DANIEL 7:1 - Biblia Guarani Tumpa Iñee

¹ Meteia año ma Belsasar oï mburuvicha guasurä Babilonia pe yave, Daniel ipaɨu pe oecha mbae jupa pe oï ramboeve. Jare osareko yave oikuatía jókuae ipaɨu regua.

DANIEL 7:1 Iomraidhean Croise

GÉNESIS 15:1

Opa kuaekuae reta oasa güire yandeYa oyeechauka Abram pe, jei reve chupe: —Agüɨye ekɨɨye Abram, che ko jae ndeyeopiaka. Mbaeyekou ndeparavɨkɨ jepɨgüe jeta yaeta.

GÉNESIS 46:2

Jare jókuae pɨ̈tu oyekuaa Tumpa jare imiari Israel pe ipaɨu rupi jare jei chupe: —Jacob, Jacob. Jare jae jei: —Ko aï.

JOB 4:13

Pɨare yave kuimbae reta jopeɨ yae ma yave, chepaɨu chembokepegua.

ISAÍAS 30:8

Jayave eikuatía añave, kuae mbaembae oasata vae metei ɨvɨra oyemboipegüe re, eikuatía eñono metei tembikuatía pe, kuri peguarä, oporomomaendúa avei vaerä, jekuae avei rupi.

ISAÍAS 8:1

YandeYa jei cheve: “Eipɨɨ metei ɨvɨra oñeopagüe, tuicha vae jare emboyekuaa kavi eikuatía eñono jese Maher-salal-hasbaz.

JEREMÍAS 23:28

¡Metei ñeemombeúa opaɨu yave, tomombeu opaɨu ko vae; ërei cheñee omboresive ko yave, tomombeu kavi añetegüe! Mbaetɨi ko kapii oyovake trigo ndive.

JEREMÍAS 27:7

Opaete tëtaguasu reta oyeokuaita chupe, taɨ reta pe jare jɨmɨmino reta pe, ou regua oväe ara, jae iɨvɨ ma oyeokuai vaerä tëtaguasu reta jare mburuvicha guasu reta imbaepuere yae vae pe.

JEREMÍAS 36:32

Jayave Jeremías oipɨɨ ïru tupapire oyepomombɨ vae jare omee ombaekuatía vae Baruc, Nerías taɨ pe; jae oikuatía opaete Jeremías iñee reta jókuae tupapire pe, jókuae mburuvicha guasu Joacim opa oapɨ vae pe oï vae. Jeremías omboyoapɨ ye jeta ïru ñee reta tenonde oyekuatía tëi vae güi.

JEREMÍAS 36:4

Jare Jeremías oenɨi Baruc, Nerías taɨ, jare jae oikuatía Jeremías jei oï chupe vae, metei tupapire oyepomombɨ vae pe opaete yandeYa jei vae.

EZEQUIEL 1:1

Che sacerdote Ezequiel, Buzi taɨ, metei ara aï ɨ̈aka Quebar jembeɨ pe, Babilonia pe, tembipɨɨ oyereraja vae reta ipɨte pe yave, oyepea ara, jare aecha Tumpa. Kuae ko oasa treinta añoa re, irundɨa yasɨ re, pandepo araa pe, jae ko pandepo año ma mburuvicha guasu Joaquín oyererajauka tembipɨɨrä yave. YandeYa ombou oñono ipo cheré.

EZEQUIEL 40:2

Tumpa oechauka cheve vae rupi chereraja ɨvɨ Israel pe, jare cheñono metei ɨvɨtɨ ɨvate yae vae re, jókuae re aecha metei o tuicha vae arayevɨ kotɨ metei tëta guasuecha.

DANIEL 1:17

Jökorai kuae irundɨ kunumi reta pe Tumpa omee jeta mbae oikuaa reta vaerä jare iyarakuaa katu yae reta vaerä opaete yemboe reta rupi; jare Daniel oikuaa katu opaete mbaɨu reta regua jare Tumpa mbae oechauka vae rupi.

