Efesios 2:3 - Biblia Guarani Tumpa Iñee

³ Tenonde yave opaete yande vi yaiko yandesoo jemimbota reño jae reta rami. Yayapo yepi yandesoo jemimbota reta jare yandeyemongeta retaño. Jáeramo Tumpa iyarasɨ igüɨ pe yaiko, opaete ïru reta rami.

Nuevo Testamento Guaraní Pe

³ Tenonde yave opaete ñande vi yaico ñaneremimbota reño jae reta rami. Echa yaicose ñanderete jare ñaneñemongueta oipota vae re. Jae rambue Tumpa pochɨse ñandeve, opaete iru vae reta pe pochɨ rami. Echa ñande vi ɨvɨ pegua reta co jae reta rami.

Efesios 2:3 Iomraidhean Croise

GÉNESIS 5:3

Adán ciento treinta año güɨnoi yave oa chupe taɨ Set jae rami etei vae.

GÉNESIS 6:5

Jare yandeYa oecha kuimbae reta imbaeyoa jeiete yae ma ɨvɨ pe. Oecha kërai kuimbae reta ipɨa iyemongeta jekuaekuae mbaeyoa kotɨ reteiño.

GÉNESIS 8:21

YandeYa oëtu yave ipiche katu mbota, jei ipɨa pe: “Ngaraa ye ma ayepopeyu ɨvɨ re kuimbae jeko pegua, yepe tëi kuimbae taɨrusu güive ipɨa pɨ̈chɨi yae vae reño; ngaraa ye ma amboai opaete oikove vae añave ayapo rami.

JOB 14:4

¿Kia pa ipuere oekɨ mbae ikɨa vae güi, mbae ikɨambae? Mbaetɨ.

JOB 25:4

¿Kërai pa kuimbae ipuere oyembojupi Tumpa peguarä? ¿Këraita pa kuimbae oyetɨo opɨta jekombae Tumpa jóvai?

SALMOS 51:5

Mase, ikavimbae pe akuakuaa, iyoa vae ko che chesɨ jɨe peve.

ISAÍAS 53:6

Opaete yande reta yanderopa vecha reta jopa rami, metei ñavo opia jape jape ae rupi; ërei ngatu yandeYa oñono jese opaete yandeyoa.

San Marcos 4:19

Ërei jae reta omboɨpɨ oyemoambeko ɨvɨ pegua mbaembae re, jare oyembotavɨ oipota oikokatu ramo, oipota rai vi güɨnoi vaerä jeta mbaembae. Jökorai opaete jókuae reta oyuka ñee ikavi vae, jare opɨta temitɨ iambae rami.

San Juan 1:13

Tumpa etei kuae oyapo, mbaetɨ ou reta ichɨ ani tu rupi, jaeño ou Tumpa jemimbota rupi.

San Juan 8:44

Aña guasu ko jae peru; jare pe reta peipota peyapo peru oipota vae rupi. Jae oporoyuka iyɨpɨ güive vae ko, mbaetɨi oiko añete vae rupi, echa añetete vae peguaä ko. Iyapu yave, jeko aeño ko omboyekuaa, echa jae ko iyapu yae vae, apu iyɨpɨ ko.

Hechos 14:16

Tumpa omaeño arakae pegua reta re oyapo vaerä jae reta oipota vae.

Romanos 1:24

Jáeramo Tumpa omboeterenga teko ikavimbae yae vae pe, ipɨa jemimbota pe, jökorai omboeteä jete oyoupii imarata tëi jese vae.

Romanos 11:30

Pe reta tenonde yave, mbaetɨ peyapo Tumpa jei vae. Ërei añave peparareko, Israel pegua reta iñeereendúä ramo.

Romanos 13:14

Ërei peyemonde etei yandeYa Jesucristo pe. Agüɨye peñemee pesoo jemimbota pe.

Romanos 2:14

Echa judiombae vae reta, yepe tëi mbaetɨ güɨnoi Moisés iporookuai, ërei oyapo reta mborookuai jei vae iyeugüi aeño mbaetɨ tëi güɨnoi reta reve. Kuae reta yepe tëi mbaetɨ güɨnoi mborookuai, ërei jae reta ipɨa pe etei ko güɨnoi iyeupe mborookuai.

Romanos 5:10

Echa yepe tëi yande yayovaichose Tumpa ndive, ërei oyapo yembopɨakatu yandeve Taɨ imano rupi. Vɨtei pa yandembopɨakatu ma yave, yandemboasata Taɨ oikove ye vae rupi.

Romanos 5:9

Vɨtei pa yayembojupi ma Jesucristo jugüɨ rupi yave, jae rupi yaasayepeta Tumpa iyarasɨ güi.

