Apocalipsis 9:5 - Biblia Guarani Tumpa Iñee

⁵ Jare oñemee tuku reta pe agüɨye vaerä oporoyuka, ërei oiporaraukata pandepo yasɨ rupi. Jare iporoöpi jasɨ yaeta tumɨkarape iporoöpi jasɨ yae rami.

Nuevo Testamento Guaraní Pe

⁵ Jare oñemee tucu reta pe oiporarauca vaera ɨvɨ pegua reta pe cinco yasɨ pegua. Tucu reta ngaraa oporoyuca. Jaeño jasɨ yaeta ɨvɨ pegua reta pe, metei tumɨcarape ñaneopi yave jasɨ yae ñandeve rami.

Apocalipsis 9:5 Iomraidhean Croise

2 CRÓNICAS 10:11

cheru peokuaiasɨ katu, ërei che amoïruta peve jókuae yeokuaiasɨ katu, cheru penupa musura pe, ërei che ponupata jätinguru jiero pegua pe vae pe.”

2 CRÓNICAS 10:14

jare taɨrusu reta yemboarakuaa omee chupe vae rupi jei: “Cheru ombojeiete yae iporookuai, ërei che amoïru yeta peve jókuae mborookuai; cheru penupa musura pe, ërei che ponupata jätinguru yae vae jiero pegua pe.”

JOB 2:6

Jare yandeYa jei Satanás pe: —Mase, ko jae oï ndepo pe, ërei chupe etei agüɨye mbae eyapo.

EZEQUIEL 2:6

Nde kuimbae, agüɨye eipoɨu chugüi reta ani ekɨɨye iñee reta güi, yepe tëi reï ñairaka ani ñurati pɨte pe rami, ani reiko tumɨkarape oporoöpi vae ipɨte pe rami. Agüɨye ekɨɨye iñee reta güi ani taneiämondo reta, echa ipɨapochɨ vae reta ko.

DANIEL 7:6

Mboapɨa mbaeporou jae ko yaguapara rami, ërei güɨnoi irundɨ ipepo ikupe re; aecha vi güɨnoi irundɨ iñäka jare oñemee chupe mbaepuere.

San Juan 19:11

Jesús jei chupe: —Ngaraa tëi mbaepuere renoi cheré, Tumpa omaeñoä nderé yave. Jáeramo chemee ndeve vae iyoa yae ma ko.

Apocalipsis 11:7

Jare opa ma Tumpa regua omoërakua yave, jókuae mbaeporou ɨvɨkua guasu güi oë vae oñerarota ikotɨ reta jare omoamɨri retata jare oyukata.

Apocalipsis 13:5

Oñemee vi chupe jei vaerä mbae tuichagüe jare ñee ikavimbae vae Tumpa kotɨ. Oñemee chupe mbaepuere oyapo vaerä jókuae ikavimbae cuarenta y dos yasɨ.

Apocalipsis 13:7

Jare Tumpa omaeño jese oñeraro vaerä oporogüɨrovia vae reta kotɨ jare omoamɨri vaerä. Oñemee vi chupe mbaepuere opaete ñemuña, tëta reta, ñee ambuae mbuae jare tëtaguasu reta re.

Apocalipsis 9:10

Jare tuku reta júguai tumɨkarape juguaiecha. Jare júguai pe güɨnoi ipɨ̈pia. Jare güɨnoi mbaepuere oiporarauka vaerä ɨvɨ pegua reta pe pandepo yasɨ pegua.

Apocalipsis 9:3

Jare jókuae tätati güi oë tuku reta ɨvɨ iárambo. Jare oñemee chupe reta mbaepuere tumɨkarape oporoöpi vae rami.