Apocalipsis 4:9 - Biblia Guarani Tumpa Iñee

⁹ Jare jókuae oikove vae reta omboete, omee yasoropai jókuae tenda pe oguapɨ vae oiko jekuaekuae avei rupi vae pe yave,

Nuevo Testamento Guaraní Pe

⁹ Jare jocuae mbaembae oicove vae reta omboete jocuae guapɨa pe oguapɨ vae jecuaeño oico vae, jare omee yasoropai chupe.

Apocalipsis 4:9 Iomraidhean Croise

SALMOS 47:8

¡Tumpa jae ko mburuvicha guasu tëtaguasu reta re! ¡Oguapɨ iguapɨa ikɨambaea mborookuaía pegua pe!

SALMOS 48:14

echa kuae Tumpa jae ko, oiko avei ñaneTumpa jekuae avei pegua vae. ¡Jae ko yandererajata kutɨ yé mano güi!

ÉXODO 15:18

¡YandeYa oporookuaita iyapɨmbae jare jekuae avei!”

ISAÍAS 6:1

Jókuae año mburuvicha guasu Uzías omano yave, che aecha yandeYa oguapɨ oï metei mburuvicha guasu iguapɨka ɨvate jare ipöra yae vae pe; jare jemimonde jembeɨ omotɨnɨe oñemoai tupao pe.

DANIEL 12:7

Jare aendu kuimbae ɨ iárambo oyemboɨ oï vae, jemimonde lino pegua vae iñee, jae omopüa ipo reta ara kotɨ, jare jei oikove avei vae jee re: ‘Mboapɨ año y medio rupi, tëta oñeñono tee vae imbaepuere oyemboai oiko vae iyapɨ ma yave outa oyembopo opaete kuaekuae reta.’

DANIEL 4:34

“Ërei ara reta oyepapa oï vae iyapɨ ma yave, che Nabucodonosor amae ara kotɨ, jare ou akuera ye vaerä; jayave amboete Tuichagüe yae ete vae, jare ambotuicha oikove avei vae körai: ‘Imbaepuere jare iporookuaía opambae vae.

DEUTERONOMIO 32:40

Che aupita chepo ara kotɨ, jare tae cheyé aeño peve:

Hebreos 7:25

Jáeramo, jae ipuere omboasa jekuae avei pegua, opaete oya jae rupi Tumpa re vae reta, echa oiko avei oyerure vaerä Tumpa pe jese reta.

Hebreos 7:8

Jare kuae ɨvɨ pe Israel pegua reta omee payandepo güi metei sacerdote reta pe, yepe tëi jókuae sacerdote reta omano vae ko. Ërei Tembikuatía pe jei kërai Melquisedec oikoveño vae rami.

Apocalipsis 1:18

che ko jae oikoño mai vae. Amano, ërei, mase, añave aikove jekuaekuae avei rupi. ¡Amén! Jare che anoi mbaepuere mano jare omanogüe reta ñogüɨnoia re.

Apocalipsis 10:6

jare jei jekuaekuae avei rupi oiko vae jee re; oyapo ara jare opaete ipo reta vae; ɨvɨ jare opaete ipo reta vae, ɨguasu jare opaete ipo reta vae, jei: “Opa ma ara,

Apocalipsis 15:7

Jare jókuae irundɨ oikove vae reta güi metei omee jókuae chiu araɨgua reta pe chiu kopa oro pegua, jókuae kopa reta tɨnɨe Tumpa iyarasɨ pe, jae ko oiko jekuaekuae avei rupi vae.

Apocalipsis 21:5

Jare oguapɨ oï mburuvicha iguapɨa pe vae jei: “Mase, ko ayapo pɨau opaete mbaembae.” Jei vi: “Eikuatía. Echa kuae ñee reta jupi jare añetete ko.”

Apocalipsis 4:2

Jare jupiveiño Espíritu Santo güɨnoi mbaepuere cheré; jare aecha metei tenda mborookuaía pegua oï ara pe, jare kia oguapɨ oï pɨpe.

Apocalipsis 4:8

Jare metei ñavo jókuae irundɨ oikove vae reta, güɨnoi ova ipepo, jare ipepo iárambo jare igüɨ rupi güɨnoi jeta jesa. Jare ikueraiä jei reta ara rupi jare pɨ̈tu rupi: “¡Iyoambae, iyoambae, iyoambae ko yandeYa Tumpa Imbaepuere yae ete vae, jae ko iyɨpɨ güive, añave jare outa vae!”

Apocalipsis 5:1

Jare tenda mborookuaía pegua pe oguapɨ oï ipo iyakatu kotɨgua pe aecha metei tembikuatía oyekuatía japɨpe rupi jare ikupe rupi vae, oyeokenda oï chiu imboyaa pe vae.

Apocalipsis 6:16

jare jei reta ɨvɨtɨ reta jare ɨ̈vavira reta pe: “¡Pea oreré, oreomi pea mburuvicha iguapɨa pe oguapɨ vae jóvai güi jare Vecha kuimbae taɨrusu vae iyarasɨ güi!”

Apocalipsis 7:15

‘Jáeramo ñogüɨnoi Tumpa iguapɨa jóvai, jare oyeokuai reta Tumpa pe ara rupi jare pɨ̈tu rupi tupao pe. Mburuvicha iguapɨa pe oguapɨ vae oyangareko aveita jese reta.