CANTARES 4:11 - Biblia Guarani Tumpa Iñee

¹¹ ¡Chemenda ïrurä vae, nderembe ei rami, oime nekü igüɨ pe ei jare neche! ¡Líbano pe mbaepotɨ ipiche kavi otimbo rami, jökorai nderemimonde ikäti kavi otimbo!

CANTARES 4:11 Iomraidhean Croise

CANTARES 5:1

Che ayu cheko raɨ pe, chereindɨ, chemenda ïrurä vae. Aipɨɨ chembae mirra jare ikäti kavi vae, jau ei jenda güi, jau vino jare neche. Pe peyoaɨu vae, peu pepuere rupi.

CANTARES 7:9

ndeyuru, vino ikavigüe yae vae rami, jókuae jëe ngatu kavi oasa cherembe rupi jare cheräi rupi vae rami ko.

CANTARES 5:13

jova, temitɨ ikäti kavi vae jenda rami, ani mbaepotɨ ipiche kavi vae rami. Jembe, tüpa-ɨpɨ ipotɨ rami, jókuae ikäti kavi vae mirra oë chugüi rami.

GÉNESIS 27:27

Jacob oya katu jese jare oovapɨte; jare Isaac oëtu vi jemimonde, jare jei ñee kavi ikotɨ, jei reve: “Mase, cheraɨ ipiche renoi, kaa, yandeYa iporerekua jese vae ipichegüe renoi.

Hebreos 13:15

Jáeramo yamboete avei Tumpa Jesús rupi, kuae oipota jei yamboete Tumpa yandeyuru pe.

OSEAS 14:2

Peyu peYa kotɨ jare pere pemoñera reve: “Neɨ̈ro oreve opaete oreyoa re, ndepɨakatu oreve, mbaemboete romee ndeve vae re.

ISAÍAS 7:15

Jouta guara jare ei, yarakuaa katu regua, oikuaa regua güɨröɨro ikavimbae vae jare oiparavo ikavi vae.

CANTARES 4:3

Nderembe pɨ̈ta kavi, inimbo pɨ̈ta vae rami, neñee pöra yae. Nderova, granada ia iyɨvɨte rami neäka-soia igüɨ pe.

PROVERBIOS 16:24

Ñee yeaeä, ei rami ko, oporombovɨakatu jare oporomoingove katu.

PROVERBIOS 5:3

Echa kuña iyaguasa pota vae iñee jëe ngatu yae, iñee kaviasɨ, asaite iïchɨi kavi rami,

SALMOS 45:8

Opaete nderemimonde ikäti kavi mirra pe, áloe jare canela pe; temimbɨ reta tairari pegua pe ndembovɨakatu reta, mburuvicha jo elefante jäimbukugüe pegua pe.

SALMOS 19:10

¡Ipotaa yae ko oro güi, oasa yé ipotaa oro ikɨambae güi! ¡Jëeasɨ yae ei güi, ñana rupigua ei güi!

CANTARES 4:10

¡Ndeporoaɨu ikavi yae, chereindɨ, chemenda ïrurä vae! ¡Ndeporoaɨu jëe yae vino güi, jare neñemokätía ikavi yae opaete ïru ikäti kavi vae güi!

SALMOS 92:13

Temitɨ rami ñogüɨnoi yandeYa jo pe, yandeYa jo joka pe ipotɨ reta.

PROVERBIOS 5:2

Reñovatu vaerä yemboarakuaa, ndepuere vaerä nemiari arakuaa katu reve.