DANIEL 2:41 - Biblia Guarani Tumpa Iñee

⁴¹ Jare ipɨ reta jare ipɨ̈sa reta reecha vae, jiero oyea ñaeu oyɨgüe ndive oñaeu-apo vae jembiapo rami vae; jae ko, metei mborookuaía oyemboyaota vae; ërei oimeta jese täta ave jiero rami, jókuae jiero reecha oyea ñaeu oyɨgüe ndive rami vae.

DANIEL 2:41 Iomraidhean Croise

DANIEL 2:40

Jare opüata irundɨa mborookuaía täta yae jiero rami vae; jiero omonguruvi jare oyoka opaete mbaembae vae rami, omonguruvita jare oyokata opaete mbae.

DANIEL 2:42

Jare ipɨ̈sa reta oyea jiero jare ñaeu oyɨgüe ndive ramo, jókuae mborookuaía oimeta täta vae, ërei oimeta vi mbaetɨ etei täta vae.

DANIEL 7:24

Payandepo mbaeporou jäti reta vae jae ko, payandepo mburuvicha guasu reta oporookuaita jókuae mborookuaía pe vae. Jókuae reta jaɨkue rupi jekuae ïru vae oyeupi yeta mborookuaía pe, kuae ambuaeyee yaeta tenondegua reta güi, jare omboaita mboapɨ, jókuae tenondegua mburuvicha reta güi.

DANIEL 7:7

Irundɨa mbaeporou oyekuaa cheve vae jae ko yavaete yae, yandemongɨɨye yae jare ipɨ̈rata yae vae. Güɨnoi jäi tuichagüe jiero pegua; oporou yave oporomopüruru jare jembɨregüe re opɨ̈ro. Ambuaeyee yae ïru mbaeporou reta tenonde aecha vae güi, jare iñäka re güɨnoi payandepo jäti.

Apocalipsis 12:3

Jare oyekuaa vi ara re ïru mbae tuichagüe, jae ko: Metei mbaeporou tuichagüe pɨ̈ta vae. Güɨnoi chiu iñäka, payandepo jäti jare iñäka ñavo re güɨnoi äka-regua.

Apocalipsis 13:1

Ayemboɨ ɨguasu jembeɨ pe ɨvɨkuitï pe, jare aecha mbaemɨmba guasu oë ɨguasu güi, güɨnoi chiu iñäka, payandepo jäti jare jókuae jäti ñavo re güɨnoi äka-regua. Jare iñäka re güɨnoi tee ikavimbae Tumpa kotɨ vae.

Apocalipsis 17:12

Jare jókuae payandepo jäti reecha vae oyembojaanga payandepo mburuvicha guasu reta re. Kuae payandepo reve ndeiño güɨnoi iporookuaía. Ërei güɨnoi retata mbaepuere yogüɨreko vaerä mburuvicha guasu retarä metei ora pegua jókuae mbaemɨmba guasu ndive.