DANIEL 11:2 - Biblia Guarani Tumpa Iñee

² Añave aikuaaukata ndeve añetete vae: Oimeñota räri mboapɨ mburuvicha guasu reta Persia pe, ërei irundɨa mburuvicha guasu oikokatu yaeta jókuae mboapɨ tenondegua reta güi. Jókuae jeta imbaeyekou vae rupi imbaepuere yae ma yave, omopüata opaete vae, tëtaguasu Grecia pegua mborookuaía kotɨ.

DANIEL 11:2 Iomraidhean Croise

ESDRAS 4:24

Jökorai mbaravɨkɨ opɨta Tumpa jo oñemopüa ye oï Jerusalén pe vae, mokoía año ma Darío mburuvicha guasu Persia pegua oï mburuvicha guasurä yave regua.

ESDRAS 4:7

Jaeramiño vi Artajerjes oiko mburuvicha guasurä Persia pe yave, oikuatía reta chupe Bislam, Mitrídates, Tabeel jare iñeïru reta; jare jókuae tupapire oyekuatía ñee arameo pe.

ESTER 1:1

Mburuvicha guasu Asuero oporookuai ciento veintisiete ɨvɨ oyemboyao vae reta re, tëtaguasu India güive Etiopía pe.

PROVERBIOS 22:21

ndemboe vaerä reikuaa kavi añetete vae, reraja ye vaerä ñee reta añetete vae jókuae nemondo vae reta pe.

DANIEL 10:1

Ciro mboapɨa año ma oiko mburuvicha guasurä Persia pe yave, Daniel, Beltsasar jee vae pe ou ñee; jókuae ñee oendu vae añetete vae ko, jare yavai yae vae ko; ërei jae oikuaa mbae ko oipota jei jókuae oecha vae.

DANIEL 11:25

Oyererovia katu yae jeko pegua oporepeñata jeta isundaro ndive mburuvicha guasu arayevɨ kotɨgua re. Ërei jae oyeapo kavita chupe jare oëta jeta sundaro reta ndive oñeraro jae ndive; ërei ngaraa ipuere jese, echa oyembotavɨukata.

DANIEL 7:5

Mokoía mbaeporou jae ko oso rami, opüa oyemboɨ oyemboakatu jókuae ïru güi jare iyuru pe oichuu güɨnoi mboapɨ ärukagüe; jare aendu jei chupe vae körai: ‘¡Epüa, ekua jeu jeta soo ndepuere rupi!’

DANIEL 8:21

Kavara kuimbae reecha vae, jae ko tëtaguasu Grecia pegua mburuvicha guasu, jare jókuae metei jäti tuicha yae güɨnoi jesɨva re vae, jae ko tenondegua ete mburuvicha guasu.

DANIEL 8:26

Kuae ara reta regua reecha vae añetete ko; ërei agüɨye emombeu kia pe, echa oyembopota ko ara reta iyapɨ ma yave.’

DANIEL 8:4

Aecha jókuae vecha kuimbae oporombopere jäti pe kuaraɨ oikea kotɨ, ɨvɨtuguasu kotɨ jare arayevɨ kotɨ, jare mbaetɨ mbae nunga mɨmba ave ipuere oñeraro jae ndive, mbaetɨ vi ipuere oasayepe chugüi vae; oyapo jae jeigüeño jare jeieteño oyembotuicha.

AMÓS 3:7

Echa ngaraa etei yandeYa Tumpa oyapo mbaesusere, omombeumbae reve jembiokuai ñeemombeúa reta pe.

San Juan 10:35

Echa Tumpa iñee ou chupe reta vae pe, jae etei ombojee tumpa reta vae. Jare Tumpa Iñee pe oyekuatía oï vae añete ko.

Apocalipsis 21:5

Jare oguapɨ oï mburuvicha iguapɨa pe vae jei: “Mase, ko ayapo pɨau opaete mbaembae.” Jei vi: “Eikuatía. Echa kuae ñee reta jupi jare añetete ko.”