DANIEL 6:2 - Biblia Guarani Tumpa Iñee

² Jare kuae reta re omae vaerä ñogüɨnoita mboapɨ mburuvicha reta; metei ko jae Daniel; chupe reta jókuae ɨvɨ iyangarekoa reta imiarita iparavɨkɨ re, agüɨye vaerä mburuvicha guasu güɨnoi mbae nunga mbaemboavai.

DANIEL 6:2 Iomraidhean Croise

ESDRAS 4:22

Peyeandu jare pemae kavi kuae re, agüɨye vaerä okuakuaa mbae ikavimbae mburuvicha guasu kotɨ jare iɨvɨ pegua mburuvicha reta kotɨ.’ ”

ESTER 7:4

echa che jare cherëtaɨgua reta roñemee roï opa vaerä romano jare opa vaerä rokañɨtei. Tembiokuairä roñemee yave chekïriiñota tëi; ërei jókuae tovaicho oyapogüe ngaraa etei jaekavi mburuvicha guasu iporookuaía peguarä.

PROVERBIOS 26:6

Yarakuaambae ndive ñee omondo vae, ipɨ oyasɨa vae rami ko, jae aeño oyapo iyeupe teko.

PROVERBIOS 3:16

Ipo iyakatu kotɨ güɨrökuavee tekove puku, ipo iyasu kotɨ güɨrökuavee mbaeyekou jare mboromboete.

DANIEL 5:16

Che aendu nderegua, kërai ndepuere reikuaauka oipotagüe mbae ko oipota jei vae, jare reñono kavi yemboavai reta. Añave ndepuere remongeta cheve kuae oyekuatiagüe jare reikuaauka mbae ko oipota jei vae yave, reyemondeukata temimonde pɨ̈taasɨ vae mburuvicha pegua pe, jare mboɨ oro pegua reñonota ndeayu re, jare reïta mboapɨa mburuvicha guasurä mborookuaía pe.

DANIEL 5:29

Jayave Belsasar omondo omboemimondeuka Daniel temimonde pɨ̈taasɨ vae mburuvicha pegua pe, jare oñonouka iyayu re mboɨ oro pegua, jare omoërakuauka jae ko mboapɨa mburuvicha guasu jókuae mborookuaía pe vae.

DANIEL 5:7

Jayave mburuvicha guasu täta osapúkai oyereru vaerä ichoropa vae reta, Caldeaɨgua reta, maratuta vae imombeúa reta; jare jei yarakuaa katu vae reta Babilonia pegua pe: —Kia nunga vae omongeta yave kuae oyekuatía oï vae, jare oikuaauka cheve mbae ko oipota jei vae yave, oyemondeta temimonde pɨ̈taasɨ vae mburuvicha pegua pe, jare metei mboɨ oro pegua oñonota iyayu re, jare oïta mboapɨa mburuvicha guasurä mborookuaía pe.

DANIEL 6:1

Darío pe jaekavi yae oñono vaerä ciento veinte ɨvɨ iyangarekoa reta, oyangareko reta vaerä opaete jae iporookuaía rupi.

San Mateo 18:23

“Echa araɨgua mborookuaía, metei mburuvicha guasu jembiokuai reta pe, ipía re oipota okovara vae rami ko.

San Lucas 16:2

Jayave oenɨi jembiokuai jare jei chupe: ‘¿Mbae pa ko kuae nerërakua cheve vae? Eñono kavi opaete ndeparavɨkɨ remboeterenga vaerä cheve. Echa mbaetɨta ma reiko chembaembae iyangarekoarä.

1 Corintios 4:2

Jáeramo tembiokuai ñavo ikavi ko yogüɨreko vaerä jupi rupi.

1 SAMUEL 2:30

Jáeramo, Israel iTumpa jei tëi tenonde yave neñemuñagüe reta pe, ndeve jare neñemuña reta oyeokuai vaerä chupe jekuae avei, ërei añave jei: ‘Ngaraa ma ayapo jökorai, amboeteukata chemboete vae reta, ërei chereröɨro vae reta aröɨrota vi.