DANIEL 6:4 - Biblia Guarani Tumpa Iñee

⁴ Jayave ɨvɨ ruvicha reta jare ɨvɨ iyangarekoa reta oeka tëi kërai omboeko vaerä Daniel iparavɨkɨ rupi; ërei ngatu mbaetɨ ipuere reta oväe mbae nunga teko ani mbaeyavɨ jese, echa jae ko jupi yae; mbaetɨ etei mbae imomora ani mbaeyavɨ oñeväe jese.

DANIEL 6:4 Iomraidhean Croise

GÉNESIS 41:38

Jayave Faraón jei iyɨvɨrigua reta pe: —¿Kia pe ye pa ñaväeta kuae kuimbae rami vae, Tumpa iespíritu oï jese vae?

GÉNESIS 43:18

Jayave jókuae kuimbae reta okɨɨye, opa güɨraja reta José jo pe yave, jei reta: —Korepoti yaraja ye yaikuaambae reve yandevoɨtarɨru pe, tenonde yayu yave vae re ndipo yandereru kuae pe; yandembotavɨ ndipo yandereru yandeapo vaerä jembiokuairä, jare yandemburika reta vi.

PROVERBIOS 29:27

Jupi vae reta güɨröɨro kuimbae jeko kavimbae reta, jare jupimbae güɨröɨro kuimbae sɨmbi rupi oiko vae.

ECLESIASTÉS 4:4

Jökoraiño vi aecha opaete mbaravɨkɨ ikavi yae oyeapo vae rupi ou ñemoägüɨro. Jökorai vi kuaekuae mbaeä etei ko, yayemoambekoiño ma ko jese.

JEREMÍAS 18:18

Opaete vae reta jei: “Yayapo kavi metei yemongeta Jeremías kotɨ. Echa ngaraa oata sacerdote reta pe yandemboe vaerä, ani yarakuaa katu vae reta oporomboarakuaa vaerä, ani ñeemombeúa reta Tumpa iñee omombeu vaerä. Peyu yamboeko mbae re, agüɨye etei yayeapɨsaka iñee re.”

JEREMÍAS 18:23

Ërei nde, cheYa Tumpa, reikuaa katu yemongeta oyapo reta cheyuka reta vaerä vae. ¡Agüɨye neɨ̈ro chupe reta ikavimbae oyapo vae re, iyoa re ave agüɨye neɨ̈ro! ¡Tomano reta nderóvai, eiporarauka chupe reta ndearasɨ yae reve!

JEREMÍAS 20:10

Aendu jeta vae iñeenguru jei reta: “¡Oime kɨɨye opaete rupi!” “¡Peyu, ñañeapo Jeremías re!” Chevɨa-ïru reta ave oäro ambaeyavɨ vaerä. Jei reta: “Güɨramoi ombaeyavɨta; jayave jëguata yandeve, javoi yayepɨ jese.”

JEREMÍAS 29:7

Peiko kavi jókuae tëta guasu pogüɨrajauka pɨpea pe, jare peyerure cheve jese, echa ikavi oiko yave, pe reta peiko kavita vi.

DANIEL 3:8

Kuae re jókuae ara rupi amogüe kuimbae Caldeaɨgua iyarakuaa vae reta yogüeru oñeapo iyemongeta kavimbae reve judío reta re.

DANIEL 5:12

oñeväe ramo jese espíritu tuicha yae vae jare arakuaa katu mbaɨu oikuaauka vaerä mbae ko oipota jei vae, yemongeta reta jare mbae yavai yae vae; jae ko Daniel, mburuvicha guasu ombojee Beltsasar pe vae. Eenɨi añave Daniel, jare jae oikuaaukata ndeve mbae ko oipota jei kuae reecha vae.

DANIEL 6:22

CheTumpa ombou iaraɨgua, jae oyopia yaguapope reta iyuru, agüɨye vaerä maratu cheapo, echa jae jóvai mbaetɨ ko chereko; jare nderóvai ave mbaetɨ mbae ikavimbae ayapo mburuvicha guasu.

