DANIEL 8:8 - Biblia Guarani Tumpa Iñee

⁸ Jókuae kavara kuimbae jeieteño oyembotuicha, ërei imbaepuere yae ete ma yave, jókuae jäti tuicha yae vae opë chugüi, jare jendagüe pe oë irundɨ jäti opövee oipota rupi vae.

DANIEL 8:8 Iomraidhean Croise

2 CRÓNICAS 26:16

Ërei imbaepuere yae ma yave, ipɨa pe oyembotuicha, jökorai oyembosusere echa oyembopɨapochɨ iYa Tumpa kotɨ oike ramo yandeYa jo pe oapɨ vaerä ikäti kavi vae incienso, ikäti kavi vae incienso oyeapɨ jese vae re.

ESTER 9:4

Echa Mardoqueo tuicha pegua yae ko mburuvicha guasu jo pe, jare jërakua opaete tëta reta rupi; jare imbaepuere okuakuaa ara ñavo.

JEREMÍAS 49:36

Aruta ɨvɨtu kuae tëta Elam re, opaete ɨvɨ jembeɨ kotɨ güi, opa vaerä amoai moai oipota rupi, opaetei tëtaguasu reta rupi oimeta otekuaraigüe.

JEREMÍAS 5:27

Omotɨnɨe reta jo mbaembae oñomigüe pe, güɨra oipɨɨgüe pe, jɨru omotɨnɨe rami. Jökorai tuichagüe yae oyeapo jare oyemboikokatu reta.

EZEQUIEL 16:7

Rombokuakuaa temitɨ rami; rekuakuaa, ndetuicha, jare reñemokuñatai nepöra yae; ndekambusu kavi jare ndeavuku kavi. Ërei nenandi reï.

EZEQUIEL 28:9

¿Jekuaeñota ra rere ndeyeupe: ‘Che ko jae Tumpa’, ndeyuka vae reta jóvai? ¡Ndeyuka vae reta ipo pe, nde kuimbaeño ko, mbaetɨ ko metei tumpa!

DANIEL 11:4

Ërei oï kavi yae ma yave, iporookuaía oyemboaita jare oyemboyaota irundɨ yemboyao pe. Ërei kuae mborookuaía reta mbaetɨta oasa iñemuña reta pe, mbaetɨta vi jökorai imbaepuere yae tenonde yave rami, echa oyemboyaota opɨta jare jekovia pe ïru vae reta ñogüɨnoita mburuvicharä.

DANIEL 4:31

Mburuvicha guasu imiari vɨteri oï ramboeve, ou chupe metei ñee ara güi: “Ndeve jae mburuvicha guasu Nabucodonosor: Mborookuaía oñepɨ̈ro ma ndegüi;

DANIEL 5:20

Ërei oyembopɨapochɨ jare ipɨa omotäta oyemboete reve yave, oñerenoeuka oyemombo iporookuaía güi jare oyemombouka iyemboetea güi.

DANIEL 7:2

Jei körai: “Che aecha chepaɨu pe irundɨ ɨvɨtu yavaetegüe oyepeyu vae omomembe ɨguasu.

DANIEL 7:6

Mboapɨa mbaeporou jae ko yaguapara rami, ërei güɨnoi irundɨ ipepo ikupe re; aecha vi güɨnoi irundɨ iñäka jare oñemee chupe mbaepuere.

DANIEL 8:22

Irundɨ jäti reta oë jókuae tenondegua jäti opë yave vae, jae ko kuae tëtaguasu güi oëta irundɨ mborookuaía, ërei mbaetɨta jókuae tenondegua imbaepuere rami.

DANIEL 8:5

Che ayemongeta kuae aechagüe re aï ramboeve, aecha metei kavara kuimbae ou kuaraɨ oikea kotɨ güi, täta yeyé osɨi ou, opɨ̈roä etei ɨvɨ re. Kuae kavara kuimbae güɨnoi meteiño jäti tuicha yae vae jesɨva re.

DANIEL 8:7

Jare oakɨo chugüi mókoi reve jäti, jare vecha kuimbae mbaetɨ ipuere oñeraro jae ndive. Javoi kavara kuimbae oipɨaka jókuae vecha kuimbae, jare opɨ̈ro pɨ̈ro jese, mbaetɨ etei kia ipuere oepɨ chugüi.

San Mateo 24:31

Jare amondota chearaɨgua reta jemimbɨguasu omoñee reve güeru vaerä aiparavogüe reta opaete ketɨ ketɨ güi.

San Marcos 13:27

Jayave amondota araɨgua reta omboatɨ vaerä aiparavogüe reta opaete ketɨ ketɨ güi.

DEUTERONOMIO 31:20

Echa aroike reta ma ɨvɨ kavi pe, añererökuavee cheree re amee vaerä iñemuñagüe reta pe vae pe yave, okaru retata, okau retata, omboete retata tumpa ambuae reta, jökorai chereeya retata jare omboai retata morogüɨrökuavee päve ayapo jae reta ndive vae.

Apocalipsis 7:1

Kuae jaɨkue rupi aecha irundɨ araɨgua reta oyemboɨ ñogüɨnoi ɨvɨ jembeɨ mbeɨ pe. Metei oï kuaraɨ oëa kotɨ, ïru oï kuaraɨ oikea kotɨ, ïru oï ɨvɨtuguasu kotɨ jare ïru oï arayevɨ kotɨ. Jare jae reta oyopia irundɨ ɨvɨtu ɨvɨ rupi oyepeyu vae, agüɨye vaerä oipeyu ɨvɨ, ɨguasu reta jare ɨvɨra reta.