Apocalipsis 5:6 - Biblia Guarani Tumpa Iñee

⁶ Jare aecha metei Vecha kuimbae taɨrusu vae oyeyukagüe rami vae. Oyemboɨ oï jókuae tenda jare jókuae irundɨ oikove vae reta ipäu pe, tenondegua okuakuaa vae reta ipäu pe. Jae güɨnoi chiu jäti jare chiu jesa jae ko Espíritu Santo chiu jembiapo vae opaete ɨvɨ rupi oyemondo vae.

Nuevo Testamento Guaraní Pe

⁶ Jare aecha metei Vecha-raɨ. Oyeyucauca echa cheve. Oñemboɨ oi jocuae guapɨa jare jocuae irundɨ mbaembae oicove vae reta ipau pe, jocuae araɨgua reta itenondegua reta ipɨte pe. Jae güɨnoi siete jati jare siete jesa - jae co jocuae siete araɨgua Tumpa jemimbota oyapo vae reta opaete ɨvɨ rupi oñemondouca vae.

Apocalipsis 5:6 Iomraidhean Croise

2 CRÓNICAS 16:9

Echa yandeYa omae opaete ɨvɨ re, jae omborɨ ipɨa jupi rupi oiko chupe vae. ¡Kuae reyapo iyarakuaambae rami! Echa kuae güi tenonde kotɨ oimeta ndekotɨ jeta ñeraro.”

DANIEL 7:14

Jare oñemee chupe mbaepuere, yemboetea jare mborookuaía, jare opaete ketɨgua tëtaguasu reta jare ïru ñee pe imiari vae reta oyeokuai chupe. Imbaepuere jekuae avei ko, jare iporookuaía ngaraai oyemboai.

DANIEL 8:3

Amopüa cheäka amae yave aecha metei vecha kuimbae oï ɨ̈aka jembeɨ pe. Güɨnoi mókoi jäti puku vae, ërei metei jäti puku yae jókuae ïru güi, taɨkue oë, ërei puku yae okuakuaa.

MIQUEAS 4:13

¡Tëta guasu Sión, epüa jare embaembopiriri!, echa Tumpa jei: “Roapota toro ipɨ̈rata yae vae rami, toro jäti jiero rami jare ipɨ̈sa jiero iyu vae rami; remoamɨri vaerä jetagüe tëta guasu reta, jare reñono teeta cheve, jae reta opɨ̈rogüe, imbaeyekou reta reñono teeta opaete ɨvɨ iYa pe.”

HABACUC 3:4

Jembipe, köe jembipe ou rami, ipo güi overa jembipeasɨ, jökorai omboyekuaa imbaepuere güɨnoi vae.

ZACARÍAS 3:9

Echa, ko Josué jóvai añono ita; kuae ita jaevaeño vae güɨnoi chiu iyɨke; mase, ko che aikuatiata jei yandeYa Imbaepuere yae ete vae, jare ɨvɨ pegua reta iyoa aekɨta metei ara pe.

ZACARÍAS 4:10

“Echa jókuae ara oyemboɨpɨ ramo yave mbaeä etei omae jese vae reta oyeroviata, jare oecha retata Zorobabel ipo pe güɨnoi plomada.” Kuae jaɨkue rupi araɨgua jei ye: “Kuae chiu mechero vae reta jae ko yandeYa jesa omae opaete ɨvɨ re vae.”

San Lucas 1:69

Jae ombou yandeve jembiokuai David iñemuña pegua metei Oporogüɨroasayepe vae imbaepuere yae vae.

San Juan 1:29

Pɨareve pe Juan oecha Jesús ou ikotɨ jare jei: “Mase, kuae ko jae Tumpa iVecha kuimbae taɨrusu vae. Omboai opaete ɨvɨ pegua reta iyoa vae.

San Juan 1:36

Jare oecha Jesús oasa jokoropi yave jei: —Mase, kuae ko jae Tumpa iVecha kuimbae taɨrusu vae.

Hechos 8:32

Jare jókuae Tumpa Iñee omongeta vae jae kuae: “Vecha rami oyererajauka oyeyuka vaerä. Jare vecha kuimbae taɨrusu mbaetɨ jäse iñapía reta ipo rami, mbaetɨ etei iñee omoë.

Apocalipsis 1:4

Che Juan aikuatía kuae tupapire chiu tëta reta Asia pegua pe peporogüɨrovia vae reta pe, Tumpa ipɨakavi jare ipɨakatu pemboresive, jae ko iyɨpɨ güive, añave jare outa vae, jare chiu espíritu vae, Tumpa iguapɨa jóvai oï vae

Apocalipsis 12:11

Jare yanderɨvɨ reta omoamɨri Satanás Vecha kuimbae taɨrusu vae jugüɨ rupi jare Tumpa iñee omoërakua reta vae rupi, ërei jae reta mbaetɨ güɨrokɨɨye jekove, mbaetɨ etei okɨɨye reta omano regua.

