CANTARES 7:4 - Biblia Guarani Tumpa Iñee

⁴ Ndeayu, oɨvate elefante jäimbuku pegua rami; nderesa reta, ɨrɨru reta tëta guasu Hesbón pegua rami, öke Bat-rabim jóvai pegua rami; netï, Líbano pegua maeka ɨvate vae rami, tëta guasu Damasco kotɨ omae vae rami.

CANTARES 7:4 Iomraidhean Croise

GÉNESIS 15:2

Jare Abram jei körai: —CheYa Tumpa, ¿maera pa remeeiñota cheve? Echa mbaetɨ ko cheraɨ, jare chero pe cherembiokuai opaete chembaembae iyangarekoa, jae ko Eliezer Damascoɨgua yoapɨ.

2 SAMUEL 8:6

Javoi David oñono isundaro reta Damasco pe Siria pe, jare Siriaɨgua reta opa opɨta David jembiokuairä, ombaemboepɨ reta chupe. YandeYa omee David pe, oporomoamɨri vaerä oipota rupi ojoa rupi.

1 REYES 10:18

Oyapouka vi mburuvicha guasu iguapɨka mborookuaía pegua elefante jäimbukugüe pegua, jare oñovauka oro oyeambae pe.

1 REYES 10:22

Echa barco Tarsis pegua mburuvicha guasu güɨnoi vae, Hiram imbae ndive yogüeru metei vese mboapɨ año pe, güeru reve oro, korepoti, elefante jäimbukugüe, machi jare pavo júguai puku ipara vae.

1 REYES 22:39

Opaete Acab regua jare opaete oyapogüe, mburuvicha jo elefante jäimbukugüe pegua, jare tëta guasu reta omopüagüe regua, oyekuatía oï tembikuatía pe, Israel pegua mburuvicha guasu reta regua oyekuatía oïa pe.

1 REYES 7:2

Omopüa vi o ombojee “Kaa Líbano” pe vae, kuae güɨnoi cuarenta y cinco metro pukugüe, jare ipɨgüe veintidó metro y medio, ɨvategüe trece metro y medio, kuae oñeñono irundɨ jɨsɨ okɨta ɨ̈vɨrare pegua, jese oguapɨ oyeasa vae ɨ̈vɨrare.

1 REYES 9:19

Jökoraiño vi omopüa ye opaete tëta guasu reta tembíu omboɨru pɨpe vae, jare käretou ñeraro pegua reta jenda, jare kavayu regua reta jëta, jare opaete Salomón ikɨ̈reɨ oyapo Jerusalén pe vae, Líbano pe jare opaete ɨvɨ güɨnoi ipo pe vae pe.

2 CRÓNICAS 8:6

jaeramiño vi tëta Baalat jare opaete ïru tëta guasu reta: Tembíu oñeñovatúa, opaete käretou ñeraro pegua reta jenda, kavayu regua reta jëta, jare opaete ikɨ̈reɨ omopüa Jerusalén pe vae, Líbano pe vae jare opaete ɨvɨ jae güɨnoi mbaepuere jese vae pe vae reta.

SALMOS 144:12

Oreraɨ reta, tokuakuaa ɨvɨra okuakuaa ramo vae rami, orerayɨ reta, okɨta oñeopa kavi mburuvicha guasu jo regua rami.

SALMOS 45:8

Opaete nderemimonde ikäti kavi mirra pe, áloe jare canela pe; temimbɨ reta tairari pegua pe ndembovɨakatu reta, mburuvicha jo elefante jäimbukugüe pegua pe.

CANTARES 1:10

¡Nderova omboaruanda nenamicha reta! ¡Ndeayu omboaruanda ndepoɨ reta!

CANTARES 4:1

Roaɨu vae, ¡ndekavi yae! ¡Oasa ete yé nepöra! Nderesa reta, pɨkasu jesa rami neäka-soia igüɨ pe; ndea reta, kavara reta ogüeyɨ Galaad pegua ɨvɨtɨ ikúa rupi vae rami.

CANTARES 4:4

Ndeayu, David pe oñemopüa maeka ɨvate vae, tembiporu ñeraro pegua jɨrurä vae rami. Jókuae re oyembosavava mil yeopiaka, jëia oñeraro vae reta iyeopiaka katuai.

CANTARES 4:5

Ndekambɨ reta, guasu chaguakiri, tüpa-ɨpɨ ipɨte rupi okaru rami.

CANTARES 6:5

¡Agüɨye mo emae mbatee cheré, echa nderesa pe chemoamɨri ko! Ndea reta, kavara reta ogüeyɨ Galaad pegua ɨvɨtɨ ikúa rupi vae rami.

ISAÍAS 54:4

Agüɨye ekɨɨye, ngaraa reñemomaraiuka; agüɨye nemara, ngaraa ndekura vae. Neakañɨta ndetaɨrusu yave nemara vae güi, jare nememano yave nemara vae güi.

Hebreos 5:14

ërei tembíu täta vae ko okuakuaa vae reta peguarä, oikatu ma omboyoavɨ ikavi vae ikavimbae güi vae reta peguarä.