Apocalipsis 7:16 - Biblia Guarani Tumpa Iñee

¹⁶ Ngaraa ye ma iyɨmbɨaɨ ani iɨuve reta, ani jasɨ chupe reta kuaraɨ, ani araku chupe reta;

Nuevo Testamento Guaraní Pe

¹⁶ Ngaraa ye ñɨmbɨaɨ reta. Ngaraa ye iyúe reta. Ngaraa ye jasɨ chupe reta cuaraɨ.

Apocalipsis 7:16 Iomraidhean Croise

SALMOS 121:5

YandeYa ko jae ndeangarekoa, jae ko oï ndeɨpɨ pe ndemborɨ vaerä.

SALMOS 121:6

Kuaraɨasɨ ngaraa ndeaporai, ani yasɨ ngaraa maratu ndeapo.

SALMOS 143:6

Amopüa chepo ndekotɨ, roeka, ɨvɨ otini yae vae oeka ɨ rami.

SALMOS 42:2

Cheɨuve yae rami ndekotɨ cheTumpa, nde, cheTumpa oikove vae. ¿Kërai yave ra aïta cheTumpa jóvai?

SALMOS 63:1

¡CheRu Tumpa, nde ko jae cheTumpa! Ndei köe mbove roekata, echa cheɨuve yae rami nderé, cherete etei ndereeka, ɨvɨ otini jare ɨ mbaetɨa pe rami.

CANTARES 1:6

Agüɨye pemae cherúndai ko vae re, echa kuaraɨ ko cherapɨ. Chekɨvɨ reta ko pochɨ cheve, javoi chemondo ayangareko vaerä uvarupa re, ¡ërei chembae re ae mbaetɨ ma ayangareko!

ISAÍAS 25:4

Echa, nde ko jae paravete vae iñepɨ̈roka, nde reepɨ oiporara oï vae, okɨrai yave nde ko ñemía, araku yae yave nde ko küaraɨa. Echa kuimbae ipɨapochɨ vae reta iyarasɨ, okɨrai vae oa ovapetea re vae rami ko.

ISAÍAS 32:2

Jókuae mburuvicha guasu oïta ɨvɨtuai güi ñañemi jese vae rami, ani okɨrai vae güi ñañemi pɨpe vae rami, ani ɨvɨ otinía pe oime ɨ̈aka raɨ rupi ɨ vae rami, ani ɨ̈vavira iküaraɨa araku yaea pe oï vae rami.

ISAÍAS 41:17

Paravete vae reta oeka tëi ɨ, ërei mbaetɨ oväe. Ikü otini iɨuve güi; ërei che, peYa ayemoambekota jese reta, che, Israel iTumpa, ngaraa aeya reta.

ISAÍAS 49:10

‘Mbaetɨta peyɨmbɨaɨ ani peɨuve yepe, araku ani kuaraɨ ave mbaetɨta peaporai, echa che poaɨu jare che ko pogüɨroatata, pogüɨrajata ɨesaɨ katuaía rupi.

ISAÍAS 65:13

Jáeramo, yandeYa jei: “Mase, cherembiokuai reta oime jou vaerä, ërei pe reta pekaruaita; jae reta oime oɨu vaerä, ërei pe reta peɨuveta; jae reta oyeroviata, ërei pe reta peñemomaraiukata;

JONÁS 4:8

Jare kuaraɨ oë ma ou yave, Tumpa ombou ɨvɨtuakuvo täta yae vae, jare kuaraɨ omombaerasɨ Jonás iñäka pe, oyuka seri, jare oipotaecha omano, jei körai: —Ikavi ndipo amano, aikove aiko vae güi.

San Mateo 13:21

Ërei kuae temitɨ japo mbaetɨ mombɨrɨ ojo ɨ́vɨkotɨ ramo mbaetɨ ɨma oiko. Echa, oime mbɨatɨtɨ ani tembiporara Tumpa iñee jeko pegua yave, jupiveiño ogüɨapi.

San Mateo 13:6

Ërei kuaraɨ jasɨ yave, opa ipiru; japo matɨä ɨ́vɨkotɨ ojo ramo, otini.

San Mateo 5:6

Oyerovia ko yɨmbɨaɨ jare iɨuve rami mbaejupi re vae reta. Echa Tumpa omeeta chupe reta.

San Marcos 4:17

Ërei kuae reta jókuae temitɨ japo matɨä ɨ́vɨkotɨ ojo vae jarembae ipiru rami ko. Jáeramo tembiporara reta ou chupe reta ñee ikavi vae jeko pegua yave, jupiveiño ogüɨapi reta.

San Marcos 4:6

Ërei kuaraɨ jasɨ yave opa ipiru, japo matɨä ɨ́vɨkotɨ ojo ramo, otini.

San Lucas 1:53

Omoangapɨɨ iyɨmbɨaɨ vae reta mbaembae pe. Ërei oikokatu vae reta omondo ipogüɨrai.

San Lucas 6:21

Peyerovia añave peyɨmbɨaɨ vae reta. Echa peangapɨɨta. Peyerovia añave peyaeo vae reta. Echa pepukata.

San Juan 4:14

Ërei che ameeta jou ɨ vae, ngaraa etei iɨuve ye. Echa jókuae ɨ che ameeta chupe vae, oyeapota iyɨvɨte pe metei ɨkua jesaɨ vae rami, tekove opambae vae peguarä.

Santiago 1:11

Kuaraɨ oë jare jakuvo yae yave, ñana ipiru, ipotɨ opa osururu jare ipöra okañɨtei. Jökorai ko oikokatu vae okañɨtei imbaembae ipɨte pe.

Apocalipsis 21:4

Jare Tumpa oyoeta opaete jesaɨ reta. Ngaraa ye kia omano, ani ipɨatɨtɨ, ani oyaeo ani mbae jasɨ. Echa mbaembae tenonde oiko vae opa ma oasa.”