Efesios 1:7 - Biblia Guarani Tumpa Iñee

⁷ jugüɨ rupi yandereepɨ ma, Tumpa iñɨ̈ro vaerä yandeve yandeyoa reta re, ipɨakavi yae rupi,

Nuevo Testamento Guaraní Pe

⁷ Jesucristo ñanderepɨ ma. Echa omano ñanderé. Jae rambue Tumpa iñɨro ñandeve ñanembaeyoa reta re. Echa jae ipɨacavi tuicha yae co.

Efesios 1:7 Iomraidhean Croise

JOB 33:24

Toiparareko jare tei Tumpa pe: “Eroasayepe tɨvɨa güi, echa aväe chupe oepɨ vae.”

SALMOS 130:4

Ërei nde ko neɨ̈ro vae, reyemboeteuka vaerä.

SALMOS 130:7

Nde tëta Israel, eäro yandeYa, echa jae iporoparareko jare oporoepɨ vae ko.”

SALMOS 86:5

Echa nde cheYa, ndepɨakavi jare neɨ̈ro vae ko; ndeporoparareko tuicha yae ko nereenɨi vae reta kotɨ.

ÉXODO 34:7

Jeta ñemuña reta re iporoparareko vae, iñɨ̈ro ikavimbae iyapoa pe, ipɨarai vae pe, mbaeyoa iyapoa pe, ërei mbaetɨ oeya jekombae rami mbae pɨ̈chɨi iyapoa, echa ko iñemuñagüe reta imbaeyavɨ oiporarata taɨ reta, jɨmɨmino reta, jɨmɨmino taɨ reta jare jɨmɨmino reta jɨmɨmino.

ISAÍAS 43:25

Ërei che peTumpa, ayeaɨu jeko pegua amboai peyoa reta, ngaraa ye ma chemaendúa peyoa reta re.

JEREMÍAS 31:34

Jare ngaraa ye ma metei ave omboe japicha vae, ani ramo jëtara vae, jei reve: ‘Eikuaa yandeYa’; echa opaete vae chekuaata, mbaeä etei vae reta güive opaete tuichagüe reta; echa cheɨ̈rota chupe reta jeko kavimbae re jare ngaraa ye chemaendúa iyoa reta re. Che peYa ko jae kuae.”

DANIEL 9:19

¡OreYa Tumpa! ¡Eendu oreve, neɨ̈ro oreve! ¡Eyeapɨsaka oreré, oreYa, eyu oremborɨ! ¡Reyeaɨu jeko pegua, eyapo oreve jarembae oreTumpa; echa nerëta guasu re jare ndembae vae reta re nderee oñeenɨi!’

DANIEL 9:9

OreYa Tumpa, ndegüi ko outa mboroparareko jare ñɨ̈ro. Yepe tëi ore orepɨa pochɨ ndekotɨ,

JONÁS 4:2

Jare oyerure Tumpa pe körai: —Añave, cheYa Tumpa aikuaa voi ko kuae, cheɨvɨ pe vɨteri aï yave. Jáeramo ko atekuarai Tarsis kotɨ; echa aikuaa nde ko jae Tumpa ipɨaguasu yae vae, mbaetɨ iyarasɨ voi vae, jare iporoparareko yae ete vae, jare reipoepɨ ndeyemongeta ikavimbae reyapota tëi vae.

MIQUEAS 7:18

Mbaetɨ ïru Tumpa nde rami; echa nde neɨ̈ro ikavimbae iyapoa pe jare neakañɨ ndembae vae reta jembɨregüe iyoa güi, mbaetɨ ndearasɨ avei; echa ndeporoparareko nekɨ̈reɨ ngatu reve.

ZACARÍAS 13:1

Jókuae ara oyepeata metei ɨesaɨ David iñemuña reta peguarä jare Jerusalén pegua reta peguarä, oyeapo vaerä yetɨo mbaeyoa güi jare ikɨa Tumpa jóvai vae güi.

ZACARÍAS 13:7

YandeYa Imbaepuere yae ete vae jei: “¡Kɨsepuku, epüa vecha iyangarekoa kotɨ, jókuae kuimbae cheïru kotɨ! ¡Eyuka vecha iyangarekoa jare toñemoai vecha reta, jare chepo añonota vecha raɨ reta kotɨ!

ZACARÍAS 9:11

YandeYa jei körai: “Nde Jerusalén tugüɨ morogüɨrökuavee päve pegua pe reyemboasaukata, che ko anoeta tembipɨɨ reta ɨrɨru güi.

San Mateo 20:28

Echa che Kuimbaerä ayeapo vae ayu ayeokuai vaerä ïru vae reta pe. Mbaetɨ ayu ïru vae reta oyeokuai cheve vaerä. Ayu amano vaerä, jeta vae aepɨ vaerä.

