Efesios 2:2 - Biblia Guarani Tumpa Iñee

² Echa jókuae pe ko peyapo yepi tenonde rupi, pemomoe teko kuae ɨvɨ pegua, peyapo jókuae mburuvicha yaechambae vae iñeereendumbae vae re oparavɨkɨ oï vae jemimbota.

Nuevo Testamento Guaraní Pe

² Jare jocuae jeco pegua jecuaeño peyapose icavi mbae vae oporogüɨrovia mbae vae reta jeco rami. Echa jocorai oipota peyapo vaera jocuae mburuvicha icavi mbae vae mbaeti ñandepuere yaecha vae - jae co jocuae aña guasu oporogüɨrovia mbae vae reta ipɨa pe oparavɨquɨ oi vae. Jocorai oparavɨquɨ, agüɨye vaera jae reta oyapo Tumpa jeigüe.

Efesios 2:2 Iomraidhean Croise

JOB 1:16

Kuae imiari vɨteri oï ramboeve ou ïru oväe, jare jei: —Ama-vera oa ara güi, jare opaetei oapɨ vecha reta jare iyangarekoa reta, jare opaetei omokañɨtei; cheño etei aasayepe ayu vaerä chemiari ndeve.

JOB 1:19

jare ou ɨvɨtuai täta yae vae ñuu kotɨ güi, jare omokana irundɨ reve okɨta reta jare oitɨ taɨrusu vae reta re, jare opa omano reta; jare cheño etei aasayepe ayu vaerä chemiari ndeve.

JOB 1:7

Jare yandeYa jei Satanás pe: —¿Ketɨ güi pa reyu? Jare Satanás jei yandeYa pe: —Ɨvɨ rupi ayere aguata aikoa kotɨ güi.

JOB 31:7

Apia ra tape isɨmbi vae güi, chemoamɨri ra mbaepotarai, oime ra mbae ambuae oñeväe chepo pe.

SALMOS 17:14

ndembaepuere pe chereroasayepe chugüi reta cheYa, ¡emokañɨtei reta kuae ɨvɨ güi, echa jae reta imbae güɨnoi kuae ɨvɨ peño! Jae reta oyemboikokatu yae ndeporerekua pe, omoɨ̈vɨata taɨ reta, jembɨre ye jɨmɨmino reta peguarä.

ISAÍAS 30:1

YandeYa jei: “¡Paravete, cheraɨ oyembosɨrɨ chegüi vae reta, oyemongeta reta mbae oyapo vaerä, oparandumbae reve cheve, oyupavo reta mbae oyapo vaerä, mbaetɨ reve che añono ipɨa pe, jökorai jeiete omoïru reta mbaeyoa iyeupe!

ISAÍAS 57:4

¿Kia re pa pepuka puka? ¿Kia pe pa pekü pemoë moë? ¿Kia re pa pemiari kaviä? Pe reta ¿jaeä pa ko ipɨapochɨ vae reta, jare iyapu vae reta?

JEREMÍAS 23:10

Echa tëtaguasu tɨnɨe iyaguasa pota vae reta, kuimbae reta osɨi oyapo ikavimbae, imbaepuere oiporu reta jupimbae oyapo reta vaerä. Jáeramo yandeYa oyepopeyu ɨvɨ re, jare ɨvɨ otini, jare kapii ñuu rupigua opa ipiru.

OSEAS 10:9

YandeYa jei: “Israel iyoa güire Gabaa pe jekuaeño oyapo mbaeyoa. ¡Jökorai yogüɨreko! Jáeramo, outa ñeraro kuae jeko pɨ̈chɨi vae reta pe Gabaa pe.

LEVÍTICO 11:16

yandu, suinda, güɨra ɨ rupigua, jare oipotagüe kirikiri ambuaeyee ye vae,

San Mateo 11:19

Che Kuimbaerä ayeapo vae ayu, jare che akaru jare jau vino. Jare jei reta chekotɨ körai: ‘Mase, jae ikaru yae jare jou vino. Jae ko mburuvicha peguarä okovara vae reta jare ikavimbae iyapoa reta ivɨa-ïru.’ Ërei Tumpa iyarakuaa oyekuaa opaete oyeapogüe rupi.”

