, iyemongeta ikavimbae rupi yogüɨreko vae reta rami,

Efesios 4:4

metei jeteño, jare metei Espíritu, Tumpa pereenɨi peporoäro vaerä metei ramiño;

Efesios 5:2

Peyoaɨu, Cristo yanderaɨu rami. Echa jae oñemee omano vaerä yanderé, mɨmba oyeyukagüe ipiche katu vae Tumpa pe oñemee rami.

Filipenses 1:27

Jaeño peiko kavi, echa perovia ma ñee ikavi vae Cristo regua. Güɨramoi aja apou pépɨri ani mbaetɨ, ërei aipota perërakua kavi cheve, kërai peñemomɨ̈rata metei ramiño jare peñemoäta ngatu peporogüɨrovia ñee ikavi vae re vae,

Filipenses 3:14

Jáeramo añemoäta ngatu avei, aupitɨ vaerä Tumpa omeeta cheve Cristo Jesús rupi vae.

Colosenses 1:10

Peguata kavi vaerä, Tumpa oenɨigüe reta oguata rami kavi, pemboyerovia opaete mbaembae pe. Peyapo avei opaete mbaembae ikavi vae. Peikuaa kavi ete avei Tumpa.

Colosenses 2:6

Jáeramo, pemboresive ma yandeYa Jesucristo mborogüɨrovia rupi vae, jekuaeño vi peiko perovia reve jese;

Colosenses 4:12

Epafras vi omondo tamaraeme peve, jae ko perëtaɨgua, Cristo jembiokuai. Jae jekuaeño oyerure avei peré, peñemomɨ̈rata vaerä, jare peikuaa kavi vaerä opaete Tumpa jemimbota re.

1 Tesalonicenses 2:12

Ore poyókuai peiko vaerä Tumpa imbae reta yogüɨreko rami. Echa jae peparavo peiko vaerä iporookuaía jare iyemboetea pe.

2 Tesalonicenses 1:11

Jáeramo royerure avei peré, Tumpa jupi ko perenoi vaerä jae iporoparavo pe, jare ombopo vaerä imbaepuere rupi opaete peipota vae peporogüɨrovia rupi peyapo vae.

2 Timoteo 1:9

Jae yandemboasa jare yandeparavo ñaneñono tee vaerä iyeupeguarä. Mbaetɨ ko yandeparavo mbae ikavi vae yande yayapo vae rupi. Yandeparavo ko jae iyemongeta rupi jare ipɨakavi yandeve Cristo Jesús rupi ndei ɨvɨ oyeapo güive.

Tito 2:10

agüɨye timonda, ërei toechauka kavi iya pe ipuere vaerä güɨrovia katu, jökorai oikuaaukata ikavi yae ko Tumpa Yandemboasa vae iporomboe.

Hebreos 13:21

tapembojupi opaete mbae pe, peyapo vaerä jemimbota; Tumpa toyapo yanderé oipota vae Jesucristo rupi; ¡toyemboete Cristo jekuae avei rupi! ¡Amén!

Hebreos 3:1

Jáeramo, cherɨvɨ oporogüɨrovia vae reta, Tumpa pereenɨi vae reta, pemae kavi Cristo Jesús temimondo jare sacerdote tenondegua ete, jese yarovia vae re;

1 Pedro 2:11

Cherɨvɨ aaɨu vae reta, pomoñera ketɨgua rami peiko kuae ɨvɨ pe vae, peyeandu pesoo jemimbota reta oïraro perekove vae güi.

1 Pedro 3:9

ikavimbae oyapo peve vae pe agüɨye pemboekovia ikavimbae pe, agüɨye peyepopeyu oyepopeyu peré vae re, ërei peñee kavi, echa peikuaa ko peyeparavo penoi vaerä mborerekua.

1 Pedro 5:10

Ërei Tumpa ipɨakavi tuicha yae vae, yandeparavo omee vaerä yandeve yerovia opambae vae Jesucristo rupi vae, peiporarata güire michi pegua jae etei pembojupita, pemomɨ̈ratata jare pemoäta ngatuta.

2 Pedro 1:3

Tumpa omee yandeve imbaepuere rupi yaiko vaerä jare yamboete vaerä; jare opaete kuae ñanoi yaikuaa ramo jókuae yandeparavo iyemboetea jare tuichagüe yae rupi vae.

2 Juan 1:5

Jare añave pomoñera cherɨvɨ reta, mbaetɨ aikuatía peve mborookuai ipɨau vae rami, jaeño iyɨpɨ güive yaikuaa vae, jae ko yayoaɨu päve vaerä.