San Mateo 26:28

echa kuae jae ko cherugüɨ morogüɨrökuavee päve ipɨau vae pegua, oyepɨyereta Tumpa iñɨ̈ro vaerä jeta vae reta pe iyoa reta re.

San Mateo 6:12

Neɨ̈ro oreve oreyoa reta re, ore oreɨ̈ro iyoa orekotɨ vae reta pe rami.

San Marcos 14:24

Jare jei chupe reta: —Kuae ko jae cherugüɨ morogüɨrökuavee päve ipɨau vae pegua, oyepɨyereta jeta vae reta peguarä.

San Lucas 1:77

Reikuaauka vaerä yemboasa imbae reta pe, Tumpa iñɨ̈ro vaerä chupe reta iyoa re.

San Lucas 24:47

jare kërai oñemoërakuata jee re Jerusalén güive opaete tëtaguasu rupi oeya vaerä iyemongeta ikavimbae vae ipɨa pe güɨnoi vae jare Tumpa iñɨ̈ro vaerä chupe reta iyoa reta re.

San Juan 20:23

Peɨ̈ro yave oipotagüe vae pe iyoa re, Tumpa omboaita ko iyoa. Jare peɨ̈roä yave oipotagüe vae pe iyoa re, iyoa ngaraa oyemboai.

Hechos 10:43

Kuae regua ko omoërakua opaete ñeemombeúa reta. Jae reta jei Tumpa iñɨ̈rota opaete jese güɨrovia vae reta pe iyoa re Jesús jee re.

Hechos 2:38

Jayave Pedro jei chupe reta: —Peeya peyemongeta ikavimbae vae pepɨa pe penoi vae, jare peyembobautisauka metei ñavo Jesucristo jee re, Tumpa iñɨ̈ro vaerä peve peyoa reta re. Jare jae omeeta peve Espíritu Santo.

Hechos 20:28

Jáeramo peyeandu jare peyangareko opaete oporogüɨrovia vae reta re, Espíritu Santo peparavo peyangareko jese vaerä vae reta re. Jókuae yandeYa oiparavo vae reta re, jae ogua jugüɨ ae pe vae.

Hechos 3:19

Jayave peeya peyemongeta ikavimbae vae pepɨa pe penoi vae jare peyerova Tumpa kotɨ, peyoa reta oyemboai vaerä, jare ou vaerä yandeYa güi ara mbɨakatu pegua,

Romanos 2:4

Reröɨro Tumpa ipɨakavi jare ipɨaguasu yae ndeve vae. ¿Mbaetɨ pa reikuaa ipɨakavi ko ndeve, reeya vaerä ikavimbae ndepɨa pe oï vae?

Romanos 3:24

Ërei Tumpa ipɨakavi rupi oporombojupi jepɨmbaeño, echa yandereepɨ ma Cristo Jesús rupi;

Romanos 3:25

jae ko Tumpa omee, oime vaerä ñɨ̈ro jugüɨ rupi yarovia yave, jökorai oyekuaa kërai Tumpa jupi ko, arakae iñɨ̈ro yave ipɨaguasu reve opaete mbaeyoa reta re;

Romanos 9:23

jae omoërakua vaerä iyemboetea tuicha yae vae, omboyekuaa iporoparareko rupi, jókuae omokätɨro ma iyɨpɨ güive chupe reta yemboetea peguarä vae;

1 Corintios 1:30

Ërei Tumpa etei peapo metei ramiño Cristo Jesús ndive. Echa Cristo Jesús rupi Tumpa omee yandeve arakuaa, yembojupi, ñaneñono tee jare yandereepɨ.

2 Corintios 8:9

Peikuaa kavi ko kërai yandeYa Jesucristo ipɨa kavi, kërai jae yepe tëi oikokatu, ërei oyemombaravete peraɨu ramo, peikokatu vaerä.

Efesios 1:14

Jae ko oikuaauka Tumpa omeeta yandeve vae iyarä ko yande vae, yandereraja ete regua, oyemboeteuka vaerä.

Efesios 1:18

Tumpa toesape pearakuaa, peikuaa kavi vaerä mbaerä ra pereenɨi vae jare kërai penoi vi ko mborerekua tuichagüe oporogüɨrovia vae reta ndive vae,

Efesios 1:6

ipɨakavi yae oyemboete vaerä, jókuae rupi yandeapo taɨrä, Taɨ oaɨu vae rupi;

Efesios 1:8

omee jeta yae yandeve ipɨakavi, iyarakuaa katu yae rupi;

Efesios 2:4

Ërei Tumpa yandeparareko yae, jare yanderaɨu yae ramo,

Efesios 2:7

Kuae oyapo, oechauka vaerä ara reta taɨkuegua pe kërai tuicha yae ko ipɨakavi, jare ipɨakavi yandeve Cristo Jesús rupi.

