DANIEL 8:9 - Biblia Guarani Tumpa Iñee

⁹ Jókuae jäti reta güi metei vae re oë ye ïru michi vae, kuae okuakuaa arayevɨ kotɨ, kuaraɨ oëa kotɨ jare ɨvɨ ikavi yae vae kotɨ.

DANIEL 8:9 Iomraidhean Croise

SALMOS 105:24

Jare Tumpa ombojeta yae chupe iñemuña reta, jare imbaepuere yae jovaicho Egiptoɨgua reta güi.

SALMOS 48:2

¡Ipöra yae ɨvɨtɨ guasu Sión, jókuae jovaicho ɨvɨtuguasu kotɨgua! ¡Jae ko opaete ɨvɨ omboyerovia vae! ¡Jae ko Mburuvicha guasu jëta guasu!

JEREMÍAS 3:19

Israel, che ko aipota reiko cheraɨrä, jare amee ndeve ɨvɨ ipotaa yae vae, tëtaguasu reta iɨvɨ ikavi yae vae. Ayemongeta ko rere vaerä cheve cheRu, jare mbaetɨ yeta resɨrɨ chegüi.

EZEQUIEL 20:15

Jaeramiño vi, chepo aupi reve jae chupe reta ñuu pe, mbaetɨta amaeño oike reta ɨvɨ kavi che amee chupe retaa pe, ɨvɨ ipöra yae ïru ɨvɨ reta güi vae pe;

EZEQUIEL 20:6

Jókuae ara añererökuavee anoe reta vaerä Egipto güi, araja vaerä ɨvɨ kavi che ameeta chupe retaa pe, ¡ɨvɨ ipöra yae ïru ɨvɨ reta güi vae!

DANIEL 11:16

Jókuae oporepeña jese vae oyapota jae jeigüe, mbaetɨ eteita kia ipuere jese, opɨtata jókuae ɨvɨ ikavi yae vae pe, jare opata omboai.

DANIEL 11:21

Jae jaɨkue rupi oguapɨta mburuvicha guasurä metei kuimbae jeko kavimbae yae vae, oiko potaä tëi mburuvicha guasurä vae; jae mbaetɨta oechauka ikavimbae oyapota vae, ërei oguapɨta mburuvicha guasurä yembotavɨ rupi.

DANIEL 7:8

Che amae aï ramboeve jókuae jäti reta re, aecha jókuae reta ipäu güi oë ye ïru jäti ma michi vae, jayave oakɨo reta chugüi mboapɨ jäti jókuae taɨkue oë vae jendarä; kuae oime jesa, kuimbae jesa rami jare imiari jeta mbaembae ikavimbae.

ZACARÍAS 7:14

Jare kusumirou guasu pe rami opa amoai moai reta tëtaguasu reta mbaetɨ oikuaa vae rupi, jare jaɨkue pe iɨvɨ ou opɨta ñuurä mbaetɨ kia ipuere oiko pɨpe. Tëta ikavi yae vae ou oyepoepɨ ñuurä.”