DANIEL 2:2 - Biblia Guarani Tumpa Iñee

² Jayave mburuvicha guasu omondo oenɨiuka ichoropa vae reta, yasɨ pɨau re jare yasɨtata re güɨrovia vae reta jare mbae oasata vae oikuaa vae reta, jae ko Caldeaɨgua iyarakuaa vae reta, oikuaauka vaerä chupe ipaɨu regua. Jayave yogüeru mburuvicha guasu jóvai.

DANIEL 2:2 Iomraidhean Croise

GÉNESIS 41:8

Jare pɨareve pe ndeimbove yave Faraón ipɨakaviä yae, jare omondo oenɨiuka opaete ichoropa vae Egipto pegua, jare iyarakuaa katu vae reta, chupe oyeokuai vae reta; jayave omombeu chupe reta ipaɨu, ërei mbaetɨ kia ipuere oikuaauka chupe mbae ra Faraón ipaɨu oipota jei vae.

ESTER 1:13

jayave mburuvicha guasu oparandu yarakuaa jare mborookuai re oikuaa katu vae reta pe, echa jökorai oyepokuaa mburuvicha guasu, oparandu mborookuai re oikuaa vae reta pe jare jupi vae oikuaa vae reta pe;

ÉXODO 7:11

Jayave Faraón oenɨi vi imbaekuaa vae reta jare ichoropa vae reta, kuae reta oyapo vi jökorai etei imbaekuaa rupi,

ISAÍAS 19:3

Amombokereta, arokomeguata iyemongeta chugüi. Jare oparanduta itumpa-raanga reta pe, jare imbaekuaa vae reta pe, omano ma vae jekovegüe reta pe, jare mbae maratuta vae imombeúa reta pe.

ISAÍAS 8:19

Jare jei reta yave peve: “Peparandu imbaekuaa vae reta pe, jare mbae maratuta vae imombeúa reta pe.” Ërei pe pere chupe reta: “¿Mbaetɨta pa tëta oparandu iTumpa pe? ¿Oparanduta ra omanogüe vae reta jekove pe, oikove vae reta regua?”

DANIEL 1:20

Opaete yemboe arakuaa pegua re mburuvicha guasu oparandu chupe reta vae pe iyarakuaa katu yae reta, oyapɨraa ye payandepo pe opaete ichoropa vae reta jare yasɨ pɨau re jare yasɨtata re güɨrovia vae reta, opaete iporookuaía pe yogüɨreko vae reta.

DANIEL 1:4

kunumi reta jete kavi vae, kunumi kavi, opaete arakuaa reta re oyemboe vae, opaete yemboe reta pe iyarakuaa katu vae, ikavi yae oyeokuai reta vaerä mburuvicha guasu jo pe vae. Jare oyókuai vi omboe vaerä Caldeaɨgua reta iñee jare iyemboe reta re.

DANIEL 2:10

Caldeaɨgua iyarakuaa vae reta jei mburuvicha guasu pe: —Mbaetɨ ko metei ave kuimbae kuae ɨvɨ pe ipuereta omombeu nde mburuvicha guasu reipota reikuaa vae; jare mbaetɨi vi metei mburuvicha guasu ave, ani metei mburuvicha ani kia nunga iya ave oparandu kuae nunga re metei ichoropa vae pe, yasɨtata re oyemboe vae pe, Caldeaɨgua iyarakuaa vae reta pe.

DANIEL 2:27

Daniel jei mburuvicha guasu jóvai: —Kuae yaikuaambae vae nde mburuvicha guasu reipota reikuaa vae, ngaraa ipuere oikuaauka ndeve yarakuaa katu vae, yasɨtata re oyemboe vae, ichoropa vae ani maratuta vae imombeúa reta ave.

DANIEL 3:8

Kuae re jókuae ara rupi amogüe kuimbae Caldeaɨgua iyarakuaa vae reta yogüeru oñeapo iyemongeta kavimbae reve judío reta re.

DANIEL 4:3

¡Tuicha yae ko mɨakañɨ reta Tumpa oyapogüe, jare imbaepuere yae rupi oyapo! Iporookuaía opambae ko, jare imbaepuere oiko aveita jekuae avei pegua.

DANIEL 4:6

Jáeramo aekauka yogüeru vaerä cheróvai yarakuaa katu vae opaete Babilonia pegua reta, oikuaauka reta vaerä cheve mbae ko oipota jei chepaɨu vae.

DANIEL 5:7

Jayave mburuvicha guasu täta osapúkai oyereru vaerä ichoropa vae reta, Caldeaɨgua reta, maratuta vae imombeúa reta; jare jei yarakuaa katu vae reta Babilonia pegua pe: —Kia nunga vae omongeta yave kuae oyekuatía oï vae, jare oikuaauka cheve mbae ko oipota jei vae yave, oyemondeta temimonde pɨ̈taasɨ vae mburuvicha pegua pe, jare metei mboɨ oro pegua oñonota iyayu re, jare oïta mboapɨa mburuvicha guasurä mborookuaía pe.

1 SAMUEL 6:2

Jayave filisteo reta oenɨi sacerdote reta jare maratuta vae imombeúa reta, oparandu chupe reta: —¿Mbae pa royapota Tumpa ikäjou pe? Pemombeu oreve këraita pa romondo ye jenda pe vae.