DANIEL 4:3 - Biblia Guarani Tumpa Iñee

³ ¡Tuicha yae ko mɨakañɨ reta Tumpa oyapogüe, jare imbaepuere yae rupi oyapo! Iporookuaía opambae ko, jare imbaepuere oiko aveita jekuae avei pegua.

DANIEL 4:3 Iomraidhean Croise

JOB 25:2

Tumpa imbaepuere yavaetegüe. Jae oñono vɨakatu ara pe.

SALMOS 104:24

CheYa Tumpa, ¡opa rapeä ko roipapa nderembiapo reta! Opaete jókuae reta reyapo ndearakuaa katu reve; ¡ɨvɨ tɨnɨe oï nderembiapo reta pe!

SALMOS 105:27

Jare omee chupe reta oyapo vaerä mɨakañɨ reta, Egiptoɨgua reta oikuaa vaerä Tumpa imbaepuere, ¡oyapo mɨakañɨ reta tuichagüe Cam iɨvɨ pe!

SALMOS 145:13

Ndeporookuaía opambae ko, ndembaepuere jekuaekuae avei vae ko.

SALMOS 66:7

Jae oporookuai jekuae avei pegua imbaepuere pe; omae oï tëtaguasu reta re, ipɨapochɨ vae reta agüɨye vaerä oñemopüa ikotɨ.

SALMOS 72:18

Toyemboete cheYa Tumpa, Israel iTumpa, jaeño ko mbaembae tuichagüe iyapoa.

SALMOS 77:19

Ɨguasu rupi oï nderape; reasa jeta ɨ reta, ërei mbaetɨ kia oväe nderaɨkuere.

SALMOS 86:10

Echa nde ko Tumpa tuicha yae ete vae, ¡mɨakañɨ iyapoa! Mbaetɨ yé ïru Tumpa.

SALMOS 92:5

CheYa Tumpa, ¡nderembiapo reta oremopɨakañɨ yae ko! ¡Ndeyemongeta roupitɨ rapeä ko!

ISAÍAS 25:1

CheYa, nde ko jae cheTumpa; tambotuicha jare tamboete nderee, echa reyapo jeta mɨakañɨ, ndeyemongeta arakae güive voi ma reyapo vae, añete vae ko jare oyembopo vae ko.

ISAÍAS 28:29

Jökorai ko yandeYa Imbaepuere yae ete vae yarakuaa katu, oyapo vaerä opaete kuae mbaembae, jare oyapo iyarakuaa katu rupi kavi.

ISAÍAS 9:7

Iporookuaía tuicha yaeta, jare mbɨakatu mbaetɨta opa David iguapɨa re jare iporookuaía re, oñono kavita ñejäa jupi rupi, jare isɨmbi rupi añave güive oiko avei vaerä. YandeYa imbaepuere yae vae jägüɨro rupi oyapota kuae.

JEREMÍAS 10:10

Ërei yandeYa Tumpa jae ko añetete vae, jae ko Tumpa oikove vae jare Mburuvicha guasu opambae. Iyarasɨ yave, okana ɨvɨ; tëtaguasu reta mbaetɨ jösa chupe.

DANIEL 2:2

Jayave mburuvicha guasu omondo oenɨiuka ichoropa vae reta, yasɨ pɨau re jare yasɨtata re güɨrovia vae reta jare mbae oasata vae oikuaa vae reta, jae ko Caldeaɨgua iyarakuaa vae reta, oikuaauka vaerä chupe ipaɨu regua. Jayave yogüeru mburuvicha guasu jóvai.

DANIEL 2:44

Jare kuae mburuvicha guasu reta iara rupi, Tumpa ara pe oï vae omopüata metei mborookuaía mbaetɨ eteita oyemboai vae, jare mbaetɨta kuae mborookuaía oyeeya ïru tëta ipo pe; omonguruvita jare omokañɨteita opaete kuae mborookuaía reta, ërei jae oikota jekuae avei,

DANIEL 4:17

Kuae yemongeta oë ikotɨ vae araɨgua omaangareko vae reta güi ko, jókuae iyoambae reta güi, opaete oikove vae reta oikuaa vaerä Tuichagüe yae ete vae ko güɨnoi mbaepuere kuimbae reta iporookuaía re, echa jae omee kia nunga vae pe oipota omee yave, oñono mburuvicharä mbaeä etei kuimbae reta ipɨte pe vae.

DANIEL 7:14

Jare oñemee chupe mbaepuere, yemboetea jare mborookuaía, jare opaete ketɨgua tëtaguasu reta jare ïru ñee pe imiari vae reta oyeokuai chupe. Imbaepuere jekuae avei ko, jare iporookuaía ngaraai oyemboai.

DANIEL 7:27

Mborookuaía, mbaepuere jare yemboetea opaete ɨvɨ pe ñogüɨnoi vae, oñemeeta oñeñono tee Tuichagüe yae ete vae pe vae reta ipo pe. Iporookuaía oikota jekuae avei pegua, opaete ɨvɨ pegua reta oyeokuaita chupe jare yogüɨrekota jae jeia re.’

Romanos 11:33

Tumpa yarakuaa tuichagüe yae ko, iyarakuaa katu yae ko. Yaupitɨ rapembae iyemongeta reta. Yaipapa rapeä ko jemimbota reta.

DEUTERONOMIO 4:34

¿Ani oime pa mbae nunga tumpa ou oiparavo tëtaguasu imbaerä ïru tëtaguasu güi vae, yemboaporova ndive, mɨakañɨ ndive, ñeraro ndive, imbaepuere yae jare ipo oporoiämondo yae reve, opaete oyapo perovake yandeYa Tumpa Egipto pe rami?

1 Timoteo 1:17

Jáeramo, yamboete yae jekuaekuae avei rupi Mburuvicha guasu opambae vae, omanombae vae, oyeechambae vae, jaeño ko Tumpa yarakuaa yae vae. ¡Amén!

Hebreos 1:8

Ërei Tumpa jei Taɨ re körai: “CheRu Tumpa, ndeguapɨa mborookuaía pegua jae ko opambae jare jekuae avei vae; ndepo pegua popoka mborookuaía pegua, jae ko jupi vae pegua.

Hebreos 2:4

Tumpa etei omoañete jae reta omombeu yandeve vae, mɨakañɨ reta, jare Espíritu Santo rupi mbaepuere reta oñemee vae rupi.

1 Pedro 4:11

Kia oñemoñee vae, toñemoñee Tumpa jei rami; oyeokuai vae, toyeokuai Tumpa omee mbaepuere chupe vae rupi, Tumpa oyemboeteuka vaerä opaete mbaembae pe Jesucristo rupi, echa Tumpa imbae ko yemboetea jare mbaepuere jekuaekuae avei rupi. ¡Amén!

Apocalipsis 11:15

Jare araɨgua omoñee chiúa mimbɨguasu yave, oyeendu ñee reta tätagüe, jei: “Mborookuaía reta ɨvɨ pegua ou opɨta yandeYa jare Cristo ipo pe. Jare jae oporookuaita jekuaekuae avei rupi.”