DANIEL 1:8 - Biblia Guarani Tumpa Iñee

⁸ Ërei Daniel oñono ipɨa pe agüɨye vaerä oyemongɨa Tumpa jóvai jókuae tembíu mburuvicha guasu jembíu güi oyeekɨ vae pe jare vino jae jou vae pe; jáeramo oiporu eunuco reta juvicha pe agüɨye vaerä omoñera etei jou vaerä.

DANIEL 1:8 Iomraidhean Croise

1 REYES 5:5

Che, jáeramo añave añeñono amopüa vaerä tupao cheYa Tumpa peguarä, cheru David pe yandeYa jei rami: ‘Nderaɨ, che añonota nderekovia pe mburuvicha guasurä vae, jae omopüata tupao cheree re.’

SALMOS 106:28

Jare oyemboya reta tumpa-raanga Baal-peor re, jou reta mɨmba oyeyukagüe, oikovembae pe oñemee vae.

SALMOS 119:106

Añererökuavee nderee re, jare jae, ¡ayapota ndeporookuai reta!

SALMOS 119:115

¡Pesɨrɨ chegüi, jeko kavimbae reta, echa aipota ayapo cheTumpa iporookuai reta!

SALMOS 141:4

Agüɨye emaeño tayemongeta ikavimbae re; agüɨye emaeño tayapo jupimbae iyoa vae reta ndive, agüɨye takaru jae reta ndive iarete pe.

PROVERBIOS 23:3

agüɨye eyúe rai voi emae jembíu kavi re, echa ndembotavɨta ko.

DANIEL 1:5

Jare mburuvicha guasu jei oñemee vaerä tembíu chupe reta ara ñavo, jae jembiurä vae güi, jare vino jae jou vae güi; jare omboe vaerä mboapɨ año rupi, jökorai mboapɨ año oasa ma yave yogüeru vaerä mburuvicha guasu pe oyeokuai reta.

DANIEL 5:4

Jou reta pɨpe vino jare omboete reta itumpa reta oro pegua, korepoti pegua, jiero iyu vae pegua, jiero pegua, ɨvɨra pegua jare ita pegua.

Hechos 11:23

Jare jae ojo oväe yave, oecha jókuae oyeapo Tumpa ipɨakavi rupi vae, jare oyerovia. Jayave jae omboarakuaa opaete vae reta oguata kavi vaerä opaete ipɨa reve yandeYa ndive.

Hechos 15:20

Ërei toyekuatía chupe reta, agüɨye vaerä oyemongɨa tumpa-raanga reta pe mbae oñererökuavee vae rupi, aguasa pe jare mɨmba oyeyuvɨgüe isoo, jare mbaerugüɨ, jare agüɨye vaerä oyapo aguasa.

1 Corintios 7:37

Ërei ipɨa pe oyemongeta jaekavi jare jupi mbaetɨ vaerä omomenda tayɨ vae, jaekavi ko oyapo.

2 Corintios 9:7

Metei ñavo tomee, ipɨa pe oñono omee vaerä vae. Agüɨye tomee ipɨatɨtɨ reve ani che jae chupe güiño, echa Tumpa oaɨu oyerovia reve omee vae.

DEUTERONOMIO 32:38

jókuae mɨmba oyeyukagüe pemeese vae ikɨragüe jou vae reta, jare vino mbota pemeese vae jou vae reta? ¡Topüa reta tapemborɨ! ¡Toyogüeru tapeangareko!