DANIEL 12:9 - Biblia Guarani Tumpa Iñee

⁹ Jae jei cheve: ‘Mbaetɨta ndepuere reikuaa Daniel, echa kuae ñee reta oyeokenda opɨta ou ara iyapɨ oväe regua.

DANIEL 12:9 Iomraidhean Croise

ISAÍAS 29:11

Jare opaete mbaembae oyeechauka tëi Tumpa güi peve vae, peveguarä metei tembikuatía oyeokenda oï vae ramita ko. Kia omee yave ïru vae pe omongeta vaerä, jei chupe: “Emongeta kuae.” Jae jei: “Mbaetɨ chepuere, echa oyeokenda oï.”

ISAÍAS 8:16

Peñovatu kavi kuae ñee; agüɨye tokañɨ cheporookuai reta jare cheporomboe reta, cheremimboe reta agüɨye tomokañɨ cheporomboe.

DANIEL 10:14

Ayu aikuaauka vaerä ndeve kërai nerëta oasata kuri vae; echa jókuae reecha vae, jókuae ara rupi oyeapo vaerä ko.’

DANIEL 11:40

Ërei ou ma oväe ara iyapɨ yave, mburuvicha guasu arayevɨ kotɨgua oporepeñata mburuvicha guasu ɨvɨtuguasu kotɨgua re; ërei kuae opüata chupe ama ɨvɨtuai reve rami, käretou reta ndive, kavayu regua reta ndive jare jeta barco reta ndive; omboaita opaetei arayevɨ kotɨgua reta iɨvɨ.

DANIEL 12:4

‘Ërei nde Daniel, kuae ñee reta jare tembikuatía eyokenda toï ou ara iyapɨ oväe regua. Jeta kotɨ kotɨ oeka reta tëita, jare yemboe okuakuaata.’

DANIEL 12:8

Che aendu jeigüe, ërei mbaetɨ chepuere aikuaa, mbae ko oipota jei vae, jare jae: ‘CheYa, ¿maratuta pa kuaekuae reta jaɨkue rupi?’

DANIEL 8:26

Kuae ara reta regua reecha vae añetete ko; ërei agüɨye emombeu kia pe, echa oyembopota ko ara reta iyapɨ ma yave.’

Apocalipsis 10:4

Jare chiu vese jɨapu ara güire, che aikuatiata tëi, ërei aendu ñee ara güi jei cheve: “Agüɨye emombeu kia pe jókuae chiu ara jɨapu vae jei vae. Agüɨye eikuatía.”