Efesios 3:16

omee vaerä peve iyemboetea tuicha yae rupi pepɨ̈rata peporogüɨrovia pe iEspíritu rupi,

Efesios 3:8

Yepe tëi che ko michi yae opaete oporogüɨrovia vae michi yae vae güi, ërei oñemee cheve Tumpa ipɨakavi, amoërakua vaerä judiombae reta pe ñee ikavi vae, Cristo imbaeyekou yaipapa rapembae vae re,

Filipenses 4:19

Jáeramo, cheRu Tumpa omeeta peve opaete mbaembae oata peve vae, Cristo Jesús re jeta mbaeyekou güɨnoi vae rupi.

Colosenses 1:14

yandeRu yandereepɨ Taɨ imano rupi, jare iñɨ̈ro yandeyoa reta re.

Colosenses 1:27

Echa Tumpa ikɨ̈reɨ oikuaauka chupe reta kërai kuae yaikuaambae vae iyemboetea tuicha yae judiombae vae reta peguarä vae; jae ko Cristo oiko pepɨa pe vae, jese peäro mbaemboetea vae.

Colosenses 2:13

Tenonde yave pe reta pemano peiko peyoa reta pe, jare mbaetɨ peyembocircuncida vae pe. Ërei Tumpa pemoingove Cristo ndive jare iñɨ̈ro peve opaete peyoa reta re.

Colosenses 2:2

pepɨakatu vaerä, jare peyoaɨu vaerä metei ramiño, peupitɨ regua opaete arakuaa, peikuaa regua yandeRu Tumpa jare Cristo regua yaikuaambae vae.

1 Timoteo 2:6

Jae oñemee omano vaerä, oepɨ vaerä opaete vae. Jare Tumpa oikuaauka kuae, iara pe kavi.

Tito 2:14

Echa jae oñemee omano vaerä yanderé, jae yandereepɨ vaerä opaete ikavimbae güi, jare oyoe vaerä yandepɨa yandeyoa reta güi, yandeapo vaerä imbae retarä, yaipota yae vaerä yayapo mbaravɨkɨ ikavi vae.

Tito 3:6

Echa Tumpa ñanemotɨnɨe Espíritu Santo pe, Yandemboasa vae Jesucristo rupi.

Hebreos 9:22

Jare tugüɨ rupi mborookuai jei rami opaete seri oyeyoe Tumpa kotɨ. Jare tugüɨ oyepɨyerembae reve Tumpa mbaetɨ iñɨ̈ro mbaeyoa reta re.

1 Pedro 2:24

Cristo etei güɨraja yandeyoa reta jete re kurusu re, yande ñamano ñaï mbaeyoa pe vae yaikove vaerä jupi vae re. Jare jae oyekutu vae rupi yakuera.

1 Pedro 3:18

Cristo vi metei veseño oiporara yandeyoa reta re. Jupi vae oiporara jupimbae vae reta re, yandereraja vaerä Tumpa pe. Jae jete omano kuimbae rami ërei oikove ye Espíritu pegua.

1 Juan 2:12

Cheraɨ aaɨu vae reta, aikuatía körai peve, echa Tumpa iñɨ̈ro ko peve peyoa reta re jee re.

1 Juan 2:2

Jae imano rupi Tumpa iñɨ̈ro yandeve yandeyoa reta re; ërei mbaetɨ yandeyoa reño, opaete ɨvɨ pegua reta iyoa reta re vi ko.

1 Juan 4:10

Kuae re oï mboroaɨu: Mbaetɨ ko yande yaaɨu Tumpa ramo, jaeño jae yanderaɨu jare ombou Taɨ rupi iñɨ̈ro vaerä yandeyoa reta re.

Apocalipsis 14:4

Jae reta mbaetɨ oyemongɨa kuña reta ndive. Echa mbaetɨ etei oasa reta kuña ndive. Jae reta yogüɨraja Vecha kuimbae taɨrusu vae ndive kerupi ojoa rupi. Kuae reta ko Cristo oepɨ ɨvɨ pegua reta ipɨte güi vae. Jae reta ko mbaagüɨye rɨpɨ rami Tumpa jare Vecha kuimbae taɨrusu vae peguarä.

Apocalipsis 5:9

jare jae reta otairari metei tairari ipɨau vae, jei reve: “Jupi ko nde reipɨɨ vaerä tembikuatía, jare reyora vaerä imboyaa, echa reyeyukauka, jare nderugüɨ pe oreyora Tumpa peguarä, opaete ñemuña, ñee, tëta jare tëtaguasu,