Efesios 1:4 - Biblia Guarani Tumpa Iñee

⁴ jae yandeparavo jese ndei ɨvɨ oyeapo mbove, ñañeñono tee yaiko vaerä ikɨambae jae jóvai;

Nuevo Testamento Guaraní Pe

⁴ Echa ndei ɨvɨ oyeapo mbove, Tumpa ñandeparavo, ñande ñai vaera Cristo imbaera. Cuae oyapo, ñaneñono tee vaera iyeupeguara, jare ñanembojupi vaera jae jovaque.

Efesios 1:4 Iomraidhean Croise

2 SAMUEL 22:24

Aguata sɨmbi rupi kavi jóvai; jare ayeandu ikavimbae güi.

SALMOS 135:4

Echa jae oiparavo iyeupe tëta Israel, Jacob iñemuña reta.

ISAÍAS 42:1

“Mase, ko oï cherembiokuai, che ayangarekota jese vae; cherembiparavo, chepɨa oyerovia jese vae; jese añono cheEspíritu; jae güeruta jupi vae opaete tëtaguasu reta peguarä.

LEVÍTICO 19:2

“Ere opaete Israel iñemuña reta pe: Peiko tee peyoambae, echa che peYa Tumpa iyoambae ko.

LEVÍTICO 20:7

Peñeñono tee cheve, jare peiko iyoambae, echa che ko peYa Tumpa.

San Mateo 24:22

Jare yandeYa mbaetɨ omboapɨ jókuae ara reta yave, ngaraa etei oime oasayepe vae. Ërei jembiparavo reta jeko pegua omboapɨta jókuae ara reta.

San Mateo 24:24

Echa opüata jeta Cristo jaanga reta, jare ñeemombeúa jaanga reta. Jare jae reta oyapota jeta mɨakañɨ reta tuichagüe, oporombotavɨ vaerä, jare ipuereta vi ombotavɨ Tumpa jembiparavo reta ave.

San Mateo 24:31

Jare amondota chearaɨgua reta jemimbɨguasu omoñee reve güeru vaerä aiparavogüe reta opaete ketɨ ketɨ güi.

San Mateo 25:34

Jayave che Mburuvicha guasu. Jaeta cheakatu kotɨ ñogüɨnoi vae reta pe: ‘Peyu, cheRu iporerekua peré vae reta, peiko mborookuaía ɨvɨ oyeapo güive oñemokätɨro peve vae pe.

San Juan 10:16

Oime vi anoi ïru vecha reta kuae peguambae vae reta. Ërei jae reta aruta vi jare oendu retata vi cheñee. Jayave oimeta metei atɨño jare meteiño vecha reta iyangarekoa.

San Juan 15:16

Pe reta mbaetɨ ko cheparavo. Che ko poparavo. Jare poñono peo vaerä jeta peia jare jókuae peiagüe toiko avei. Oipotagüe mbae peiporu cheRu pe cheree re yave, jae omee vaerä peve.

San Juan 17:24

CheRu, aipota kuae remee cheve vae reta yogüɨreko vaerä vi che aikoa pe, oecha vaerä mbaemboetea remee cheve vae. Echa ndei ɨvɨ oyeapo mbove nde cheraɨuño mai.

Hechos 13:48

Jare judiombae vae reta oendu yave kuae ñee, oyerovia yae reta jare ombotuicha Tumpa iñee. Jare güɨrovia opaete jókuae Tumpa oiparavo tekove opambae vae güɨnoi vaerä vae reta.

Hechos 15:18

Che peYa aikuaauka kuae arakae güive vae, jae körai.”

Hechos 18:10

Echa che aï nde ndive, jare ngaraa kia ipuere oyapo ikavimbae vae ndeve. Echa oime jeta chembae vae reta kuae tëta guasu pe.”

Romanos 8:33

¿Kia pa ipuereta omboeko Tumpa jembiparavo reta? Tumpa ko jae oporombojupi vae.

1 Corintios 1:8

Tumpa jekuaeño tapemomɨ̈rata jae ou ye regua, agüɨye vaerä kia ipuere pemboeko mbae re Jesucristo iväea iara pe.

Gálatas 5:13

Añete ko, cherɨvɨ reta, Tumpa peparavo peyeyora vaerä. Jaeño agüɨye peiporu jókuae yeyora soo jemimbota peyapo vaerä, ërei peyeokuai oyoupe peyoaɨu reve.

Gálatas 5:22

Ërei Espíritu Santo omee yandeve vae jae mboroaɨu, yerovia, mbɨakatu, mbɨaguasu, mbɨakavi, mborogüɨrovia,

Gálatas 5:6

Echa Cristo Jesús re, mbaeä ko oyembocircuncida vae, ani oyembocircuncidaukambae vae. Ikavi vae jae ñanoi yave mborogüɨrovia mboroaɨu reve vae.

Efesios 2:10

Echa Tumpa jembiapo ko yande, yandeapo Cristo Jesús re, yayapo vaerä mbae ikavi vae. Kuae ko tenonde güive voi ma Tumpa omokätɨro yayapo vaerä.

Efesios 3:17

Cristo toiko pepɨa pe peporogüɨrovia rupi, jökorai tätagüe jare pepɨ̈rata vaerä mboroaɨu pe,

Efesios 4:2

Peñemomichi reve, pepɨaguasu oyoupe peyoaɨu reve,

Efesios 5:2

Peyoaɨu, Cristo yanderaɨu rami. Echa jae oñemee omano vaerä yanderé, mɨmba oyeyukagüe ipiche katu vae Tumpa pe oñemee rami.

