Apocalipsis 3:4 - Biblia Guarani Tumpa Iñee

⁴ Oime jókuae Sardis pe mbovɨ mbaetɨ omongɨa jemimonde vae reta. Jae reta oguatata che ndive jemimonde tïi vae reve, echa jupi.

Nuevo Testamento Guaraní Pe

⁴ “Oime mbovɨ Sardis pegua mbaeti icavi mbae vae oyapo vae reta. Jae reta oguatata che ndive jemimonde ti vae reve icavi vae oyapo vae jeco pegua.

Apocalipsis 3:4 Iomraidhean Croise

1 REYES 19:18

Jare che ayapota opɨta vaerä Israel pe siete mil, Baal jóvai mbaetɨ oyetavatɨka vae reta, jare mbaetɨ oovapɨte vae reta.”

ESTER 8:15

Mardoqueo oë mburuvicha guasu oïa güi temimonde mburuvicha pegua jovɨ jare tïi vae ndive, jare äka-regua oro pegua tuicha vae ndive, jare oñeapeva lino pegua pɨ̈ta vae pe. Jayave tëta guasu Susa pegua reta oyerovia yae jare oyekou.

SALMOS 68:14

Imbaepuere yae ete vae opa omoai moai joko pegua mburuvicha guasu reta yave, iroɨ jaɨvi oa ɨvɨtɨ guasu Salmón re ramita.

ECLESIASTÉS 9:8

Opaete ara rupi eyemonde avei temimonde tïi vae pe, jare eñono avei neäka re mbae ikäti kavi vae.

ISAÍAS 1:9

Ërei yandeYa Imbaepuere yae ete vae mbaetɨ yave mona oeya mbovɨ yepe yandeve ñemuña, Sodoma jare Gomorra rami ko yapɨtata tëi.

ISAÍAS 52:1

Epüa Sión, eñemomɨ̈rata, Jerusalén, tëta guasu oñeñono tee vae, eyemonde nderemimonde ipöragüe pe, echa ngaraa ye ma ou ndekotɨ itumpa-raanga pota vae reta, ani ikɨa Tumpa jesa róvai vae reta.

ISAÍAS 59:6

Jókuae ñanutirapaa mbaetɨ ikavi temimonderä; mbaetɨ kia ipuere oyemonde pɨpe. Opaete perembiapo reta yoyuka yepeai, pemaepɨ̈ro vaeräño peiko.

ISAÍAS 61:10

¡Ayerovia yae cheYa re! Chepɨa oyerovia yae cheTumpa re, echa chemboyemonde yereroasayepe pe, temimonde pegua pe rami. ¡Cheöva jupi vae pe, ñeapevaka pe rami! Omendata vae oyemonde rami, kuñatai oñemopöra äka-regua jepɨ vae pe rami.

ISAÍAS 61:3

amee vaerä opaete Sión pe ipɨatɨtɨ ñogüɨnoi vae reta pe, oime vaerä mbaemboete, mbɨatɨtɨ jekovia pe, yerovia katu toñemee mbae ikäti vae rami temimonde mbɨatɨtɨ pegua jekovia pe; asoya yerovia pegua, mbɨatɨtɨ jekovia pe. Jare oyembojeeuka retata: “Ɨvɨra jupi vae”, yandeYa jemitɨ, jae iyemboetea peguarä.

ISAÍAS 64:6

Opaete ore reta ko mbae ikɨa vae rami, orerembiapo kavi reta, tarapo ikɨa vae rami ko ndeve; opaete ore roa, ɨvɨra joo oa rami, jare orerembiapo kavimbae reta orereraja, ɨvɨtu güɨraja mbae rami.

LEVÍTICO 13:48

ani tembiapo re ani mbaepɨaa lino pegua re ani vecharaa pegua re, ani mɨmba pire re, ani oipotagüe tembiapo mɨmbapire pegua re;

San Mateo 10:11

Jare peo metei tëta guasu pe ani metei tëta raɨ pe yave, peparandu kia ra ipɨakavi joko pe vae. Jayave pepɨta joko pe peo ye regua.

San Marcos 16:5

Jare oike reta yave tɨvɨa pe, oecha metei kunumi oguapɨ oï jae reta iyakatu kotɨ. Jemimonde puku jare tïi; jare okɨɨye reta.

San Lucas 20:35

ërei Tumpa omoingove ye amogüe reta ipɨte güi vae reta, ngaraa omenda reta ani oyomomenda reta.

