DANIEL 7:7 - Biblia Guarani Tumpa Iñee

⁷ Irundɨa mbaeporou oyekuaa cheve vae jae ko yavaete yae, yandemongɨɨye yae jare ipɨ̈rata yae vae. Güɨnoi jäi tuichagüe jiero pegua; oporou yave oporomopüruru jare jembɨregüe re opɨ̈ro. Ambuaeyee yae ïru mbaeporou reta tenonde aecha vae güi, jare iñäka re güɨnoi payandepo jäti.

DANIEL 7:7 Iomraidhean Croise

2 SAMUEL 22:43

¡Ɨvɨkúi rami opa amongúi reta! ¡Tuyuapo tape rupigua rami apɨ̈ro jese reta!

JOB 41:14

¿Kia pa ipuereta omboyurupeka, jäi reta oñesɨro yavaete vae?

EZEQUIEL 40:2

Tumpa oechauka cheve vae rupi chereraja ɨvɨ Israel pe, jare cheñono metei ɨvɨtɨ ɨvate yae vae re, jókuae re aecha metei o tuicha vae arayevɨ kotɨ metei tëta guasuecha.

DANIEL 2:19

Jókuae pɨ̈tu Tumpa oechauka Daniel pe jókuae yaikuaambae vae, jese Daniel omboete Tumpa ara pe oï vae

DANIEL 7:13

Oimeño amae aï ramboeve: Aecha ou amapɨtu re metei kuimbaeecha vae, kuae ojo jókuae Ndechi Tenondegua ete oïa pe; jare omboyauka reta jese.

DANIEL 7:2

Jei körai: “Che aecha chepaɨu pe irundɨ ɨvɨtu yavaetegüe oyepeyu vae omomembe ɨguasu.

DANIEL 8:10

Jókuae okuakuaa ojo regua oväe yasɨtata reta pe; jare oitɨ mbovɨ yasɨtata reta jare opa opɨ̈ro pɨ̈ro jese,

DANIEL 8:22

Irundɨ jäti reta oë jókuae tenondegua jäti opë yave vae, jae ko kuae tëtaguasu güi oëta irundɨ mborookuaía, ërei mbaetɨta jókuae tenondegua imbaepuere rami.

ZACARÍAS 2:1

Jaɨkue rupi amae aecha vi metei kuimbae ipo pe güɨnoi tɨmasa raɨ omaejäa pɨpe vae.

Apocalipsis 12:3

Jare oyekuaa vi ara re ïru mbae tuichagüe, jae ko: Metei mbaeporou tuichagüe pɨ̈ta vae. Güɨnoi chiu iñäka, payandepo jäti jare iñäka ñavo re güɨnoi äka-regua.

Apocalipsis 13:1

Ayemboɨ ɨguasu jembeɨ pe ɨvɨkuitï pe, jare aecha mbaemɨmba guasu oë ɨguasu güi, güɨnoi chiu iñäka, payandepo jäti jare jókuae jäti ñavo re güɨnoi äka-regua. Jare iñäka re güɨnoi tee ikavimbae Tumpa kotɨ vae.

Apocalipsis 17:12

Jare jókuae payandepo jäti reecha vae oyembojaanga payandepo mburuvicha guasu reta re. Kuae payandepo reve ndeiño güɨnoi iporookuaía. Ërei güɨnoi retata mbaepuere yogüɨreko vaerä mburuvicha guasu retarä metei ora pegua jókuae mbaemɨmba guasu ndive.

Apocalipsis 17:7

Jayave araɨgua jei cheve: “¿Maera pa nepɨakañɨ? Tamombeu ndeve yaikuaambae vae kuña regua, mbaemɨmba guasu kuña ou jese vae regua, jókuae chiu iñäka jare payandepo jäti.

Apocalipsis 17:8

Mbaemɨmba guasu reecha vae oikose, ërei mbaetɨ ma oiko. Oëta ɨvɨkua guasu güi, ërei ojo yeta kañɨtei pe. Jare ɨvɨ pe yogüɨreko vae reta oecha yave jókuae mbaemɨmba guasu oikose vae, ipɨakañɨ retata, jókuae jee mbaetɨ oyekuatía oï tembikuatía tekove opambae vae pegua pe ɨvɨ oyeapo güire vae reta. Ipɨakañɨ retata oecha yave mbaemɨmba guasu oikose, mbaetɨ ma oiko, oiko yeta vae.