San Mateo 13:22

Jökorai vi jókuae temitɨ oa yuu pɨte rupi vae oyembojaanga Tumpa iñee oendu vae re. Ërei omboɨpɨ oyemoambeko ɨvɨ pegua mbaembae re, jare oyembotavɨ, oipota oikokatu jeko pegua, jare omoakañɨ ye Tumpa iñee güi. Jáeramo jae reta jókuae temitɨ iambae vae rami ko.

San Mateo 13:38

Jókuae, ko, oyembojaanga opaete ɨvɨ re. Trigo ikavi vae oyembojaanga Tumpa iporookuaía pegua reta re. Ërei trigoraanga oyembojaanga ikavimbae vae oyapo vae reta re.

San Marcos 4:19

Ërei jae reta omboɨpɨ oyemoambeko ɨvɨ pegua mbaembae re, jare oyembotavɨ oipota oikokatu ramo, oipota rai vi güɨnoi vaerä jeta mbaembae. Jökorai opaete jókuae reta oyuka ñee ikavi vae, jare opɨta temitɨ iambae rami.

San Lucas 16:8

Jare kuimbae oikokatu vae omboete imbaembae iyangarekoa ñarakuaa vae, ipoki reve oyapo iyeupe vae re. Echa kuae ɨvɨ pegua reta oikatu yae ko iyeupe ïru ndive Tumpa pe oyeokuai vae reta güi.

San Lucas 22:31

YandeYa jei Simón pe: —Simón, Simón, mase, Satanás oyerure ma peré, pemboyao vaerä trigo oyembogua rami.

San Juan 12:31

Oväe ma ara oñejäa vaerä ɨvɨ pegua reta. Aña, kuae ɨvɨ juvicha oyemombo ma ko.

San Juan 13:2

Judas Iscariote, Simón taɨ ipɨa pe aña guasu oñono ma omee vaerä Jesús jovaicho reta pe. Jare Jesús oikuaa kavi ma Tu oñono opaete mbaembae ipo pe. Oikuaa vi ou ko Tumpa güi jare ojo yeta ko Tumpa oïa pe. Jare pɨ̈tu yave Jesús jare jemimboe reta okaru ñogüɨnoi ramboeve, jae opüa mesa güi, omboi jemimonde iarambogua, jare oyekuakua metei toalla pe.

San Juan 13:27

Jare Judas jou ñoete, Satanás oike ipɨa pe. Jayave Jesús jei chupe: —Eyapo voi jókuae reyapota vae.

San Juan 14:30

Ngaraa ma ɨma chemiari peve. Echa aña kuae ɨvɨ juvicha outa ete ma oväe cheve. Ërei ngaraa ipuere cheré.

San Juan 15:19

Pe reta mona ɨvɨ pegua yave, ɨvɨ pegua reta peraɨuta tëi ko. Ërei che poparavo ma ɨvɨ pegua reta ipɨte güi ramo, jae reta pemotareɨ. Echa pe reta ɨvɨ peguaä ma ko.

San Juan 16:11

Jare morojäa regua oikuaaukata, echa aña kuae ɨvɨ juvicha oñejäauka ma.

San Juan 7:7

Ɨvɨ pegua reta mbaetɨ mbae re pemotareɨ vaerä, ërei che chemotareɨ reta. Echa che amombeu chupe reta ikavimbae vae ko jae reta oyapo vae.

San Juan 8:23

Jayave Jesús jei chupe reta: —Pe reta ara peguaä ko, che ko ara pegua. Pe reta ko kuae ɨvɨ pegua, ërei che kuae ɨvɨ peguaä ko.

San Juan 8:44

Aña guasu ko jae peru; jare pe reta peipota peyapo peru oipota vae rupi. Jae oporoyuka iyɨpɨ güive vae ko, mbaetɨi oiko añete vae rupi, echa añetete vae peguaä ko. Iyapu yave, jeko aeño ko omboyekuaa, echa jae ko iyapu yae vae, apu iyɨpɨ ko.

Hechos 19:35

Jayave tëta guasu pegua reta juvicha omokïrii yatɨ vae reta yave, jei chupe reta: “Kuimbae Efesoɨgua reta. Opaete vae oikuaa kavi ko kuae tëta guasu oï ko oyangareko vaerä tumpa guasu Diana itupao re jare iä ara güi oa vae re.

Hechos 5:3

Jayave Pedro jei chupe: —Ananías, ¿maera pa remaeño Satanás güɨnoi mbaepuere nderé, ndeapu vaerä Espíritu Santo pe jare reekɨ ndeyeupe ndeɨvɨ jepɨgüe güi?

