DANIEL 10:1 - Biblia Guarani Tumpa Iñee

¹ Ciro mboapɨa año ma oiko mburuvicha guasurä Persia pe yave, Daniel, Beltsasar jee vae pe ou ñee; jókuae ñee oendu vae añetete vae ko, jare yavai yae vae ko; ërei jae oikuaa mbae ko oipota jei jókuae oecha vae.

DANIEL 10:1 Iomraidhean Croise

GÉNESIS 41:32

Jare Faraón opaɨu mókoi ye ramo; Tumpa jei vae añetete oasata ko, jare Tumpa jaɨai yae oï oyapo vaerä kuaekuae reta.

2 CRÓNICAS 36:22

Jare tenondegua año Ciro omboɨpɨ oï mburuvicha guasurä Persia pe yave, oyembopo vaerä yandeYa iñee Jeremías rupi omombeu vae, yandeYa oñono Ciro mburuvicha guasu Persia pegua ipɨa pe omoërakuauka vaerä mborookuai ñee rupi jare tupapire rupi opaete iporookuaía rupi, kuae mborookuai:

ESDRAS 3:7

Jare omee reta korepoti, o iyapoa reta pe jare ipoki oparavɨkɨ ɨvɨra pe vae reta pe, Tiroɨgua reta pe jare Sidón pegua reta pe omee tembíu, vino jare olivo iasaite güeru reta vaerä ɨ̈vɨrare Líbano güi ɨguasu rupi Jope pe, Ciro mburuvicha guasu Persia pegua jei rami.

ESDRAS 4:3

Ërei Zorobabel, Jesúa jare metei ñemuña itenondegua reta Israel pe vae, jei reta chupe reta: —Mbaetɨ orepuere romopüa oreTumpa jo pe reta ndive, oreño romopüata oreYa, Israel iTumpa jo, oreokuai orembou Ciro mburuvicha guasu Persia pegua rami.

ESDRAS 4:5

Omboepɨ vɨari reta vi amogüe mburuvicha reta pe ikotɨ reta, güɨrokomegua vaerä chugüi reta ikɨ̈reɨ tëi oyapo reta vae, jökorai oyapo reta opaete ara Ciro oiko ramboeve mburuvicha guasurä Persia pe, oguapɨ regua Darío mburuvicha guasurä Persia pe.

ESDRAS 6:14

Jökorai judío itenondegua reta opa omboapɨ mbaravɨkɨ jarembae pegua, ñeemombeúa Hageo jare ñeemombeúa Zacarías, Iddo taɨ omoërakua rami. Omopüa reta jare opa oyapo reta Israel iTumpa omee mborookuai vae rupi, jare mburuvicha guasu reta Ciro jare Darío Persia pegua omee vae rupi, jare Artajerjes.

ESDRAS 6:3

“Mburuvicha guasu Ciro metei año ma oiko yave, omee mborookuai oñeñono ye vaerä tupao iguapɨka, oñemopüa ye vaerä Tumpa jo Jerusalén pe, joko pe oñemee vaerä mɨmba oyeyukagüe, jare ɨvategüe güɨnoi vaerä veintisiete metro jare ipɨgüe veintisiete metro.

ISAÍAS 44:28

Che jae mburuvicha guasu Ciro pe: ‘Nde ko jae chevecha iyangarekoa rami, reyapota opaete mbaembae royókuai vae’; jare Jerusalén pe jae: ‘Nde reñemopüa pɨau yeta ko’; jare tupao pe jae: ‘Oñeñonota ko ndeguapɨka.’ ”

DANIEL 1:17

Jökorai kuae irundɨ kunumi reta pe Tumpa omee jeta mbae oikuaa reta vaerä jare iyarakuaa katu yae reta vaerä opaete yemboe reta rupi; jare Daniel oikuaa katu opaete mbaɨu reta regua jare Tumpa mbae oechauka vae rupi.

