DANIEL 10:7 - Biblia Guarani Tumpa Iñee

⁷ Che, Danielño aecha jókuae oyekuaa cheve vae, jare mbaetɨ oecha jókuae kuimbae reta ñogüɨnoi che ndive vae, echa okɨɨye yae reta, opa otekuarai jare opa oñemi reta.

DANIEL 10:7 Iomraidhean Croise

GÉNESIS 3:10

Kuimbae jei Tumpa pe: —Aendu neñee kó rupi, jare akɨɨye, echa chenandi aï, jáeramo añemi.

ISAÍAS 2:10

Opaete vae reta peñemi ɨ̈vavira ipäu rupi, peñemi ɨvɨkúi igüɨ rupi, yandeYa kɨɨyea yae vae güi, iyemboetea tuicha yae vae güi.

JEREMÍAS 23:24

¿Oime ra kia ipuereta oñemi chegüi vae? che, opaete rupi ko aï, ara pe jare ɨvɨ pe. Che peYa ko jae kuae.

EZEQUIEL 12:18

“Nde kuimbae, ekaru rekɨɨye yae reve jare eɨu rerɨrɨi reve rekɨɨye güi.

Hechos 22:9

Jare che ndive ñogüɨnoi vae reta oecha tembipe, jare okɨɨye reta. Ërei mbaetɨ oikuaa mbae jei jókuae imiari che ndive vae.

Hechos 9:7

Jare kuimbae reta Saulo jupíe yogüɨraja vae ipɨakañɨ jare okɨɨye yae reta. Echa oendu reta ñee, ërei mbaetɨ oecha kia ave.

Hebreos 12:21

Jare jókuae oyekuaa vae yavaete yae ramo Moisés jei: “Arɨrɨi yae akɨɨye ramo.”