Apocalipsis 4:11 - Biblia Guarani Tumpa Iñee

¹¹ “OreYa, jupi ko oñemee vaerä ndeve yemboetea, mbaemboete jare mbaepuere, echa nde reyapo opaete mbaembae, jare nderemimbota rupi opaete mbaembae oiko jare oyeapo.”

Nuevo Testamento Guaraní Pe

¹¹ —Jupi co nde renoi vaera opaete maemboete jare mbaepuere, oreYa Tumpa. Echa nde reyapo opaete mbaembae. Opaete mbaembae oyeapo neremimbota rupi —jei reta.

Apocalipsis 4:11 Iomraidhean Croise

GÉNESIS 1:1

Iyɨpɨ ete pe Tumpa oyapo ara jare ɨvɨ.

2 SAMUEL 22:4

Nde cheYa, jupi ko reyemboeteuka vaerä roenɨi yave, chereepɨ cherovaicho reta güi.

NEHEMÍAS 9:5

jare levita reta Jesúa, Cadmiel, Bani, Hasabnías, Serebías, Hodías, Sebanías jare Petaías, jei reta: “Pepüa pemboete peYa Tumpa jekuae avei rupi. ¡Toyemboete avei, nderee tuicha yae vae jare imboetea yae vae!”

JOB 36:3

Aiporuta tuicha rupi chearakuaa, aechauka vaerä cheApoa jaekavi ko oyapo oï vae.

SALMOS 18:3

Romboeteta cheYa, jupi ko reyemboeteuka vaerä, nde chereroasayepeta cherovaicho reta güi.

SALMOS 68:34

Pemae jese, kërai Tumpa imbaepuere yae vae ko, iyemboetea oñemoai Israel re, jare imbaepuere oupitɨ ara.

ÉXODO 20:11

Echa ova ara pe ko, che peYa ayapo ara jare ɨvɨ, ɨguasu, jare opaete mbae reta oime pɨpe vae, jare aputuu chiúa ara pe; jáeramo cheporerekua ara mbutuu pegua re jare añono tee.

PROVERBIOS 16:4

Opaete mbaembae yandeYa oyapo, jökoraiño mai ou vaerä, iyoa vae ave oyapo, tembiporara iara peguarä.

ISAÍAS 40:26

Perovaɨva pemae ara kotɨ: ¿Kia pa oyapo opaete jókuae mbaembae reta? Jae ko oipapa jare oñono jenda pe kavi kavi, ombojee metei ñavo, ngaraa metei ave oata. Jökorai ko imbaepuere yae jare ipɨ̈rata yae.

ISAÍAS 40:28

¿Mbaetɨ pa reikuaa, mbaetɨ pa reendu yandeYa jae ko Tumpa oiko avei vae, jae ko oyapo opaete ɨvɨ vae? Mbaetɨ ko ipɨtu, mbaetɨi vi ikangɨ, jare iyarakuaa katu mbaetɨ kia ipuere omboyovake.

JEREMÍAS 10:11

(Körai pere itumpa-raanga pota vae reta kotɨ: “Okañɨta ko ɨvɨ güi tumpa-raanga reta mbaetɨi oyapo ara jare ɨvɨ vae; mbaetɨ eteita opɨta chugüi reta metei ave ɨvɨ pe.”)

JEREMÍAS 32:17

‘CheYa Tumpa, nde ndembaepuere pe reyapo ara jare ɨvɨ. Mbaetɨ etei mbae yavai ndeve.

Hechos 14:15

—Kuimbae reta, ¿maera pa peyapo kuae? Ore kuimbae reta pe reta ramiño ko. Romoërakua peve peyerova vaerä kuae ikavimbae peyapo vae güi Tumpa oikove vae kotɨ. Jae ko oyapo ara, ɨvɨ, ɨguasu jare opaete mbaembae pɨpe oime vae.

Hechos 17:24

Jae ko Tumpa oyapo ɨvɨ jare opaete mbaembae oï pɨpe vae. Jae ko ara jare ɨvɨ iYa, ërei mbaetɨ oiko tupao reta yande yayapogüe reta pe.

Romanos 11:36

Echa opaete mbaembae ou yandeYa güi. Jae oyapo opaete mbaembae iyeupeguarä. YandeYa toyemboeteuka jekuae avei pegua. Amén.

Efesios 3:9

jare aikuaauka vaerä opaete pe oyekuaambae iyɨpɨ güive Tumpa re vae, jae ko opaete mbaembae iyapoa.

DEUTERONOMIO 32:4

Jae ko Ita guasu rami; jembiapo ikavi yae ko, echa opaete jemimbota reta sɨmbi vae ko, Tumpa ko añete pegua, mbaetɨ jese ikavimbae. ¡Jae jupi ko, jare sɨmbi ko!

Hebreos 1:10

Jare Tumpa jei vi Taɨ re körai: “CheRu Tumpa, iyɨpɨ ete pe nde ko reyapo ɨvɨ, jare ara jae ko nderembiapo.

Hebreos 1:2

Añave kuae ara reta pe imiari yandeve Taɨ rupi, jae ko ombojee opaete mbaembae iyarä vae, Taɨ rupi vi oyeapo opaete mbaembae.

Apocalipsis 1:6

jare yandeapo mburuvicha guasu retarä jare sacerdote retarä yayeokuai vaerä Tu Tumpa pe; ¡chupe toñemee mbaemboete jare mbaepuere jekuaekuae avei rupi! Amén.

Apocalipsis 10:6

jare jei jekuaekuae avei rupi oiko vae jee re; oyapo ara jare opaete ipo reta vae; ɨvɨ jare opaete ipo reta vae, ɨguasu jare opaete ipo reta vae, jei: “Opa ma ara,

Apocalipsis 14:7

iñeeäta reve jei: “Peipoɨu Tumpa güi jare pemboete, echa iporojäa iora ou ma oväe. Pemboete ara, ɨvɨ, ɨguasu jare ɨesaɨ reta iyapoa.”

Apocalipsis 19:1

Kuae jaɨkue rupi aendu jeta yae vae reta iñeeäta reve ara pe, jei reve: “¡Aleluya! yemboasa, yemboete jare mbaepuere jae ko yandeYa Tumpa imbae.

Apocalipsis 5:12

jare jei reta iñeeäta reve: “Vecha kuimbae taɨrusu vae oyeyukauka vae jupi ko güɨnoi vaerä mbaepuere, mbaeyekou, arakuaa, mɨ̈rata, yemboete, yemboetea jare mbaemboete.”

Apocalipsis 5:2

Jare aecha metei araɨgua ipɨ̈rata vae, iñeeäta reve omoërakua vae jei: “¿Kia pa jupi oyora vaerä chiu tembikuatía imboyaa jare oipea vaerä?”

Apocalipsis 5:9

jare jae reta otairari metei tairari ipɨau vae, jei reve: “Jupi ko nde reipɨɨ vaerä tembikuatía, jare reyora vaerä imboyaa, echa reyeyukauka, jare nderugüɨ pe oreyora Tumpa peguarä, opaete ñemuña, ñee, tëta jare tëtaguasu,