Romanos 6:12

Jáeramo, agüɨye pemaeño mbaeyoa re, güɨnoi vaerä mbaepuere perete re, jare jeiete oyapouka pesoo jemimbota peve;

Romanos 7:18

Aikuaa mbaetɨ ko mbae ikavi vae anoi cheyé. Echa chekɨ̈reɨ tëi ayapo mbae ikavi vae, ërei mbaetɨ chepuere ayapo.

Romanos 9:22

Tumpa iyarasɨ ipuere tëi omboyekuaa jare jërakua imbaepuere, ërei güɨropɨa guasu jókuae iyarasɨ kuimbae reta, kañɨtei peguarä vae reta pe,

1 Corintios 4:7

Echa ¿kia pa ndembotuicha yae ïru güi? ¿Mbae pa renoi Tumpa omeeä ndeve reve? Tumpa ko omee ndeve opaete renoi vae. Jáeramo ¿maera pa reyemboete, ndeyeugüi aeño renoi rami?

2 Corintios 7:1

Jáeramo, cherɨvɨ reta, ñanoi ramboeve kuae morogüɨrökuavee reta. Yayetɨo opaete mbae ikavimbae vae yanderete pegua güi jare yandepɨa pegua güi. Jekuaeño ñañeñono tee Tumpa peguarä yaipoɨu reve chugüi.

Gálatas 3:22

Tumpa Iñee pe jei rami, opaete vae iyoa vae ko, ërei oñemeeta Jesucristo re güɨrovia vae reta pe, Tumpa güɨrökuavee vae.

Efesios 2:2

Echa jókuae pe ko peyapo yepi tenonde rupi, pemomoe teko kuae ɨvɨ pegua, peyapo jókuae mburuvicha yaechambae vae iñeereendumbae vae re oparavɨkɨ oï vae jemimbota.

Efesios 4:22

Jáeramo, agüɨye mo peiko peikose rami. Peeya peyeugüi pereko indechigüe oñemona ikavimbae pe vae, pepɨa jemimbota yembotavɨ pegua.

Colosenses 1:21

Jare tenonde yave pe reta mombɨrɨ yae peiko Tumpa güi, jare peyovaicho jese pepɨa pe, peyapose ikavimbae vae. Ërei añave pembopɨakatu ma Tumpa ndive,

1 Tesalonicenses 4:13

Cherɨvɨ reta, mbaetɨ roipota pepɨta peikuaambae omanogüe vae reta regua, agüɨye vaerä pepɨatɨtɨ, jókuae mbaetɨ mbae oäro vae reta rami.

1 Tesalonicenses 5:6

Jáeramo, agüɨye yake ïru vae reta rami. Jaeño yasareko avei jare yayeandu avei ñaï.

1 Timoteo 6:9

Ërei oipota oikokatu vae reta mbaetɨ ipɨaguasu, oa mbaeyoa pe, jare jeta mbaepotarai ikavimbae vae pe. Jare oñeäka pɨpɨ mbaesusere jare kañɨtei pe.

Tito 3:3

Echa tenonde yave yandearakuaambaese yepi, yandepɨapochɨ, yanderopa, yaikose yanderete jemimbota reta reño, yaiko ikavimbae rupi, yandepɨakatúä,

1 Pedro 1:14

Tumpa taɨ reta iñeereendu katu vae ramo, agüɨye mo peiko peremimbota rupi tenonde yave peikuaambae reve peikose pɨpe vae rupi;

2 Pedro 2:14

Jae reta jekuaeño oipota oyuvanga menda re, mbaetɨ iyangapɨɨ reta iyoa, oyapouka mbaeyoa iporogüɨrovia re mbaetɨ ipɨ̈rata vae reta pe, jae reta oyepokuaa imbaepotarai, Tumpa oyepopeyu ma jese reta.

2 Pedro 2:18

Imiari reta oyemboete reve ñee añetembae, ombotavɨ ye soo jemimbota rupi oyembosɨrɨ tëi ma ikavimbae vae iyapoa reta güi vae.

1 Juan 2:16

echa opaete mbaembae oime ɨvɨ pe vae, soo jemimbota reta, mbaembae ipöra vae reta yaecha vae jare yemboete mbaeyekou regua mbaetɨ ko ou yandeRu güi, ou ko ɨvɨ güi.

1 Juan 2:8

Ërei aikuatía peve mborookuai ipɨau vae, jae ko oï añetete Cristo re jare peré vi. Echa pɨtumimbi oasa ojo oiko jare tembipe añetete vae jembipe ma ou.