Apocalipsis 13:8

Jare omboete opaete ɨvɨ pegua reta jee mbaetɨ oyekuatía oï Vecha kuimbae taɨrusu vae jembikuatía tekove opambae vae pegua pe vae. Vecha kuimbae taɨrusu vae oyeyukauka ko ndei ɨvɨ oyeapo mbove.

Apocalipsis 14:1

Jaɨkue rupi amae jare aecha Vecha kuimbae taɨrusu vae oyemboɨ oï ɨvɨtɨ Sión re. Jae ndive ciento cuarenta y cuatro mil vae reta. Jae reta jesɨva re oyekuatía oï Vecha kuimbae taɨrusu vae jee jare Tu jee.

Apocalipsis 17:14

Kuae reta oñerarota Vecha kuimbae taɨrusu vae ndive; ërei Vecha kuimbae taɨrusu vae omoamɨri retata. Echa Vecha kuimbae taɨrusu vae jae ko Imbaepuere yae ete mbaepuere güɨnoi vae reta güi vae jare mburuvicha guasu reta Juvicha guasu, jare jae ndive ñogüɨnoi vae, oñeenɨi vae reta, oyeparavogüe jare jupi vae reta.”

Apocalipsis 21:22

Jókuae tëta guasu pe mbaetɨ etei aecha tupao. Echa yandeYa Tumpa Imbaepuere yae vae jare Vecha kuimbae taɨrusu vae jae reta etei joko pe tupao.

Apocalipsis 21:23

Jare jókuae tëta guasu mbaetɨ oeka kuaraɨ ani yasɨ omoembipe vaerä. Echa Tumpa jare Vecha kuimbae taɨrusu vae etei omoembipe.

Apocalipsis 22:1

Jayave araɨgua oechauka cheve ɨ̈aka ikɨambae ɨ tekove pegua, jësakaasɨ vidrio rami, oë Tumpa jare Vecha kuimbae taɨrusu vae iguapɨa güi.

Apocalipsis 22:3

Jare ngaraa ye ma oime yepopeyu. Echa Tumpa jare Vecha kuimbae taɨrusu vae iguapɨa oïta joko pe, jare jembiokuai reta oyeokuaita chupe.

Apocalipsis 4:8

Jare metei ñavo jókuae irundɨ oikove vae reta, güɨnoi ova ipepo, jare ipepo iárambo jare igüɨ rupi güɨnoi jeta jesa. Jare ikueraiä jei reta ara rupi jare pɨ̈tu rupi: “¡Iyoambae, iyoambae, iyoambae ko yandeYa Tumpa Imbaepuere yae ete vae, jae ko iyɨpɨ güive, añave jare outa vae!”

Apocalipsis 5:11

Amae jare aendu jeta araɨgua reta iñee jókuae tenda mborookuaía pegua, oikove vae reta jare jókuae tenondegua okuakuaa vae reta iyɨ́vɨri rupi. Jare jókuae araɨgua reta jeta yeyé,

Apocalipsis 5:12

jare jei reta iñeeäta reve: “Vecha kuimbae taɨrusu vae oyeyukauka vae jupi ko güɨnoi vaerä mbaepuere, mbaeyekou, arakuaa, mɨ̈rata, yemboete, yemboetea jare mbaemboete.”

Apocalipsis 5:13

Jayave opaete ara pe, ɨvɨ pe, ɨvɨgüɨ pe jare ɨguasu pe ñogüɨnoi vae reta aendu jei: “Jókuae mburuvicha iguapɨa pe oguapɨ oï vae jare Vecha kuimbae taɨrusu vae, togüɨnoi mbaemboete, yemboete, yemboetea jare mbaepuere jekuaekuae avei rupi.”

Apocalipsis 5:14

Jayave jókuae irundɨ oikove vae reta jei: “Amén” Jare jókuae veinticuatro tenondegua okuakuaa vae reta oyetavatɨka itindɨasɨ reve omboete oiko jekuaekuae avei rupi vae.

Apocalipsis 6:16

jare jei reta ɨvɨtɨ reta jare ɨ̈vavira reta pe: “¡Pea oreré, oreomi pea mburuvicha iguapɨa pe oguapɨ vae jóvai güi jare Vecha kuimbae taɨrusu vae iyarasɨ güi!”

1 SAMUEL 2:10

YandeYa omoamɨrita jovaicho reta, yavaete yaeta ama-tiriri rami. YandeYa ojäata opaete ɨvɨ pegua reta; omeeta mbaepuere jae oiparavo mburuvicharä vae pe jare jae ombotuichata imbaepuere.”