DANIEL 1:2 - Biblia Guarani Tumpa Iñee

² Jare yandeYa omee ipo pe, Joacim mburuvicha guasu Judá pegua, jare jeta tembiporu reta Tumpa jo pegua; jare güeru ɨvɨ Sinar pe, itumpa jo pe, jare oñono tembiporu reta, mbaembae jepɨ yae vae oñeñovatúa pe, itumpa jo pe.

DANIEL 1:2 Iomraidhean Croise

GÉNESIS 10:10

Jae omboɨpɨ oporookuai tëta tuicha vae reta Babel, Erec, Acad jare Calne re, ɨvɨ Sinar pe.

GÉNESIS 11:2

Oyakavo reta yave kuaraɨ oëa kotɨ güi, oväe reta chupe metei ñuu kavi ɨvɨ Sinar jee vae pe, jare joko pe oñemoëta reta.

2 REYES 24:1

Joacim oiko mburuvicha guasurä yave, Nabucodonosor mburuvicha guasu Babilonia pegua oë ñeraroa pe. Jare Joacim oiko jae jeia re mboapɨ año rupi, ërei jaɨkue rupi oñemopüa ikotɨ.

2 CRÓNICAS 36:5

Joacim güɨnoi veinticinco año omboɨpɨ oï mburuvicha guasurä yave, jare once año oiko mburuvicha guasurä Jerusalén pe. Ërei oyapo ikavimbae iYa Tumpa jesa róvai.

2 CRÓNICAS 36:7

Nabucodonosor güɨraja mbovɨ tembiporu reta Tumpa jo pegua, jare oñono itupao pe Babilonia pe.

ESDRAS 1:7

Jare mburuvicha guasu Ciro güɨnoe opaete tembiporu reta tumpa-raanga reta jo güi, Nabucodonosor güɨraja Jerusalén güi yandeYa jo güi vae.

ISAÍAS 11:11

Jökoraiño vi jókuae ara yandeYa, imbaepuere rupi güeru yeta imbae vae reta jembɨregüe oimeño opɨta Asiria pe vae, Egipto pe, Patros pe, Etiopía pe, Elam pe, Sinar pe, jare Hamat pe jare ɨguasu jembeɨ rupigua tëta reta güi.

ISAÍAS 42:24

¿Kia pa omee Israel, Jacob iñemuña reta, oñepɨ̈rouka jare oyepɨɨuka vaerä? YandeYa ko oyapo jókuae, yandeYa yandeyoa ikotɨ vae; mbaetɨ peipota peguata jae jeia rupi, mbaetɨ peipota peyapo iporookuai reta.

JEREMÍAS 25:1

Irundɨa año ma mburuvicha guasurä oiko Joacim, Josías taɨ Judá pe yave, yandeYa jei Jeremías pe opaete ɨvɨ Judá regua. Jae ko tenondegua año re, Nabucodonosor oiko mburuvicha guasurä Babilonia pe yave.

JEREMÍAS 27:16

Chemiari vi sacerdote reta pe jare opaete vae reta pe, jae chupe reta: “Körai jei yandeYa: ‘Agüɨye perovia jókuae ñeemombeúa reta jei peve, jarembaeño ko Babilonia güi oyereru yeta tembiporu reta yandeYa itupao pegua reta vae. Jókuae jei reta peve vae apu ko.

JEREMÍAS 28:3

mókoi añoa re aruruka yeta kuae pe, opaete jókuae tembiporu reta tupao pegua, mburuvicha guasu Nabucodonosor güɨrajagüe.

JEREMÍAS 35:11

Ërei Nabucodonosor mburuvicha guasu Babilonia pegua oporepeña kuae tëtaguasu re yave, royu kuae Jerusalén pe, rotekuarai vaerä sundaro Caldeaɨgua reta jare Siriaɨgua reta güi; jáeramo ko roiko Jerusalén pe.”

JEREMÍAS 50:2

“Emoërakua kuae, tëtaguasu reta rupi, eikuaauka chupe reta. Emopüa bandera remokañɨmaa vaerä ñemoñee, agüɨye nekïriiño epɨta. Ere: ‘¡Babilonia oñepɨ̈ro! ¡Tumpa-raanga Bel opɨta ñemomarai pe, tumpa-raanga Merodac opa oyemboai! ¡Itumpa-raanga añetembae, opa oyemboai!’

JEREMÍAS 51:44

“Tumpa-raanga Bel amboaita Babilonia pe, anoeta iyuru rupi opa omokoigüe; ngaraa ye ma tëtaguasu reta yogüeru ikotɨ. ¡Babilonia ikësea reta osururuta!

DANIEL 5:13

Jayave güeru reta Daniel mburuvicha guasu jóvai. Jare mburuvicha guasu jei Daniel pe: —¿Jae pa nde jókuae Daniel, Judea güi cheñemuñagüe güeru tembipɨɨrä vae reta taɨgüe?

DANIEL 5:18

Tumpa Tuichagüe yae ete vae, omee neñemuñagüe Nabucodonosor pe mborookuaía, yembotuicha jare iyemboetea.

HABACUC 1:16

Jáeramo yeporaka regua omboete yae ipɨsa jare ipinda, omee mɨmba oyeyuka vae jare oapɨ ikäti kavi vae incienso omboete jeko pegua; echa jókuae rupi güɨnoi jou vaerä tembíu ikavigüe ikɨra kavi vae.

ZACARÍAS 5:11

Jayave jae jei cheve: “Oñemopüa vaerä chupe o, ɨvɨ Sinar pe. Jare opa ma oyeapo yave oñono retata jenda re.”

DEUTERONOMIO 32:30

¿Metei vaeño këraita pa ipuere ombotekuarai mil vae? ¿Ani mókoi vae ombotekuarai diez mil vae? ¡Jaeño yandeYa, Ita guasu rami vae, omee ipo pe yave!

JUECES 2:14

Jáeramo yandeYa iyarasɨ Israel iñemuña reta kotɨ, omee imonda vae reta opɨ̈ro vaerä chugüi reta imbaembae, jare omee vi jovaicho reta iyɨvɨrigua reta pe, jare mbaetɨ ma ipuere jovaicho reta re.

JUECES 3:8

Jáeramo yandeYa iyarasɨ ikotɨ reta, jare omee Cusan-risataim mburuvicha guasu Mesopotamia pegua ipo pe; jare juri año Israel iñemuña reta yogüɨreko Cusan-risataim jeia re.

JUECES 4:2

jare yandeYa omee reta Jabín mburuvicha guasu Canaán pegua ipo pe, oporookuai tëta Hazor pe vae. Isundaro reta juvicha ko jae Sísara, jae oiko Haroset-goim pe.

1 SAMUEL 5:2

jare güɨroike reta Tumpa ikäjou itumpa Dagón tupao pe, jare oñono reta Dagón iyɨpɨ pe.