San Lucas 21:36

Jáeramo peyeandu, jare peyerure avei ara ñavo Tumpa iporoaɨu rupi peasayepe vaerä opaete kuae mbaembae outa vae güi, peyemboɨ vaerä che Kuimbaerä oyeapo vae jóvai.”

Hechos 1:15

Jare jókuae ara reta rupi Pedro imiari oporogüɨrovia vae reta ciento veinte rupi oyemboatɨ ñogüɨnoi vae pe, jei:

2 Tesalonicenses 1:5

Kuae oechauka kërai Tumpa iporojäa jupi vae ko, jökorai jupi ko pe reta peike vaerä jae iporookuaía pe. Jókuae re ko añave peiporara peï.

Judas 1:23

Amogüe pemborɨ, penoe tata güi. Jare ïru vae peiparareko, ërei peyeandu reve iyoa reta güi. Echa ikavi ko peröɨro vaerä chugüi jemimonde ave omongɨa iyoa pe vae.

Apocalipsis 1:11

jare jei: “Che ko jae Alfa jare Omega, tenondegua ete jare taɨkuegua ete. Eikuatía metei tupapire pe nde reecha reï vae, javoi emondo chiu tëta reta Asia pegua pe oporogüɨrovia vae reta pe, jae ko: Efeso, Esmirna, Pérgamo, Tiatira, Sardis, Filadelfia jare Laodicea pe.”

Apocalipsis 11:13

Jökorai rupive täta ɨvɨkana jare tëta guasu iyɨkegüe osururu, jare omano chiu mil kuimbae reta. Jare omanombae reta okɨɨye yae jare omboete Tumpa ara pe oiko vae.

Apocalipsis 14:4

Jae reta mbaetɨ oyemongɨa kuña reta ndive. Echa mbaetɨ etei oasa reta kuña ndive. Jae reta yogüɨraja Vecha kuimbae taɨrusu vae ndive kerupi ojoa rupi. Kuae reta ko Cristo oepɨ ɨvɨ pegua reta ipɨte güi vae. Jae reta ko mbaagüɨye rɨpɨ rami Tumpa jare Vecha kuimbae taɨrusu vae peguarä.

Apocalipsis 19:14

Jare jeta yae vae araɨgua jemimonde lino ikavigüe vae, tïiasɨ jare ikɨambae vae reta yogüeru jaɨkue kavayu tïi vae reta re.

Apocalipsis 19:8

Jembirekorä vae pe oñemee ma temimonde lino ikavigüe, ikɨambae jare jembipe vae. Echa lino ikavi vae ko jae oporogüɨrovia vae reta jeko jupi vae.”

Apocalipsis 3:18

Jáeramo, romboarakuaa regua vaerä chegüi oro ikɨambae tata pe oyetɨo vae, reikokatu vaerä, jare temimonde tïi vae remonde vaerä, agüɨye vaerä nenandi oyekuaa. Romboarakuaa vi reñono vaerä moa peresa pe, reecha vaerä.

Apocalipsis 3:5

Oporomoamɨri vae pe ameeta temimonde tïi vae omonde, jare ngaraa amboai jee tembikuatía tekove pegua güi, aikuaaukata cheRu jóvai jare iaraɨgua reta jóvai.

Apocalipsis 4:4

Jare jókuae tenda iyɨ́vɨri rupi oï ïru veinticuatro tenda reta. Jare jókuae tenda reta pe oguapɨ ñogüɨnoi veinticuatro tenondegua okuakuaa vae reta, jemimonde tïi vae jare iñäka re äka-regua oro pegua ndive.

Apocalipsis 6:11

Jare temimonde tïi vae oñemee metei ñavo pe, jare oñemee chupe reta oputuu reta vaerä michi pegua, echa oyeyukaukata vi räri Tumpa pe oyeokuai jae reta rami vae, oupitɨ regua tembipapa.

Apocalipsis 7:9

Kuae jaɨkue rupi amae jare aecha jeta yeyé vae opaete tëtaguasu reta güi, ñemuña reta, ñee ambuae mbuae, tëta reta yaipapa rapeä vae oyemboɨ ñogüɨnoi jókuae mburuvicha iguapɨa jare Vecha kuimbae taɨrusu vae jóvai. Jae reta jemimonde tïi jare ipo pe güɨnoi karandaɨ jogüe.