Romanos 12:2

Agüɨye mo peiko añave ipɨa jemimbota reño yogüɨreko vae rami. Peipoepɨ peyemongeta, oyepoepɨ vaerä vi peikogüe vae jare peikuaa vaerä Tumpa jemimbota re; jae ko ikavi yae vae, omboyerovia vae, jaekavi yae vae.

1 Corintios 5:10

mbaetɨ ko poyókuai peyemboyao etei vaerä kuae ɨvɨ pe iyaguasa pota vae reta güi, ani imbaepotarai vae reta güi, ani imonda vae reta güi, ani itumpa-raanga pota vae reta güi. Echa jökorai yave, ngaraa pepuere peiko kuae ɨvɨ pe.

1 Corintios 6:11

Jökorai ko pe reta yepi. Ërei peyetɨouka ma, peñeñono teeuka ma, peyembojupiuka ma yandeYa Jesús jee re jare yandeRu Tumpa iEspíritu rupi.

2 Corintios 4:4

Echa kuae ɨvɨ pegua tumpa ombopɨtumimbi oporogüɨroviambae reta iyarakuaa, agüɨye vaerä oikuaa kavi ñee ikavi vae Cristo iyemboetea regua. Jae ko Tumpa etei.

Gálatas 1:4

YandeYa Jesucristo oñemee omano vaerä yandeyoa reta re, yandeyora vaerä teko ikavimbae vae ɨvɨ pegua güi. Echa kuae ko jae yandeRu Tumpa jemimbota.

Efesios 1:21

güɨnoi vaerä mbaepuere opaete mburuvicha reta ara pegua, ɨvɨ pegua jare oipotagüe mbaepuere güɨnoi vae re, jare opaete tuichagüe yae vae reta, añave pegua reta jare oikota vae reta re;

Efesios 2:11

Jáeramo, pemaendúa pe judiombae reta, tenonde rupi jete pe oyembocircuncida vae reta jeise peve “oyembocircuncidambae”,

Efesios 2:13

Ërei añave Cristo Jesús re, pe reta mombɨrɨ peikose Tumpa güi vae, peyemboyauka jese Cristo Jesús jugüɨ rupi.

Efesios 2:3

Tenonde yave opaete yande vi yaiko yandesoo jemimbota reño jae reta rami. Yayapo yepi yandesoo jemimbota reta jare yandeyemongeta retaño. Jáeramo Tumpa iyarasɨ igüɨ pe yaiko, opaete ïru reta rami.

Efesios 4:17

Kuae jae peve pomoñera reve yandeYa jee re: Agüɨye mo peiko oporogüɨroviambae reta rami, iyemongeta ikavimbae rupi yogüɨreko vae reta rami,

Efesios 4:22

Jáeramo, agüɨye mo peiko peikose rami. Peeya peyeugüi pereko indechigüe oñemona ikavimbae pe vae, pepɨa jemimbota yembotavɨ pegua.

Efesios 5:6

Agüɨye kia ave tapembotavɨ ñee osirivembae pe, echa kuae jeko pegua ko Tumpa iyarasɨ ou iñeereendumbae reta re.

Efesios 5:8

Echa tenonde yave peikose pɨtumimbi pe rami. Ërei añave peiko tembipe rami yandeYa re. Peiko tembipe pe yogüɨreko vae reta rami.

Efesios 6:12

Echa mbaetɨ ñañeraro ñaï ɨvɨ pegua reta ndive. Ñañeraro ko ñaï mburuvicha reta, imbaepuere vae reta, tenondegua ete mburuvicha pɨtumimbi pegua reta ndive, jeta vae ara rupigua reta ikavimbae pegua reta ndive.

Colosenses 1:21

Jare tenonde yave pe reta mombɨrɨ yae peiko Tumpa güi, jare peyovaicho jese pepɨa pe, peyapose ikavimbae vae. Ërei añave pembopɨakatu ma Tumpa ndive,

2 Timoteo 4:10

echa Demas chereeya ma ojo Tesalónica kotɨ, oaɨu ramo mbaembae kuae ɨvɨ pegua. Crescente ojo Galacia kotɨ, jare Tito ojo Dalmacia kotɨ.

