CANTARES 1:3 - Biblia Guarani Tumpa Iñee

³ ikäti kavi otimbo reñono ndeyé vae, nderee otimbo, mbae ikäti kavi vae oyepɨyere rami. ¡Jáeramo kuñatai reta nderaɨu yae!

CANTARES 1:3 Iomraidhean Croise

SALMOS 133:2

Mbae ikäti kavi vae opɨyere sacerdote iñäka re rami ko; iñäka güi osɨrɨ jañɨka-raa re; Aarón jañɨka-raa re, jare osɨrɨ jañɨka-raa rupi jemimonde re rami.

SALMOS 45:14

Temimonde oñemopöra kavi yae ndive oyererajata mburuvicha guasu jóvai, kuñatai reta ndeiño etei kuimbae ndive oasa vae yogüɨrajata jae ndive, jae reta ndive yogüeruta reïa pe.

ÉXODO 33:12

Jare Moisés jei yandeYa pe: —Mase, nde cheokuai ayangareko vaerä kuae reta re, jare mbaetɨ remombeu cheve kia ko remondota cherupíe vae. Ërei ngatu nde rere cheve rokuaa kavi yae ko vae, jare chekotɨ renoi mbɨakatu vae.

ÉXODO 33:19

Jayave yandeYa jei chupe: —Che aechaukata ndeve opaete chepɨakavi, nde rupi oñemoërakuata cheree, cheporopararekota che aipota vae re jare chepɨakavita che aipota vae re.

PROVERBIOS 27:9

Mbae ikäti kavi vae, yandemboyerovia ñaëtu yave, jökorai ko ikavi yae, vɨa-ïru güi yaendu yemboarakuaa vae.

ECLESIASTÉS 7:1

Ñanerërakua kavi vae ikavi yae ko, jókuae mbae ikäti kavi yae vae güi. Ñamano vae ikavi yae ko, jókuae ara yaa ramo vae güi.

CANTARES 3:6

¿Kia pa jókuae ñuu kotɨ güi tätatiecha opüa oyekuaa ou vae, mirra jare incienso omoätati güeru vae?

CANTARES 4:10

¡Ndeporoaɨu ikavi yae, chereindɨ, chemenda ïrurä vae! ¡Ndeporoaɨu jëe yae vino güi, jare neñemokätía ikavi yae opaete ïru ikäti kavi vae güi!

CANTARES 5:13

jova, temitɨ ikäti kavi vae jenda rami, ani mbaepotɨ ipiche kavi vae rami. Jembe, tüpa-ɨpɨ ipotɨ rami, jókuae ikäti kavi vae mirra oë chugüi rami.

CANTARES 5:5

Jayave apüa aipea öke, aaɨu vae pe. Chepo güi otɨkɨ ikäti kavi vae mirra, jare chepoäka güi osɨrɨ öke iyokendaka re ikäti kavi vae mirra.

CANTARES 6:8

Sesenta ko mburuvicha guasu imenda ïru, ochenta jembireko güɨrekoiño vae jare jeta kuñatai;

ISAÍAS 61:3

amee vaerä opaete Sión pe ipɨatɨtɨ ñogüɨnoi vae reta pe, oime vaerä mbaemboete, mbɨatɨtɨ jekovia pe, yerovia katu toñemee mbae ikäti vae rami temimonde mbɨatɨtɨ pegua jekovia pe; asoya yerovia pegua, mbɨatɨtɨ jekovia pe. Jare oyembojeeuka retata: “Ɨvɨra jupi vae”, yandeYa jemitɨ, jae iyemboetea peguarä.

San Mateo 25:1

Araɨgua mborookuaía, payandepo kuñatai ndei kuimbae ndive oasa vae reta imechero reve reve yogüɨraja oövaiti kuimbae omendata vae rami ko.

San Juan 12:3

Jayave María güeru medio kilo mbae ikäti kavi vae nardo jee vae jepɨ yae vae jare opɨyere Jesús ipɨ re. Jare omotini ia pe. Jare opaete o tɨnɨe ikäti kavi.

2 Corintios 11:2

Cherägüɨro peré, Tumpa jägüɨro rami. Echa pomee ma Cristo pe imenda ïrurä, poñono vaerä jóvai metei kuñatai ndeiño etei oasa kuimbae ndive vae rami.

Filipenses 4:18

Ërei che opaete mbaembae amboresive. Mbaetɨ mbae oata cheve. Echa amboresive ma Epafrodito güi pembou cheve vae. Jókuae pembou vae metei mbota ipiche katu vae oñemee Tumpa pe vae rami ko. Jókuae omboyerovia Tumpa vae.

Apocalipsis 14:4

Jae reta mbaetɨ oyemongɨa kuña reta ndive. Echa mbaetɨ etei oasa reta kuña ndive. Jae reta yogüɨraja Vecha kuimbae taɨrusu vae ndive kerupi ojoa rupi. Kuae reta ko Cristo oepɨ ɨvɨ pegua reta ipɨte güi vae. Jae reta ko mbaagüɨye rɨpɨ rami Tumpa jare Vecha kuimbae taɨrusu vae peguarä.