DANIEL 1:21

Jare Daniel oiko joko pe Ciro oike tenondegua año mburuvicha guasurä yave regua.

DANIEL 1:7

Kuae reta, eunuco reta juvicha ombojee körai: Daniel ombojee Beltsasar, Ananías ombojee Sadrac, Misael ombojee Mesac jare Azarías ombojee Abed-nego.

DANIEL 10:14

Ayu aikuaauka vaerä ndeve kërai nerëta oasata kuri vae; echa jókuae reecha vae, jókuae ara rupi oyeapo vaerä ko.’

DANIEL 11:2

Añave aikuaaukata ndeve añetete vae: Oimeñota räri mboapɨ mburuvicha guasu reta Persia pe, ërei irundɨa mburuvicha guasu oikokatu yaeta jókuae mboapɨ tenondegua reta güi. Jókuae jeta imbaeyekou vae rupi imbaepuere yae ma yave, omopüata opaete vae, tëtaguasu Grecia pegua mborookuaía kotɨ.

DANIEL 12:4

‘Ërei nde Daniel, kuae ñee reta jare tembikuatía eyokenda toï ou ara iyapɨ oväe regua. Jeta kotɨ kotɨ oeka reta tëita, jare yemboe okuakuaata.’

DANIEL 12:9

Jae jei cheve: ‘Mbaetɨta ndepuere reikuaa Daniel, echa kuae ñee reta oyeokenda opɨta ou ara iyapɨ oväe regua.

DANIEL 2:21

Jae oipoepɨ ara reta jare año reta; jae oekɨ jare jae oñono mburuvicha guasu reta, arakuaa omee yarakuaa vae reta pe arakuaa katu omee yarakuaa katu vae reta pe.

DANIEL 4:8

Ou regua oike cheve Daniel, jae ko jee Beltsasar, chetumpa reta jee rami; jese oime oï Tumpa Iyoambae iespíritu. Chemiari chepaɨu re chupe körai:

DANIEL 5:12

oñeväe ramo jese espíritu tuicha yae vae jare arakuaa katu mbaɨu oikuaauka vaerä mbae ko oipota jei vae, yemongeta reta jare mbae yavai yae vae; jae ko Daniel, mburuvicha guasu ombojee Beltsasar pe vae. Eenɨi añave Daniel, jare jae oikuaaukata ndeve mbae ko oipota jei kuae reecha vae.

DANIEL 5:17

Jayave Daniel jei mburuvicha guasu pe: —Toiko ndeveguaräño mbota reta renoi vae, emee jókuae mbota reta ïru reta pe. Amongetata kuae oyekuatiagüe ndeve mburuvicha guasu, jare aikuaaukata ndeve mbae ko oipota jei vae.

DANIEL 6:28

Jare kuae Daniel pe oë kavi yae opaete oyapogüe Darío oiko yave mburuvicha guasurä, jökoraiño vi Ciro Persia pegua oiko mburuvicha guasurä yave.

DANIEL 8:16

jare aendu metei kuimbae iñee ɨ̈aka Ulai jee vae jembeɨ kotɨ güi, jei: ‘Gabriel, nemiari kuae kuimbae pe oecha vae re.’

DANIEL 8:26

Kuae ara reta regua reecha vae añetete ko; ërei agüɨye emombeu kia pe, echa oyembopota ko ara reta iyapɨ ma yave.’

San Lucas 1:20

Mase, ndeupata repɨta, mbaetɨta nemiari kuae amombeu ndeve vae oyeapo regua. Echa mbaetɨ rerovia che jae ndeve vae. Ërei che jae ndeve vae oyembopota ko iara oväe yave.

Apocalipsis 19:9

Jare jae jei cheve: “Eikuatía körai: ‘Oyerovia ko jókuae Vecha kuimbae taɨrusu vae imenda pe oyeparea oike vaerä vae reta.’ ” Jekuae jei ye: “Kuae ñee reta ko Tumpa iñee añetete vae.”