DANIEL 4:7 - Biblia Guarani Tumpa Iñee

⁷ Jare yogüeru ichoropa vae reta, yasɨtata re oyemboe vae reta, Caldeaɨgua reta jare maratuta vae imombeúa reta, jare amombeu chepaɨu chupe reta, ërei ngatu mbaetɨ ipuere oikuaauka reta cheve mbae ko oipota jei vae.

DANIEL 4:7 Iomraidhean Croise

GÉNESIS 41:24

Jare jókuae trigo jäɨ kavimbae vae reta opa jou jókuae chiu trigo jäɨ kavi vae; jare amombeu tëi ma ichoropa vae reta pe, ërei mbaetɨ kia ipuere omombeu chepaɨu regua.”

GÉNESIS 41:8

Jare pɨareve pe ndeimbove yave Faraón ipɨakaviä yae, jare omondo oenɨiuka opaete ichoropa vae Egipto pegua, jare iyarakuaa katu vae reta, chupe oyeokuai vae reta; jayave omombeu chupe reta ipaɨu, ërei mbaetɨ kia ipuere oikuaauka chupe mbae ra Faraón ipaɨu oipota jei vae.

SALMOS 37:35

Aecha iyoa vae ipɨayemboete yae, oyembotuicha, ɨvɨra jokɨ katu vae jäka oyembotuicha rami.

ISAÍAS 44:25

Mbaetɨ amaeño oyembopo vaerä maratuta vae imombeúa reta omombeu vae, amombokere susere oimeta vae imombeúa reta. Yarakuaa katu vae reta iñee amboyopɨndekua oyougüi, opaete iyarakuaa katu arokomegua chugüi reta.

EZEQUIEL 31:3

Nde ko, ɨ̈vɨrare Líbano pegua rami, jäka reta ipöra jare tëɨ yae, jäka ɨvateasɨ yae.

DANIEL 1:4

kunumi reta jete kavi vae, kunumi kavi, opaete arakuaa reta re oyemboe vae, opaete yemboe reta pe iyarakuaa katu vae, ikavi yae oyeokuai reta vaerä mburuvicha guasu jo pe vae. Jare oyókuai vi omboe vaerä Caldeaɨgua reta iñee jare iyemboe reta re.

DANIEL 2:10

Caldeaɨgua iyarakuaa vae reta jei mburuvicha guasu pe: —Mbaetɨ ko metei ave kuimbae kuae ɨvɨ pe ipuereta omombeu nde mburuvicha guasu reipota reikuaa vae; jare mbaetɨi vi metei mburuvicha guasu ave, ani metei mburuvicha ani kia nunga iya ave oparandu kuae nunga re metei ichoropa vae pe, yasɨtata re oyemboe vae pe, Caldeaɨgua iyarakuaa vae reta pe.

DANIEL 2:27

Daniel jei mburuvicha guasu jóvai: —Kuae yaikuaambae vae nde mburuvicha guasu reipota reikuaa vae, ngaraa ipuere oikuaauka ndeve yarakuaa katu vae, yasɨtata re oyemboe vae, ichoropa vae ani maratuta vae imombeúa reta ave.

DANIEL 2:7

Jare jei reta ye chupe mokoía ma: —Oreruvicha guasu, emombeu ndepaɨu ore nderembiokuai reta pe, jare roikuaaukata ndeve mbae ko oipota jei vae.

DANIEL 3:8

Kuae re jókuae ara rupi amogüe kuimbae Caldeaɨgua iyarakuaa vae reta yogüeru oñeapo iyemongeta kavimbae reve judío reta re.

DANIEL 4:18

Che, mburuvicha guasu Nabucodonosor, aecha kuae mbaɨu. Nde Beltsasar eikuaauka cheve mbae ko oipota jei vae, echa opaete cheporookuaía pe yarakuaa katu vae reta mbaetɨ ipuere oikuaauka cheve mbae ko oipota jei chepaɨu vae; ërei nde ndepuere ko, echa Tumpa Iyoambae iespíritu oï nderé.

DANIEL 5:7

Jayave mburuvicha guasu täta osapúkai oyereru vaerä ichoropa vae reta, Caldeaɨgua reta, maratuta vae imombeúa reta; jare jei yarakuaa katu vae reta Babilonia pegua pe: —Kia nunga vae omongeta yave kuae oyekuatía oï vae, jare oikuaauka cheve mbae ko oipota jei vae yave, oyemondeta temimonde pɨ̈taasɨ vae mburuvicha pegua pe, jare metei mboɨ oro pegua oñonota iyayu re, jare oïta mboapɨa mburuvicha guasurä mborookuaía pe.

DANIEL 5:8

Jayave opaete yarakuaa katu vae reta, mburuvicha guasu pe oyeokuai vae reta güɨroike jóvai, ërei mbaetɨ ipuere reta omongeta oyekuatía oï vae jare mbaetɨ vi ipuere oikuaauka mburuvicha guasu pe mbae ko oipota jei vae.