DANIEL 8:3 - Biblia Guarani Tumpa Iñee

³ Amopüa cheäka amae yave aecha metei vecha kuimbae oï ɨ̈aka jembeɨ pe. Güɨnoi mókoi jäti puku vae, ërei metei jäti puku yae jókuae ïru güi, taɨkue oë, ërei puku yae okuakuaa.

DANIEL 8:3 Iomraidhean Croise

1 CRÓNICAS 21:16

David omopüa iñäka yave oecha yandeYa iaraɨgua oyekuaa oï ɨvate, güɨnoi ipo pe ikɨsepuku güɨnoe jɨru güi vae güɨropövee Jerusalén kotɨ. Jayave David jare tenondegua reta ndive, oyetavatɨka itindɨasɨ reve ɨvɨ re, oñeapeva reve temimonde mbɨatɨtɨ pegua pe,

ESDRAS 1:2

“Ciro mburuvicha guasu Persia pegua jei körai: ‘PeYa Tumpa ara pe oï vae omee chepo pe opaete mborookuaía reta ɨvɨ pegua, jare cheokuai amopüa vaerä chupe tupao Jerusalén pe, ɨvɨ Judá pe.

ESDRAS 4:5

Omboepɨ vɨari reta vi amogüe mburuvicha reta pe ikotɨ reta, güɨrokomegua vaerä chugüi reta ikɨ̈reɨ tëi oyapo reta vae, jökorai oyapo reta opaete ara Ciro oiko ramboeve mburuvicha guasurä Persia pe, oguapɨ regua Darío mburuvicha guasurä Persia pe.

ESTER 1:3

Mboapɨa año ma oiko mburuvicharä yave oyapo arete okaru reta vaerä opaete mburuvicha reta, iyɨvɨrigua reta, sundaro ruvicha imbaepuere yae vae reta Persia pegua jare Media pegua, mburuvicha reta jare ɨvɨ oyemboyao vae reta juvicha reta,

ISAÍAS 13:17

Ambouta ikotɨ reta tëtaguasu Media pegua reta, mbaetɨ oipotarai oro ani korepoti vae reta.

ISAÍAS 21:2

Yavaete ko, Tumpa oechauka cheve vae: Omaepɨ̈ro vae, omaepɨ̈ro; oporomboai vae, ombaemboai. ¡Pepüa, ɨvɨ Elam pegua reta! ¡Peporepeña, Media pegua reta! ¡Jäse vae reta amokïrii ma!

ISAÍAS 44:28

Che jae mburuvicha guasu Ciro pe: ‘Nde ko jae chevecha iyangarekoa rami, reyapota opaete mbaembae royókuai vae’; jare Jerusalén pe jae: ‘Nde reñemopüa pɨau yeta ko’; jare tupao pe jae: ‘Oñeñonota ko ndeguapɨka.’ ”

JEREMÍAS 51:11

¡Peyapo katu peruvɨ reta! ¡Peyokua kavi yeopiaka reta peyɨva re! YandeYa omokɨ̈reɨ mburuvicha guasu reta Media pegua; echa omboaita Babilonia, jae kuae yandeYa iara oiporarauka vaerä, itupao pe oyapo vae re.

DANIEL 10:5

Amopüa cheäka amae, jare ko aecha metei kuimbae jemimonde lino pegua vae jare ikuakuaa oro kavi Ufaz pegua rami.

DANIEL 2:39

Jare nderaɨkue rupi opüata mburuvicha guasu iporookuaía mbaetɨ tuicha mbatee ndeporookuaía güi vae; jare jaɨkue rupi opüata mboapɨa mborookuaía jiero iyu vae pegua, kuae güɨnoita mbaepuere opaete ɨvɨ re.

DANIEL 5:31

Jare Darío, Media pegua sesenta y dos año güɨnoi oguapɨ mburuvicha guasurä yave.

DANIEL 6:28

Jare kuae Daniel pe oë kavi yae opaete oyapogüe Darío oiko yave mburuvicha guasurä, jökoraiño vi Ciro Persia pegua oiko mburuvicha guasurä yave.

DANIEL 7:5

Mokoía mbaeporou jae ko oso rami, opüa oyemboɨ oyemboakatu jókuae ïru güi jare iyuru pe oichuu güɨnoi mboapɨ ärukagüe; jare aendu jei chupe vae körai: ‘¡Epüa, ekua jeu jeta soo ndepuere rupi!’

DANIEL 8:2

Kuae aecha vae pe aïecha tëta Susa pe, jae ko tëta mburuvicha guasu reta iporookuaía ɨvɨ Elam pe, ɨ̈aka Ulai jee vae jembeɨ pe.

DANIEL 8:20

Vecha kuimbae mókoi jäti reecha vae, jae ko Media pegua jare Persia pegua mburuvicha guasu reta.

ZACARÍAS 1:18

Jaɨkue rupi amae jare aecha ye irundɨ guakaräti.

ZACARÍAS 2:1

Jaɨkue rupi amae aecha vi metei kuimbae ipo pe güɨnoi tɨmasa raɨ omaejäa pɨpe vae.

ZACARÍAS 5:1

Aupi cheäka jare aecha, ko tembikuatía oñemama vae oveve.

ZACARÍAS 5:5

Araɨgua imiari oiko che ndive vae jei cheve: “Eupi añave neäka jare emae, kuae mbae oë vae re.”

ZACARÍAS 5:9

Amae ye jare aecha oyekuaa mókoi kuña ipepo güɨratï rami vae ɨvɨtu güeru jare oupi reta mbaejäaka ɨvate rupi.

ZACARÍAS 6:1

Cheäka aupi pɨau ye jare aecha irundɨ käretou oyekuaa mókoi ɨvɨtɨ ipäu güi; jókuae ɨvɨtɨ reta jiero iyu vae pegua.

NÚMEROS 24:2

omopüa iñäka omae yave oecha Israel iñemuña reta ñogüɨnoi jeyupa pe, ñemuña ñavo; ou jese Tumpa iEspíritu;

JOSUÉ 5:13

Metei ara Josué köiño oiko Jericó güi yave, oecha metei kuimbae ói jenonde kɨsepuku güɨnoi ipo pe vae. Jare Josué ojo ikotɨ, jare jei chupe: —¿Oreïru pa nde, ani orerovaicho pa nde?

Apocalipsis 13:11

Javoi aecha ïru mbaemɨmba guasu oë ɨvɨ güi, güɨnoi mókoi jäti metei vecha kuimbae taɨrusu vae jäti rami. Ërei imiari jókuae mbaeporou guasu rami.

Apocalipsis 5:6

Jare aecha metei Vecha kuimbae taɨrusu vae oyeyukagüe rami vae. Oyemboɨ oï jókuae tenda jare jókuae irundɨ oikove vae reta ipäu pe, tenondegua okuakuaa vae reta ipäu pe. Jae güɨnoi chiu jäti jare chiu jesa jae ko Espíritu Santo chiu jembiapo vae opaete ɨvɨ rupi oyemondo vae.