San Mateo 26:4

Jare oyomboemboe reta yembotavɨ rupi oipɨɨ vaerä Jesús jare oyukauka

San Mateo 27:18

Echa jae oikuaa judío reta omee Jesús chupe iyakatúä jese ramo.

San Lucas 20:20

Jare oipïaro reta Jesús. Jáeramo omondo vi ïru vae reta oipïaro vaerä Jesús; jae reta oyeapo jupi vae rami oyavɨuka vaerä chupe iñee rupi aeño, ipuere vaerä omboeterenga mburuvicha ipo pe.

San Lucas 20:26

Jare jae reta mbaetɨ ipuere omboeko Jesús mbae jei vae rupi, jeta vae reta jóvai. Jaeño ipɨakañɨ reta Jesús jei chupe reta vae re, jare kïrii reta.

San Lucas 22:2

Jayave sacerdote reta itenondegua reta jare mborookuai re oporomboe vae reta oeka kërai oyuka vaerä Jesús. Ërei okɨɨye opaete vae reta güi.

San Juan 19:4

Jare Pilato oë ye, jei judío reta pe: —Mase, aruta peve, peikuaa vaerä mbaetɨ ko aväe teko jese vae.

2 Corintios 11:12

Ërei jekuaeñota ayapo, jókuae ayapo vae. Amokïrii vaerä jókuae oeka oyembotuicha vaerä vae reta.

Filipenses 2:15

Agüɨye vaerä kia ave pemboeko mbae re. Peiko Tumpa taɨ ikɨambae vae, kuae oporogüɨroviambae vae reta jeko ikavimbae yae vae reta ipɨte pe. Kuae reta ipɨte pe peiko tembipe rami kuae ɨvɨ pe,

1 Timoteo 5:14

Jáeramo, aipota imemano vae taɨrusu vae reta omenda ye, timembɨ reta, togüɨroata kavi jo pegua reta, agüɨye vaerä oñemoëgua oyeangaouka vaerä tovaicho pe.

Tito 2:8

eiporu ñee reta ikavi vae, agüɨye vaerä kia ndemboeko rere vae re, oyovaicho ndekotɨ vae imara vaerä, agüɨye vaerä jei mbae ikavimbae vae ndekotɨ.

1 Pedro 2:12

Peechauka kavi pereko oporogüɨroviambae vae reta ipɨte pe. Iñeenguru pekotɨ ikavimbae peyapo vaeecha vae reta, oecha perembiapo ikavi vae yave, omboete retata Tumpa, iporojäa iara pe.

1 Pedro 3:16

peyemongeta ikavi rupi, iñeenguru pekotɨ ikavimbae peyapo vaeecha vae reta, imara vaerä peangao perembiapo kavi Cristo re vae reta.

JUECES 14:4

Tu jare ichɨ mbaetɨ ave oikuaa kuae yandeYa güi ko ou jökorai vaerä, echa Tumpa oeka filisteo reta jeko omboyekuaa vaerä, echa jókuae ara rupi filisteo reta güɨnoi mbaepuere Israel iñemuña reta re.

1 SAMUEL 12:4

Jayave jae reta jei chupe: —Mbaetɨ etei mbae ikavimbae reyapo oreve, mbaetɨ reiporarauka oreve, jare mbaetɨ vi korepoti reipɨɨ vɨari pe, ani ïru mbae kuimbae reta ipo güi.

1 SAMUEL 18:14

Jare David oyapo opaete mbae yarakuaa katu reve kavi, echa yandeYa oï jae ndive.

1 SAMUEL 22:14

Jayave Ahimelec jei mburuvicha guasu pe: —¿Kia nunga pa ndeɨvɨrigua reta güi jupi yae David rami, nderovaya vi, oyeokuai ndeve vae, jare imboetea vae ndero pe?