DANIEL 7:4 - Biblia Guarani Tumpa Iñee

⁴ Tenondegua jae ko yaguapope rami, ërei ipepo güɨraké ipepo rami. Che amae aï jese ramboeve, oyeekɨ chugüi ipepo reta, omopüa reta ɨvɨ güi jare omboyemboɨ ipɨ jaɨkuegua re, oyemboɨ metei kuimbae rami, jare oñemee chupe kuimbae ipɨa.

DANIEL 7:4 Iomraidhean Croise

2 SAMUEL 1:23

Saúl jare Jonatán aaɨu vae reta, jekove pe ani mano pe ave yepe mbaetɨ oyomboyao reta oyougüi. ¡Güɨraké güi iñäkua yae reta yepi! ¡Yaguapope güi ipɨ̈rata yae reta yepi!

JOB 25:6

¡Vɨtei pa kuimbae; taso ramiño vae!

SALMOS 9:20

Eiämondo reta cheYa, ¡toikuaa jae reta kuimbaeño ko vae!

JEREMÍAS 25:38

Oë, yaguapope raɨ jaitɨ oeya rami, echa ɨvɨ oyemboai opɨta, tovaicho reta iyarasɨ rupi, yandeYa iyarasɨ ramo.

JEREMÍAS 4:13

Mase, ko tovaicho reta yogüeru amapɨtu rami, ikäretou ñeraro pegua kusumirou rami, ikavayu reta iñäkua yae güɨraké güi. ¡Atataɨ, jaema ñakañɨtei!

JEREMÍAS 4:7

Yaguapope oë ma ikua güi, tëtaguasu reta imboaia oë ma oguata; iɨvɨ güi oë ndeɨvɨ omboai vaerä, nerëta guasu reta omboaita jare ipombae opɨtata.

JEREMÍAS 48:40

YandeYa jei körai: “Moab jovaicho oporepeña ikotɨ, güɨraké ipepo oipɨso kavi oporepeña rami.

JEREMÍAS 49:19

Mase, ayuta metei yaguapope Jordán pegua kaa tëɨ yae vae güi oë ojo kapii jokɨ katu vae pe rami, joko güi ambotekuaraita Edom pegua reta, jare ameeta oporookuai che aiparavo vae. Echa ¿kia pa chemboyovake? ¿Kia pa oyemboɨta cheve? ¿Kia nunga vecha iyangarekoa pa ipuereta cheré?

LAMENTACIONES 4:19

Oreraɨkuemoña vae reta, iñäkua yae ete güɨraké güi; ¡oreraɨkuemoña ɨvɨtɨ rupi! ¡Okätɨro kavi reta ñuu rupi oreré!

EZEQUIEL 17:3

Ere chupe reta: ‘YandeYa Tumpa jei körai: Metei güɨraké tuicha vae ou oväe Líbano pe; ipepo reta tuicha jare ipuku yae, jeta jaa jare oipotagüe ipïra; oipɨɨ ɨ̈vɨrare iyapokɨ,

EZEQUIEL 28:2

“Nde kuimbae, ere mburuvicha guasu Tiro pegua pe: CheYa Tumpa jei körai: Nde ndepɨayemboete yae, rere ndeyeupe: ‘Che ko jae metei tumpa aguapɨ aï Tumpa iguapɨa pe ɨguasu mbɨte pe vae.’ Ërei nde jaeä ko Tumpa, nde ko metei kuimbaeño. Ndepɨa pe reyemongeta ndearakuaa katu metei tumpa rami.

EZEQUIEL 28:9

¿Jekuaeñota ra rere ndeyeupe: ‘Che ko jae Tumpa’, ndeyuka vae reta jóvai? ¡Ndeyuka vae reta ipo pe, nde kuimbaeño ko, mbaetɨ ko metei tumpa!

DANIEL 2:38

Jare oipota rupi oime ñogüɨnoi kuimbae reta vae, mɨmba reta ñana rupigua, güɨra reta, jae ko omee ndepo pe, jare omee ndeve opaete vae re renoi vaerä mbaepuere; nde ko jae jókuae kuimbae iä rami vae iñäka oro oyeambae vae.

DANIEL 4:36

Joko pe voi oñemee cheve akuera ye vaerä, jare mbaepuere anoi cheporookuaía re vae, jare yemboete tuicha vae, jare chetuicha yae vae ou ye cheve, jare cheɨvɨrigua mburuvicha reta jare chemboarakuaa vae reta yogüeru chereeka; jare aja ye mborookuaía pe, jare chetuicha yae ete tenonde yave aikose vae güi.

DANIEL 7:12

Jökoraiño vi ïru mbaeporou reta güi oñepɨ̈ro imbaepuere, ërei oeya retaño oikoveño vaerä, iara oväe chupe reta regua.

DANIEL 7:5

Mokoía mbaeporou jae ko oso rami, opüa oyemboɨ oyemboakatu jókuae ïru güi jare iyuru pe oichuu güɨnoi mboapɨ ärukagüe; jare aendu jei chupe vae körai: ‘¡Epüa, ekua jeu jeta soo ndepuere rupi!’

San Mateo 24:28

Echa maerëogüe oïa pe oyemboatɨ uruapúa reta.

DEUTERONOMIO 28:49

YandeYa güeruta peve metei tëtaguasu matɨ güi, ɨvɨ iyapɨ kotɨ güi, güɨraké rami iñäkua vae; tëtaguasu mbaetɨ iñee peikuaa vae;

Apocalipsis 13:2

Jare jókuae mbaemɨmba guasu aecha vae metei yaguaparaecha, jare ipɨ oso ipɨecha, jare iyuru yaguapope iyuruecha. Jare mbaeporou guasu tenonde aecha vae omee chupe imbaepuere jare iguapɨa mburuvicha pegua.