Apocalipsis 8:3 - Biblia Guarani Tumpa Iñee

³ Jayave ou ïru araɨgua oyemboɨ mɨmba oyeyukagüe oyeapɨ jese vae jóvai, jare güɨnoi ikäti kavi vae incienso oyeapɨ pɨpe vae oro pegua. Jare oñemee araɨgua pe jeta ikäti kavi vae incienso, omoïru vaerä oporogüɨrovia vae reta iyerure oï ikäti kavi vae incienso oyeapɨ jese vae oro pegua re. Jókuae mburuvicha iguapɨa jóvai oï vae.

Nuevo Testamento Guaraní Pe

³ Jare ou iru araɨgua oñemboɨ mbae ipiche cavi vae imesa iyɨpɨ pe, jare güɨnoi mbae ipiche cavi vae jɨru oro pegua vae. Jare oñemee araɨgua pe jeta mbae ipiche cavi vae, araɨgua güɨrocuavee vaera Tumpa pe opaete oñeñono tee Tumpa peguara vae reta iyerure reta reve jocuae mbae ipiche cavi vae imesa oro pegua vae pe. Echa jocuae mesa oi Tumpa iguapɨa jóvai.

Apocalipsis 8:3 Iomraidhean Croise

1 REYES 7:50

kopa reta, mecha oyetɨo pɨpe vae, tasa reta, kuchara raɨ reta, ikäti kavi vae incienso oyeapɨ pɨpe vae, oro oyeambae pegua. Oro pegua vi visagra reta tupao japɨpe oñeñono tee kavi yae vae jöke regua reta, jare tupao jöke regua vi.

SALMOS 141:2

Cheyeyure tojo nderóvai ikäti kavi vae incienso rami, jare chepo aupi vae, kaaru yave mbota oñemee ndeve vae rami.

ÉXODO 40:26

Oñono vi ikäti kavi vae incienso oyeapɨ jese vae oro pegua tupao guakapi pegua japɨpe, asoya o imboyaoa jóvai,

ISAÍAS 6:6

Jare metei araɨgua serafín oveve ou chekotɨ, ipo pe güɨnoi metei tätapɨi jendɨ reve, mɨmba oyeyuka oyeapɨ jese vae güi oekɨ metei tenasa pe vae;

EZEQUIEL 41:22

Ikäti kavi vae incienso oyeapɨ jese vae ɨvɨra pegua, güɨnoi metro y medio ɨvategüe jare metei metro ipɨgüe. Güɨnoi ekina reta, jare iguapɨka jare iyɨke yɨke ɨvɨra pegua, jare jei cheve: “Jae ko kuae mesa yandeYa jóvai oï vae.”

AMÓS 9:1

Aecha yandeYa oï mɨmba oyeyuka oyeapɨ jese vae iárambo, jare jei: “Eitɨ okɨta reta jare tokana öke iguapɨka ave; jare o tosururu opaete vae iárambo; chugüi reta jembɨregüe ayukata kɨsepuku pe; mbaetɨta kia otekuarai jare ojoyepe vae.

MALAQUÍAS 1:11

Opaete tëtaguasu ñavo rupi chemboete, jare oipota rupi kuae ɨvɨ pe oapɨ reta ikäti kavi vae incienso cheree re jare omee reta mbota ikavi vae cheve, echa cheree jërakua opaete tëtaguasu reta rupi.

NÚMEROS 4:11

Ikäti kavi vae incienso oyeapɨ jese vae oro pegua iárambo toñono reta temimonderä vae vecharaagüe pegua jovɨü vae jare toyasoi reta mɨmba pire ikavi yae vae pe, jare toñono reta jese iɨ reta.

San Lucas 1:10

Jare jeta Israel pegua reta yatɨ oyerure ñogüɨnoi tupao joka pe, Zacarías oapɨ oï ramboeve ikäti kavi vae incienso.

Romanos 8:34

¿Kia pa ko jae oporojäata vae? Cristo ko omano jare oikove ye vae, jare oime oï Tumpa iyakatu kotɨ vae. Jae etei oyerure Tumpa pe yanderé vae.

Hebreos 7:25

Jáeramo, jae ipuere omboasa jekuae avei pegua, opaete oya jae rupi Tumpa re vae reta, echa oiko avei oyerure vaerä Tumpa pe jese reta.

Hebreos 9:4

joko pe oï tätapɨirɨru oro pegua, käjou morogüɨrökuavee päve pegua oro pe oñeova vae, metei yapepo oro pegua maná oï pɨpe vae, Aarón ipopoka jokɨ vae jare itape reta morogüɨrökuavee päve güɨnoi vae.

Apocalipsis 10:1

Jare aecha ogüeyɨ ara güi araɨgua imbaepuere yae vae oñeova amapɨtu pe jare iñäka re yɨɨ, jova jembipeasɨ kuaraɨ rami jare itɨma reta tata jɨsɨ vae rami.

Apocalipsis 14:18

Jare ïru araɨgua oë mɨmba oyeyukagüe oyeapɨ jesea güi güɨnoi mbaepuere tata re vae, jae oenɨi osapúkai reve araɨgua hoz jaimbe vae güɨnoi vae, jei reve: “¡Eiporu hoz jaimbe vae renoi vae jare eipoo ɨvɨ pegua uva reta, echa yagüɨye ma!”

Apocalipsis 5:8

Jare tembikuatía güɨnoi ma yave, jókuae irundɨ oikove vae reta jare jókuae veinticuatro tenondegua okuakuaa vae reta oyetavatɨka Vecha kuimbae taɨrusu vae jóvai. Metei ñavo güɨnoi arpa jare kopa oro pegua tɨnɨe ikäti kavi incienso, jae ko oporogüɨrovia vae reta iyerure;

Apocalipsis 6:9

Jare Vecha kuimbae taɨrusu vae oipea tembikuatía imboyaa pandepoa yave, aecha mɨmba oyeyukagüe oñemeea iyɨpɨ pe Tumpa iñee jeko pegua oyeyukauka vae reta jekove, jare omombeu Tumpa iñee ïru vae reta jeko pegua.

Apocalipsis 7:2

Jare aecha ïru araɨgua ou kuaraɨ oëa kotɨ güi, jare jókuae güeru Tumpa oikove vae oporomokañɨmaa pɨpe vae. Jare iñeeäta reve jei jókuae irundɨ araɨgua reta oñemee mbaepuere güɨrokomegua vaerä ɨvɨ jare ɨguasu vae pe,

Apocalipsis 8:4

Jare araɨgua ipo güi ikäti kavi vae incienso jätati oyeupi oporogüɨrovia vae reta iyerure ndive Tumpa jóvai.

Apocalipsis 8:5

Jayave araɨgua oipɨɨ ikäti kavi vae incienso oyeapɨ pɨpe vae jare omotɨnɨe tätapɨi jendɨ vae pe mɨmba oyeyuka oyeapɨ jese vae güi, jare omombo ɨvɨ re, jare oyeendu ararɨapu, ñee reta, ama-vera jare ɨvɨkana.

Apocalipsis 9:13

Jayave araɨgua ovaa omoñee mimbɨguasu, jare aendu ñee Tumpa jóvai oï ikäti kavi vae incienso oyeapɨ jese vae oro pegua re guakarätiecha oï vae ipäu güi;