DANIEL 4:8 - Biblia Guarani Tumpa Iñee

⁸ Ou regua oike cheve Daniel, jae ko jee Beltsasar, chetumpa reta jee rami; jese oime oï Tumpa Iyoambae iespíritu. Chemiari chepaɨu re chupe körai:

DANIEL 4:8 Iomraidhean Croise

GÉNESIS 41:38

Jayave Faraón jei iyɨvɨrigua reta pe: —¿Kia pe ye pa ñaväeta kuae kuimbae rami vae, Tumpa iespíritu oï jese vae?

ISAÍAS 46:1

Tumpa-raanga Bel oyeitɨ, tumpa-raanga Nebo opa oyeka. Jókuae tumpa-raanga reta opata oñeñono mɨmba ivoɨtarä, oipotagüe voɨta rami ko oñeñonota mɨmba ikangɨ vi vae reta re.

ISAÍAS 63:11

Ërei jókuae Israel iñemuña reta imaendúa arakae vae re, Moisés re jare opaete vae reta re, jare jei reta körai: “¿Ketɨ pa oime oï jókuae Tumpa güɨnoe imbae vae reta ɨguasu güi vae, ivecha reta iyangarekoa Moisés ndive vae? ¿Jókuae oñono Moisés iyɨvɨte pe iespíritu vae,

JEREMÍAS 50:2

“Emoërakua kuae, tëtaguasu reta rupi, eikuaauka chupe reta. Emopüa bandera remokañɨmaa vaerä ñemoñee, agüɨye nekïriiño epɨta. Ere: ‘¡Babilonia oñepɨ̈ro! ¡Tumpa-raanga Bel opɨta ñemomarai pe, tumpa-raanga Merodac opa oyemboai! ¡Itumpa-raanga añetembae, opa oyemboai!’

EZEQUIEL 17:23

Ɨvɨtɨ ɨvate yae vae Israel pegua re añotɨta. Jokɨta jare iata jare oyeapota metei ɨ̈vɨrare ikavi yae vae. Oipotagüe mɨmba oikota igüɨ pe, jare oipotagüe güɨra reta oyapota jaitɨrä jäka re.

DANIEL 1:7

Kuae reta, eunuco reta juvicha ombojee körai: Daniel ombojee Beltsasar, Ananías ombojee Sadrac, Misael ombojee Mesac jare Azarías ombojee Abed-nego.

DANIEL 2:11

Echa kuae nde mburuvicha guasu reparandu vae yavai ko, jare ngaraa kia ipuere omombeu ndeve; jaeño tumpa reta ipuereta; ¡ërei jae reta mbaetɨ ko yogüɨreko kuimbae reta ipɨte rupi!

DANIEL 2:26

Jare mburuvicha guasu jei Daniel pe, jókuae Beltsasar pe ombojee vae pe: —¿Ndepuere pa nde reikuaauka cheve chepaɨu, jare mbae ko oipota jei vae?

DANIEL 3:14

Jayave Nabucodonosor oparandu chupe reta: —¿Añete pa, pe Sadrac, Mesac jare Abed-nego, mbaetɨ pemboete chetumpa reta, jare mbaetɨ ave pemboete jókuae mbae iä oro pegua amopüaukagüe?

DANIEL 4:18

Che, mburuvicha guasu Nabucodonosor, aecha kuae mbaɨu. Nde Beltsasar eikuaauka cheve mbae ko oipota jei vae, echa opaete cheporookuaía pe yarakuaa katu vae reta mbaetɨ ipuere oikuaauka cheve mbae ko oipota jei chepaɨu vae; ërei nde ndepuere ko, echa Tumpa Iyoambae iespíritu oï nderé.

DANIEL 4:9

Beltsasar, ichoropa vae reta juvicha, aikuaa oime ko nderé Tumpa Iyoambae iespíritu, jare mbaetɨ etei metei ave yaikuaambae vae oñemi ndegüi, eikuaauka cheve chepaɨu pe aecha vae jare mbae ko oipota jei vae.

DANIEL 5:14

Che aendu nderegua, kërai oime oï nderé Tumpa Iyoambae iespíritu, jare oñeväe nderé arakuaa katu tuicha yae vae.