DANIEL 7:9 - Biblia Guarani Tumpa Iñee

⁹ Amaeño aiko, opa regua oñeñono guapɨa reta mborookuaía pegua, jare metei Ndechi Tenondegua ete oguapɨ. Jemimonde tïi iroɨ rami, jare ia vecharaagüe ikɨambae rami. Iguapɨa jare iruera reta tata rami.

DANIEL 7:9 Iomraidhean Croise

1 REYES 22:19

Micaías jei ye vi: —Eyeapɨsaka yandeYa jeigüe re: Che aecha yandeYa oguapɨ oï iporookuaía pe, jare opaete iaraɨgua reta ñogüɨnoi iyɨ́vɨri, iyakatu kotɨ jare iyasu kotɨ.

2 CRÓNICAS 18:18

Micaías jei ye: —Peyeapɨsaka yandeYa iñee re: Aecha oguapɨ oï iguapɨka re, jare opaete araɨgua ñogüɨnoi jae ndive iyakatu kotɨ jare iyasu kotɨ.

SALMOS 45:8

Opaete nderemimonde ikäti kavi mirra pe, áloe jare canela pe; temimbɨ reta tairari pegua pe ndembovɨakatu reta, mburuvicha jo elefante jäimbukugüe pegua pe.

SALMOS 90:2

Arakae, ndei ɨvɨtɨ reta oyeapo mbove güive voi ma, ndei kuae ɨvɨ oyeapo güive voi ma, arakae güive jare arakae regua jekuaekuae avei rupi, nde ko Tumpa.

SALMOS 93:2

Jayave güive ko mburuvicha guasu nde; ¡nde ko reiko avei vae!

ISAÍAS 6:1

Jókuae año mburuvicha guasu Uzías omano yave, che aecha yandeYa oguapɨ oï metei mburuvicha guasu iguapɨka ɨvate jare ipöra yae vae pe; jare jemimonde jembeɨ omotɨnɨe oñemoai tupao pe.

ISAÍAS 9:6

Echa metei michia oa yandeve, taɨ omee yandeve, jae mburuvicha ko; jare jeeta Oporombopɨakañɨ vae, Oporomboarakuaa vae, Tumpa Imbaepuere yae vae, cheRu oiko avei vae, mburuvicha mbɨakatu pegua.

JEREMÍAS 49:38

Cheporookuaía añonota Elam pe, amokañɨteita juvicha guasu reta jare mburuvicha reta. Che ndeYa ko jae kuae.

EZEQUIEL 1:26

Jókuae oasavi vae iárambo aecha metei mburuvicha iguapɨa, ita zafiro jee vae rami vae, jare jókuae mburuvicha iguapɨa rami vae re oguapɨ oï metei kuimbaeecha vae.

DANIEL 7:13

Oimeño amae aï ramboeve: Aecha ou amapɨtu re metei kuimbaeecha vae, kuae ojo jókuae Ndechi Tenondegua ete oïa pe; jare omboyauka reta jese.

DANIEL 7:22

Ou regua jókuae Ndechi Tenondegua ete jare oyapo jupi vae Tumpa Tuichagüe yae ete vae pe oñeñono tee vae reta pe, echa oväe ma ara Tumpa pe oñeñono tee vae reta pe oñemee vaerä mborookuaía.

MIQUEAS 5:2

Ërei nde Belén Efrata, nemichi yae reï vaerä opaete Judá pegua ñemuña reta ipɨte pe, ndegüi oëta cheve Israel iYarä vae, jae oiko vae ko iyɨpɨ güive voi, ara reta ndei oyemboɨpɨ güive.”

HABACUC 1:12

CheYa Tumpa, ¿jaeä pa ko nde reiko avei vae cheTumpa Iyoambae omanombae vae? CheYa, ita guasu cheñepɨ̈roa, nde remee Caldeaɨgua pe neporojäa, remopüa jae reta oiporarauka vaerä.

San Mateo 17:2

Jare joko pe oyemoambuae jae reta jóvai. Jova jembipe kuaraɨ jembipe rami, jare jemimonde tïiasɨ jembipe.

San Mateo 28:3

Jare jova oyekuaa ama-vera rami. Jare jemimonde tïiasɨ iroɨ tïiasɨ vae rami.

San Marcos 9:3

Jemimonde jembipe tïiasɨ iroɨ rami. Mbaetɨ metei ave ombaeputuka vae ipuere omotïiasɨ jökorai.

Hechos 2:30

Jare David ko ñeemombeúa ramo oikuaa Tumpa jei ko jee re ae chupe, kërai iñemuña reta güi omopüata Cristo, oguapɨ vaerä jae iguapɨa pe.

Hechos 2:33

Jare Tumpa güɨraja güire oñono iyakatu kotɨ, jare omee chupe jókuae jei omeeta chupe Espíritu Santo vae. Jáeramo Jesús etei ko ombou kuae peecha jare peendu vae.

Filipenses 3:9

jare oñeväe vaerä jae imbae ko che. Mbaetɨ aipota ayembojupi mborookuai jei vae ayapo vae rupi, jaeño Cristo re arovia vae rupi; jae ko yembojupi Tumpa güi mborogüɨrovia rupi.

1 Timoteo 6:16

jaeño ete ko omanombae vae, oiko tembipe yaya rapembae jese vae pe, mbaetɨ kia ave oecha vae, jare ngaraai oecha vae. Chupe toñemee mbaemboete jare mbaepuere. ¡Amén!

1 Juan 1:5

Romombeu peve ñee Jesucristo omombeu oreve vae. Jae ko kuae: Tumpa ko tembipe, mbaetɨ etei jese kërai ave pɨtumimbi.

Apocalipsis 1:14

Ia tïi vecharaagüe tïiasɨ yae vae rami, tïiasɨ iroɨ tïiasɨ vae rami. Jare jesa tata jendɨ vae rami.

Apocalipsis 19:18

peu vaerä mburuvicha guasu reta isoogüe, sundaro ruvicha reta isoogüe, kuimbae jëia yae vae reta isoogüe, kavayu reta isoogüe, kavayu regua reta isoogüe, opaete vae reta isoogüe: Tembiokuai jare tembiokuaimbae isoogüe, michia reta jare okuakuaa vae reta isoogüe!”

Apocalipsis 20:4

Jare aecha mburuvicha iguapɨa reta jare joko pe oguapɨ mbaepuere oñemee chupe oporojäa vaerä vae reta. Jare aecha Jesús regua jare Tumpa iñee omombeu ramo oñeäka-sɨauka vae reta jekove. Jókuae mbaetɨ omboete mbaemɨmba guasu ani iä vae reta, mbaetɨ etei vi güɨnoi ikañɨmaa jesɨva re jare ipo re. Jae reta oikove ye jare oporookuai Cristo ndive mil año.

Apocalipsis 4:2

Jare jupiveiño Espíritu Santo güɨnoi mbaepuere cheré; jare aecha metei tenda mborookuaía pegua oï ara pe, jare kia oguapɨ oï pɨpe.