Santiago 1:27

Mborogüɨrovia ikavi jare ikɨambae yandeRu Tumpa jóvai vae, jae ko: Yamborɨ tɨ̈reɨ reta jare imemano vae reta oiporara ñogüɨnoi vae, jare yayeangareko ɨvɨ pegua ikavimbae vae güi.

Santiago 1:7

Jókuae nunga, agüɨye toäro yandeYa omeeta ko mbae chupe.

Santiago 4:4

Pe reta menda re oyuvanga vae reta rami ko. ¿Mbaetɨ pa peikuaa oñomoïru ɨvɨ pegua ndive vae oyovaicho ko Tumpa ndive? Oipotagüe oñemoïru ɨvɨ pegua ndive vae, oyeapo ko Tumpa jovaichorä.

1 Pedro 1:14

Tumpa taɨ reta iñeereendu katu vae ramo, agüɨye mo peiko peremimbota rupi tenonde yave peikuaambae reve peikose pɨpe vae rupi;

1 Pedro 4:3

Peyapo ma ko ɨma rupi oporogüɨroviambae reta omomora vae; peiko yepi soo jemimbota reta rupi, savaɨpo rupi, oasa ete pekau jare pekaru vae rupi, kau rupi avei jare petumpa-raanga pota ikavimbae yae vae rupi.

2 Pedro 2:14

Jae reta jekuaeño oipota oyuvanga menda re, mbaetɨ iyangapɨɨ reta iyoa, oyapouka mbaeyoa iporogüɨrovia re mbaetɨ ipɨ̈rata vae reta pe, jae reta oyepokuaa imbaepotarai, Tumpa oyepopeyu ma jese reta.

1 Juan 3:10

Yandepuere yaikuaa kia ra ko jae Tumpa taɨ reta jare kia ra ko jae aña guasu taɨ reta vae. Opaete kia jupimbae oyapo vae, jare mbaetɨ oaɨu ïru oporogüɨrovia vae, Tumpa taɨä ko.

1 Juan 3:8

Jekuaeño mbaeyoa oyapo vae aña guasu imbae ko. Echa aña guasu iyoa avei iyɨpɨ güive. Tumpa Taɨ oyeapo kuimbaerä omboai vaerä aña guasu iparavɨkɨ.

1 Juan 4:4

Cheraɨ aaɨu vae reta, pe reta ko jae Tumpa imbae reta, jare pemoamɨri ma añetembae re oporomboe vae reta. Echa oï peré vae tuichagüe yae ko jókuae kuae ɨvɨ pe oï vae güi.

1 Juan 5:19

Yaikuaa ko yande jae Tumpa taɨ reta, jare kërai aña guasu güɨnoi mbaepuere opaete ɨvɨ re.

1 Juan 5:4

Tekove Tumpa güi güɨnoi vae omoamɨri ɨvɨ pegua teko. Yandeporogüɨrovia rupi ko ñamoamɨri ɨvɨ pegua teko.

Apocalipsis 12:9

Jare oyemombouka jókuae mbaeporou guasu, mboi ñɨma vae, aña guasu Satanás jee vae, jae ko ombotavɨ opaete ɨvɨ pegua reta vae; oyemombouka ara güi opaete iaraɨgua reta ndive.

Apocalipsis 13:14

Jare mɨakañɨ oyapo mbaemɨmba guasu jovake vae rupi ombotavɨ ɨvɨ pegua reta. Jare oyókuai ɨvɨ pegua reta oyapo vaerä jókuae mbaemɨmba guasu ipere kɨsepuku pe vae jare oikove yae vae iä.

Apocalipsis 13:8

Jare omboete opaete ɨvɨ pegua reta jee mbaetɨ oyekuatía oï Vecha kuimbae taɨrusu vae jembikuatía tekove opambae vae pegua pe vae. Vecha kuimbae taɨrusu vae oyeyukauka ko ndei ɨvɨ oyeapo mbove.

Apocalipsis 16:17

Jare araɨgua chiúa opɨyere kopa güɨnoi vae ɨvɨtu re. Jare oyeendu metei ñee tätagüe ara pegua tupao güi, Tumpa iguapɨa güi, jei reve: “¡Oyeapo ma!”

Apocalipsis 20:2

Jare oipɨɨ jókuae mbaeporou guasu, mboi ñɨma vae, jae ko aña guasu Satanás. Jare oipokua mil año pegua.