Apocalipsis 22:5 - Biblia Guarani Tumpa Iñee

⁵ Jare ngaraa ye ma oime pɨ̈tu joko pe. Ngaraa oeka mechero jare kuaraɨ jembipe, echa yandeYa Tumpa etei omoembipeta. Jare oporookuai retata jekuaekuae avei rupi.

Nuevo Testamento Guaraní Pe

⁵ Jare ngaraa pɨtu joco pe. Ngaraa oipota mechero jare cuaraɨ jembipe. Echa ñandeYa Tumpa omeeta chupe reta tembipe. Jare jae reta oporoocuaita jecuaecuae aveiño.

Apocalipsis 22:5 Iomraidhean Croise

SALMOS 36:9

echa nde renoi ɨ tekove pegua, ndereño orepuere roikove.

SALMOS 84:11

Echa yandeYa Tumpa ko omboesape jare oporoepɨ vae; jae omeeta mboroaɨu jare mboromboete, ngaraa opɨ̈ro mbae ikavi vae, ipɨa jupi rupi oguata vae güi.

ISAÍAS 24:23

Jare yandeYa Imbaepuere yae ete vae oguapɨ mburuvicha guasurä ɨvɨtɨ Sión re, Jerusalén pe yave, yasɨ jare kuaraɨ ngaraa ma oesape, jare tëta imbae pegua tenondegua reta oecha iyemboetea.

ISAÍAS 30:26

YandeYa oipoanota pepere. Jayave yasɨ omoembipeta kuaraɨ rami, jare kuaraɨ omoembipeasɨ yaeta chiu kuaraɨ jembipe rami.

DANIEL 7:18

Ërei jaɨkue rupi kuae mborookuaía oñemeeta Tumpa Tuichagüe yae ete vae pe oñeñono tee vae reta pe, jare jae reta imbaerä oikota jekuae avei pegua.’

DANIEL 7:27

Mborookuaía, mbaepuere jare yemboetea opaete ɨvɨ pe ñogüɨnoi vae, oñemeeta oñeñono tee Tuichagüe yae ete vae pe vae reta ipo pe. Iporookuaía oikota jekuae avei pegua, opaete ɨvɨ pegua reta oyeokuaita chupe jare yogüɨrekota jae jeia re.’

ZACARÍAS 14:7

Jaeño jókuae ara yandeYa oikuaata, mbaetɨta ara ani pɨ̈tu. Kuaraɨ oike yave oimeñota tembipe.

San Mateo 19:28

Jayave Jesús jei jemimboe reta pe: —Añete che jae peve, che Kuimbaerä ayeapo vae aguapɨ yave cheyemboetea, mborookuaía pegua pe, pe reta peyu cherupíe vae peguapɨta vi doce guapɨa pe, pejäa vaerä doce ñemuña Israel pegua reta.

San Mateo 25:34

Jayave che Mburuvicha guasu. Jaeta cheakatu kotɨ ñogüɨnoi vae reta pe: ‘Peyu, cheRu iporerekua peré vae reta, peiko mborookuaía ɨvɨ oyeapo güive oñemokätɨro peve vae pe.

San Mateo 25:46

Jare kuae reta yogüɨrajata tembiporara opambae pe. Ërei jupi vae reta yogüɨrajata tekove opambae pe.”

Romanos 5:17

Echa mano güɨnoi mbaepuere opaete vae re metei kuimbae iyoa jeko pegua, ërei omboresive ipɨakavi jare oyembojupiuka vae reta oasa ete yeta güɨnoi mbaepuere tekove pɨau pe Jesucristo rupi.

2 Timoteo 2:12

Yaiporara yave, jae ndive yaporookuaita vi. Yaikuaku yave, jae vi yandekuakuta.

Apocalipsis 11:15

Jare araɨgua omoñee chiúa mimbɨguasu yave, oyeendu ñee reta tätagüe, jei: “Mborookuaía reta ɨvɨ pegua ou opɨta yandeYa jare Cristo ipo pe. Jare jae oporookuaita jekuaekuae avei rupi.”

Apocalipsis 18:23

Jaeramiño vi ngaraa ye ma jendɨ ndepɨpe mechero, ani kia omenda vae iarete. Echa omaemee yepi joko pe vae reta tuichagüe reta yepi, echa ndepaye reta rupi rembotavɨ opaete tëtaguasu reta.”

Apocalipsis 20:4

Jare aecha mburuvicha iguapɨa reta jare joko pe oguapɨ mbaepuere oñemee chupe oporojäa vaerä vae reta. Jare aecha Jesús regua jare Tumpa iñee omombeu ramo oñeäka-sɨauka vae reta jekove. Jókuae mbaetɨ omboete mbaemɨmba guasu ani iä vae reta, mbaetɨ etei vi güɨnoi ikañɨmaa jesɨva re jare ipo re. Jae reta oikove ye jare oporookuai Cristo ndive mil año.

Apocalipsis 20:6

Oyerovia ko tenonde oikove ye vae, echa oñeñono tee Tumpa peguarä vae reta ko. Jókuae mano mokoía ngaraa ipuere jese reta. Jae reta yogüɨrekota Tumpa jare Cristo isacerdoterä. Jare oporookuai retata jae ndive mil año.

Apocalipsis 21:11

Güɨnoi reve Tumpa iyemboetea. Jembipe metei ita ipöra yae vae rami, ita ipöra yae vae jaspe jësaka vae rami.

Apocalipsis 3:21

Oporomoamɨri vae pe ameeta oguapɨ vaerä che ndive cheguapɨa pe, che aporomoamɨri jare aguapɨ cheRu ndive iguapɨa pe rami.