DANIEL 5:2 - Biblia Guarani Tumpa Iñee

² Belsasar osavaɨpo ma yave omondo güeruruka vaso reta oro pegua jare korepoti pegua, iñemuñagüe Nabucodonosor güeru Jerusalén pegua tupao güi vae, pɨpe okau vaerä jae jare mburuvicha reta, jembireko reta jare kuña güɨrekoiño vae reta ndive.

DANIEL 5:2 Iomraidhean Croise

2 SAMUEL 9:7

Jare David jei chupe: —Agüɨye ekɨɨye, echa che anoita mboroparareko ndekotɨ nderu Jonatán jeko pegua. Opata amboyevɨ ye ndeve opaete neramɨigüe Saúl iɨvɨ; jare nde rekaru aveita che ndive.

2 REYES 24:13

Jaɨkue rupi Nabucodonosor güɨnoe joko güi opaete yandeYa jo pe mbaembae jepɨ vae oñeñovatu vae, jare opaete mbaembae jepɨ vae mburuvicha guasu jo pe oñeñovatu vae, jare opaetei oyoka mbaembae oro pegua, Salomón mburuvicha guasu Israel pegua oyapo yandeYa jo peguarä vae reta, yandeYa omoërakua rami.

2 REYES 25:15

Jaeramiño vi sundaro oporoäro vae reta juvicha güɨraja opaete tembiporu reta oro pegua jare korepoti pegua: Tätapɨi-rɨru jare tasa guasu.

2 CRÓNICAS 11:20

Kuae jaɨkue rupi Roboam omenda Maaca, Absalón tayɨ ndive; jae kuae imembɨ reta: Abías, Atai, Ziza jare Selomit.

2 CRÓNICAS 15:16

Jaeramiño vi mburuvicha guasu Asa opɨ̈ro iyarɨ Maaca güi tenondeguarä oiko vae, echa jae oyapouka tumpa-raanga Asera iä. Jare Asa omboai jókuae jare opa oyoka oapɨ ɨ̈aka Cedrón jembeɨ pe.

2 CRÓNICAS 36:10

Año oväe ye vae re, mburuvicha guasu Nabucodonosor ombou güɨrajauka Babilonia pe, tembiporu reta jepɨ yae vae yandeYa jo pegua ndive, jare jëtara Sedequías omboguapɨ mburuvicha guasurä Judá jare Jerusalén re.

2 CRÓNICAS 36:18

Jaeramiño vi tembiporu Tumpa jo pegua, tuicha vae ani michi vae, jare tupao pe mbaembae oñeñovatu vae jare mburuvicha guasu imbae jare iyɨvɨrigua reta imbae, opaetei güɨraja Caldeaɨgua reta juvicha guasu Babilonia pe.

ESDRAS 5:14

Jaeramiño vi tembiporu reta korepoti pegua jare oro pegua Nabucodonosor opa güɨnoe güɨraja tupao guasu Jerusalén pegua güi oñono itupao guasu Babilonia pegua pe vae, mburuvicha guasu Ciro opa güɨnoeuka jare omee Sesbasar ipo pe, jae oñono mburuvicha tëta re oyangareko vaerä vae.

JEREMÍAS 27:7

Opaete tëtaguasu reta oyeokuaita chupe, taɨ reta pe jare jɨmɨmino reta pe, ou regua oväe ara, jae iɨvɨ ma oyeokuai vaerä tëtaguasu reta jare mburuvicha guasu reta imbaepuere yae vae pe.

JEREMÍAS 50:35

YandeYa jei: “¡Che ambou ñeraro Babilonia pe jare pɨpegua reta pe! ¡Juvicha reta pe jare yarakuaa vae reta pe!

JEREMÍAS 52:19

Jökoraiño vi sundaro omaeäro vae reta juvicha opa güɨraja mbaembae oro pegua jare korepoti pegua: Tätapɨi jɨru reta, tasa guasu reta, kopa reta, yapepo reta, mechero jenda reta, ñae reta, tasa reta.

DANIEL 1:2

Jare yandeYa omee ipo pe, Joacim mburuvicha guasu Judá pegua, jare jeta tembiporu reta Tumpa jo pegua; jare güeru ɨvɨ Sinar pe, itumpa jo pe, jare oñono tembiporu reta, mbaembae jepɨ yae vae oñeñovatúa pe, itumpa jo pe.

DANIEL 5:11

Kuae ndeporookuaía pe oime metei kuimbae Tumpa Iyoambae iespíritu oï jese vae; jare neñemuñagüe oikose yave, oñeväe jese arakuaa katu, tumpa reta iyarakuaa katu rami; neñemuñagüe mburuvicha guasu Nabucodonosor oñono opaete ichoropa vae reta, yasɨtata re oyemboe vae reta, Caldeaɨgua reta, jare maratuta vae imombeúa reta juvicharä vae,

DANIEL 5:13

Jayave güeru reta Daniel mburuvicha guasu jóvai. Jare mburuvicha guasu jei Daniel pe: —¿Jae pa nde jókuae Daniel, Judea güi cheñemuñagüe güeru tembipɨɨrä vae reta taɨgüe?

DANIEL 5:18

Tumpa Tuichagüe yae ete vae, omee neñemuñagüe Nabucodonosor pe mborookuaía, yembotuicha jare iyemboetea.

DANIEL 5:23

ërei cheYa ara pe oï vae kotɨ reyembopɨapochɨ, jare reruruka nderóvai vaso reta Tumpa jo pegua, nde jare ndeɨvɨrigua mburuvicha reta, nderembireko reta jare kuña rerekoiño vae reta ndive rekau pɨpe; jare kuae güire, remboete tumpa reta korepoti pegua, oro pegua, jiero iyu vae pegua, jiero pegua, ɨvɨra pegua jare ita pegua; jókuae omaembae reta, oendumbae reta, yarakuaambae reta; jare Tumpa jae ipo pe nderekove oï vae jare opaete reyapogüe reta jese oiko vae mbaetɨ remboete.

DANIEL 5:3

Jayave güeru vaso reta oro pegua, Tumpa jo Jerusalén pegua güi oyereru vae, jare okau reta pɨpe mburuvicha guasu, mburuvicha reta, jembireko reta jare kuña güɨrekoiño vae reta.

DANIEL 5:30

Jókuae pɨ̈tu voi oyeyukauka Belsasar, Caldeaɨgua reta juvicha guasu.

DANIEL 5:4

Jou reta pɨpe vino jare omboete reta itumpa reta oro pegua, korepoti pegua, jiero iyu vae pegua, jiero pegua, ɨvɨra pegua jare ita pegua.

NÚMEROS 7:79

omee vi mbota ïru reta omee rami etei.