DANIEL 2:1

Nabucodonosor mokoía año ma oiko mburuvicha guasurä yave opaɨu, jókuae ombopɨa jopa jare ipuereä oke.

DANIEL 2:26

Jare mburuvicha guasu jei Daniel pe, jókuae Beltsasar pe ombojee vae pe: —¿Ndepuere pa nde reikuaauka cheve chepaɨu, jare mbae ko oipota jei vae?

DANIEL 4:13

Aecha chepaɨu pe, cherupa pe aï ramboeve ogüeyɨ ara güi metei araɨgua omaangareko vae,

DANIEL 4:5

Ërei metei pɨ̈tu cherupa pe aï yave apaɨu, jare chemongɨɨye yae; chemboyemongeta jókuae chepaɨu jare chembopɨatɨtɨ yae.

DANIEL 5:1

Mburuvicha guasu Belsasar oyapo metei arete tuicha vae mil rupi vae imborɨa mburuvicha reta peguarä, jare jou vino jókuae reta ndive.

DANIEL 5:22

Jare nde Belsasar, Nabucodonosor iñemuña, mbaetɨ ndepɨa remomichi reikuaa tëi reve opaete kuaekuae reta;

DANIEL 5:30

Jókuae pɨ̈tu voi oyeyukauka Belsasar, Caldeaɨgua reta juvicha guasu.

DANIEL 7:13

Oimeño amae aï ramboeve: Aecha ou amapɨtu re metei kuimbaeecha vae, kuae ojo jókuae Ndechi Tenondegua ete oïa pe; jare omboyauka reta jese.

DANIEL 7:15

Che Daniel, ayandu akɨɨye yae; jare chemboyemongeta yae opaete jókuae aechagüe,

DANIEL 7:7

Irundɨa mbaeporou oyekuaa cheve vae jae ko yavaete yae, yandemongɨɨye yae jare ipɨ̈rata yae vae. Güɨnoi jäi tuichagüe jiero pegua; oporou yave oporomopüruru jare jembɨregüe re opɨ̈ro. Ambuaeyee yae ïru mbaeporou reta tenonde aecha vae güi, jare iñäka re güɨnoi payandepo jäti.

DANIEL 8:1

“Mboapɨa año re ma Belsasar oiko mburuvicha guasurä yave, che, Daniel aecha ïru mbae, jókuae tenonde yave oyekuaa ma cheve vae güi.

JOEL 2:28

“Kuae jaɨkue rupi ambouta cheEspíritu opaete vae reta re; jare peraɨ reta jare perayɨ reta oñemoñeeta cheregua; jare ndechi reta opaɨuta jare taɨrusu reta oechata Tumpa oechauka vae.

AMÓS 3:7

Echa ngaraa etei yandeYa Tumpa oyapo mbaesusere, omombeumbae reve jembiokuai ñeemombeúa reta pe.

HABACUC 2:2

YandeYa jei cheve körai: “Eikuatía tuyuapo oyemboipegüe re aechaukata ndeve vae, omongeta vae oecha kavi vaerä.

NÚMEROS 12:6

Jare jae jei chupe reta: “Peyeapɨsaka añave cheñee re: Oime yave pepɨte pe cheñeemombeúa, ayeechaukata chupe, ipaɨu pe chemiarita jae ndive;

Romanos 15:4

Opaete oyekuatía tenonde Tumpa Iñee pe vae, oyekuatía ko yandemboe vaerä. Echa oyekuatía ko yaikatu vaerä mbɨaguasu jare mbɨakatu rupi ñaäro.

2 Corintios 12:1

Mbaetɨta jaekavi ayembotuicha vaerä che aeño, ërei tamombeu peve kërai yandeYa oechauka jare oikuaauka cheve vae.

Apocalipsis 1:19

Eikuatía opaete mbaembae reecha vae regua, añave pegua jare oikota kuri vae.

Apocalipsis 10:4

Jare chiu vese jɨapu ara güire, che aikuatiata tëi, ërei aendu ñee ara güi jei cheve: “Agüɨye emombeu kia pe jókuae chiu ara jɨapu vae jei vae. Agüɨye eikuatía.”