Efesios 5:27

jökorai oporogüɨrovia vae reta imboetea yae reve güeru vaerä jóvai ikɨambae reve ani jova oñɨñɨimbae reve ani jókuae rami vae, jaeño ikɨambae etei, ikavi yae reve.

Filipenses 2:15

Agüɨye vaerä kia ave pemboeko mbae re. Peiko Tumpa taɨ ikɨambae vae, kuae oporogüɨroviambae vae reta jeko ikavimbae yae vae reta ipɨte pe. Kuae reta ipɨte pe peiko tembipe rami kuae ɨvɨ pe,

Colosenses 1:22

jae jete omano vae rupi. Jökorai oyapo, peñono tee vaerä, ikɨambae, jekombae vae iyeupeguarä jae jóvai.

Colosenses 2:2

pepɨakatu vaerä, jare peyoaɨu vaerä metei ramiño, peupitɨ regua opaete arakuaa, peikuaa regua yandeRu Tumpa jare Cristo regua yaikuaambae vae.

Colosenses 3:12

Peyemonde Tumpa jembiparavo, jae oñono tee iyeupeguarä jare jembiaɨu reta rami: Peporoparareko ete kavi, pepɨakavi oyoupe, peñemomichi, pepɨaguasu oyoupe,

1 Tesalonicenses 3:12

Jare yandeYa tapembokuakuaa jare tomee mboroaɨu peve, peyoaɨu päve vaerä jare vi opaete vae, ore poaɨu rami.

1 Tesalonicenses 4:7

echa Tumpa mbaetɨ ko ñanereenɨi yaiko vaerä pɨ̈chɨi vae pe, ñanereenɨi ko yaiko tee vaerä chupeguarä.

2 Timoteo 1:9

Jae yandemboasa jare yandeparavo ñaneñono tee vaerä iyeupeguarä. Mbaetɨ ko yandeparavo mbae ikavi vae yande yayapo vae rupi. Yandeparavo ko jae iyemongeta rupi jare ipɨakavi yandeve Cristo Jesús rupi ndei ɨvɨ oyeapo güive.

2 Timoteo 2:10

Jáeramo, aropɨa aaɨu ramo Tumpa oiparavo vae reta, jae reta vi güɨnoi vaerä yemboasa Cristo Jesús rupi, mbaemboete opambae.

2 Timoteo 2:19

Ërei Tumpa iñee añete ko, mbaetɨ etei ko oyepoepɨ, echa jei körai: “YandeYa oikuaa imbae reta.” Jare: “Opaete omboete Cristo vae, tosɨrɨ ikavimbae vae güi.”

Santiago 2:5

Cherɨvɨ aaɨu vae reta, peyeapɨsaka cheré. Tumpa oiparavo iparavete vae reta oikokatu vaerä iporogüɨrovia re jare güɨnoi vaerä imbaerä mborookuaía, jókuae Tumpa güɨrökuavee omee vaerä opaete güɨnoi mboroaɨu ikotɨ vae reta pe.

1 Pedro 1:2

yandeRu Tumpa peparavo, ndei ɨvɨ oyeapo mbove oikuaa voi pe reta peyeapota ko taɨ retarä. Espíritu Santo peñono tee Tumpa peguarä, peñeereendu katu vaerä jare peyeyoe vaerä Jesucristo jugüɨ pe. Tumpa ipɨakavi jare ipɨakatu toï jeta pe reta ndive.

1 Pedro 1:20

Tumpa ombojee ñomai ndei ɨvɨ oyeapo mbove Cristo kuae ra, ërei kuae ara taɨkuegua reta pe ramo oyekuaa peraɨu jeko pegua.

1 Pedro 2:9

Ërei pe reta ko jae ñemuña oyeparavogüe, sacerdote reta, tëtaguasu oñeñono tee vae, Tumpa peparavo jae imbaerä, pemoërakua vaerä mbae tuichagüe oyapogüe, perenoe pɨtumimbi güi peiko vaerä jembipe ikavi yae vae pe.

2 Pedro 3:14

Jáeramo, cherɨvɨ aaɨu vae reta, peäro ramboeve peï kuae mbaembae reta, peyeandu agüɨye vaerä peñeväeuka pekɨa reve ani teko pe, jaeño mbɨakatu pe.

1 Juan 4:16

Yaikuaa ko jare yarovia ko Tumpa yanderaɨu. Tumpa ko mboroaɨu; oiko mboroaɨu pe vae oiko ko Tumpa re jare Tumpa oiko jese.

Apocalipsis 13:8

Jare omboete opaete ɨvɨ pegua reta jee mbaetɨ oyekuatía oï Vecha kuimbae taɨrusu vae jembikuatía tekove opambae vae pegua pe vae. Vecha kuimbae taɨrusu vae oyeyukauka ko ndei ɨvɨ oyeapo mbove.

Apocalipsis 17:8

Mbaemɨmba guasu reecha vae oikose, ërei mbaetɨ ma oiko. Oëta ɨvɨkua guasu güi, ërei ojo yeta kañɨtei pe. Jare ɨvɨ pe yogüɨreko vae reta oecha yave jókuae mbaemɨmba guasu oikose vae, ipɨakañɨ retata, jókuae jee mbaetɨ oyekuatía oï tembikuatía tekove opambae vae pegua pe ɨvɨ oyeapo güire vae reta. Ipɨakañɨ retata oecha yave mbaemɨmba guasu oikose, mbaetɨ ma oiko, oiko yeta vae.