Apocalipsis 6:8 - Biblia Guarani Tumpa Iñee

⁸ Amae jare aecha metei kavayu iyu vae. Jare opo kavayu re vae jee ko Mano. Jare Omanogüe reta jenda oiko Mano jaɨkue. Jare oñemee chupe reta mbaepuere jeta yeyé ɨvɨ pegua reta re, ipuere vaerä oyukauka reta ñeraro rupi, karuai pe, mbaerasɨ pɨ̈chɨi pe jare mɨmba pochɨ vae reta pe.

Nuevo Testamento Guaraní Pe

⁸ Jare aecha iru cavayu. Erei cuae cavayu iyu vae. Jare opo cavayu re vae jee co Mano. Jare Cañɨtei jee vae ojo Mano jee vae jaɨcue. Jare oñemee chupe reta mbaepuere jeta ye ye ɨvɨ pegua reta re, ipuere vaera oyucauca reta quɨsepucu pe jare caruai pe jare mbaerasɨ pe jare maemɨmba pochɨ vae reta pe.

Apocalipsis 6:8 Iomraidhean Croise

PROVERBIOS 5:5

Jupíe ojo vae güɨraja mano kotɨ; oporogüɨraja omanogüe reta ñogüɨnoia kotɨ.

ISAÍAS 25:8

jae ko mano, yandeYa omboaita jekuae avei pegua vae, jare oyoeta opaete vae jesaɨ, jare omboaita ɨvɨ iárambo güi, tëta imbae vae iñemomarai. YandeYa ko jei jökorai.

JEREMÍAS 14:12

Yepe tëi oyekuaku reta tembíu güi, che ngaraa aendu chupe reta iyerure; yepe tëi omee reta mɨmba oyeyukagüe opaetei oyeapɨ vae ani mbota reta, ngaraa amboresive chugüi reta, jaeño amokañɨtei retata ñeraro rupi, karuai jare mbaerasɨ ovakatu vae rupi.”

JEREMÍAS 16:16

YandeYa jei: “Ambouta jeta yeporaka regua reta, oyeporaka reta vaerä Israel iñemuña reta re. Jaɨkue rupi ambouta jeta maepïaro regua reta, oipïaro vaerä Israel iñemuña reta opaete ɨvɨtɨ guasu reta rupi, jɨsɨ rupi ani ɨ̈vavira oyeka vae ipäu rupi.

JEREMÍAS 16:4

Mbaerasɨ yavaetegüe oyuka retata, jare mbaetɨta kia oäpiro reta, mbaetɨta vi kia oñotɨ reta vaerä: Oyoata ɨvɨ rupi tepoti rami. Ñeraro jare karuai opata omokañɨtei reta, jetegüe opata jou chucha reta jare mbaeporou reta.”

JEREMÍAS 24:10

Amondota chupe reta ñeraro, karuai jare mbaerasɨ ovakatu vae, opaetei okañɨ reta regua, ɨvɨ che amee chupe reta jare iñemuñagüe reta pe vae güi.”

JEREMÍAS 29:17

‘Che, peYa Imbaepuere yae ete vae jae: Ambouta peve ñeraro, karuai jare mbaerasɨ ovakatu vae. Poapota ɨva ichuumbigüe ikaviä etei oyeu vaerä vae rami.

JEREMÍAS 43:11

Jae outa omboai ɨvɨ Egipto. Oyembojee omano vaerä vae, omanota; oyembojee iɨvɨ güi oyereraja vaerä vae, oyererajata; oyembojee ñeraroa pe omano vaerä vae, joko pe omanota.

EZEQUIEL 29:5

Jare romombota ñuu pe, opaete jókuae ɨ pegua pira reta ndive, ɨvɨ ipombae pe reata reo, ngaraa kia ndereupi neotɨ vaerä. Mbaeporou reta jare uruapúa reta opata ndereu.

EZEQUIEL 5:12

mbɨte seri ndegüi omanota mbaerasɨ ovakatu vae rupi jare karuai pe; jare jembɨregüe mbɨte rupi tovaicho reta opata oyuka; jare jembɨregüe opata amoai moai oipota rupi. Che ajata jaɨkue reta metei kɨsepuku ndive chepo pe.

OSEAS 13:14

¿Mano güi etei pa apɨ̈ro yeta? ¿Aepɨta pa mano güi? ¿Ketɨ pa oime oï mano imbaepuere oporomokañɨtei vae? ¿Tëogüe-rɨru, ketɨ pa oime ñogüɨnoi neporomokañɨtei? ¡Mbaetɨta ma aiparareko reta!”

HABACUC 2:5

Mbaepuere oipota vae oporombotavɨ ko, kuimbae ipɨapochɨ vae ngaraa oiko avei, oeka reta ikueraimbae reve, jare oipota ye. Iyuru, tëogüe-rɨru rami; yangapɨɨmbae ko, mano rami, jáeramo oë opɨ̈ro opaete tëtaguasu reta.

ZACARÍAS 6:3

mboapɨa käretou omoata kavayu tïi vae reta, jare irundɨa käretou omoata kavayu ipara jare iñäkua yae vae.

San Mateo 11:23

Jare nde Capernaum, ndeyemongeta pe tuichagüe yae ko reï. Ërei reyemomboukata omanogüe reta ñogüɨnoia pe. Echa mɨakañɨ reta ayapo pepɨte pe vae, ayapo yave mona Sodoma pe, oimeñota tëi ko añave rupi.

San Mateo 24:7

Echa opüata oyoe tëtaguasu ïru tëtaguasu ndive jare mborookuaía ïru mborookuaía ndive, jare oimeta mbaerasɨ ovakatu vae, karuai reta jare ɨvɨkana oipota rupi.

1 Corintios 15:55

Mano ¿ketɨ pa aipo reï? ¿ketɨ pa oime nepɨ̈pia reporomoamɨri pɨpe vae?”

Apocalipsis 1:18

che ko jae oikoño mai vae. Amano, ërei, mase, añave aikove jekuaekuae avei rupi. ¡Amén! Jare che anoi mbaepuere mano jare omanogüe reta ñogüɨnoia re.

Apocalipsis 12:4

Jare júguai pe ombotɨrɨrɨ mbɨte seri yasɨtata reta, jare omombo ɨvɨ re. Jare jókuae mbaeporou guasu oyemboɨ kuña imembɨ oata oï vae jóvai, opa vaerä jou imembɨ chugüi oa rupive.

Apocalipsis 9:15

Jayave oyora jókuae irundɨ araɨgua reta. Jae reta oñemokätɨro ma mbae año, yasɨ, ara jare ora pe oyuka vaerä mbɨte seri ɨvɨ pegua reta.

Apocalipsis 9:18

Jare tata jare tätati jare azufre kavayu reta iyuru güi oë vae oyuka mbɨte seri ɨvɨ pegua reta.