Apocalipsis 22:4 - Biblia Guarani Tumpa Iñee

⁴ Jare jae reta oechata Tumpa. Jare güɨnoi retata jesɨva re Tumpa jee.

Nuevo Testamento Guaraní Pe

⁴ Jare jae reta oechata Tumpa. Jare güɨnoi retata jesɨva re Tumpa jee.

Apocalipsis 22:4 Iomraidhean Croise

JOB 33:26

Oyerure Tumpa pe yave, jae oenduta chupe; omboeteta Tumpa yerovia ndive, jare otairarita kuimbae reta pe Tumpa ipɨakavi re.

SALMOS 17:15

Ërei che, roechata jupi rupi aiko ramo, ¡chepɨakatuta apɨta chemomba ma yave!

SALMOS 4:6

Jeta vae jei: “¿Kia pa oechaukata yandeve ikavi vae?” ¡OreYa Tumpa, ndepɨakatu oreré!

SALMOS 42:2

Cheɨuve yae rami ndekotɨ cheTumpa, nde, cheTumpa oikove vae. ¿Kërai yave ra aïta cheTumpa jóvai?

ISAÍAS 33:17

Jekuae reecha yeta Mburuvicha guasu iyemboetea ikavi yae vae; jare reechata kuae ɨvɨ ipɨguasu yae ko vae.

ISAÍAS 35:2

tipotɨ jeta yeyé tumpa-ɨpɨ rami, toyerovia jare tovɨakatu reta. Tumpa omopörata, ɨvɨtɨ Líbano ipöra rami, ipöra yaeta ɨvɨtɨ Carmelo rami jare ɨvɨtɨ päu ipe kavi vae Sarón rami. Opaete vae oechata yandeYa iyemboetea, ñaneTumpa imbaepuere tuicha yae vae.

ISAÍAS 40:5

YandeYa omboyekuaata iyemboetea, jare opaete kuimbae reta oecha päveta. Echa yandeYa etei ko jei.”

EZEQUIEL 33:23

YandeYa jei cheve:

San Mateo 5:8

Oyerovia ko jókuae ipɨa ikɨambae vae reta. Echa oecha retata Tumpa.

San Juan 12:26

Oyeokuai cheve vae tojo cherupíe. Cherembiokuai oïta che aïtaa pe. Jare cheRu ombotuichaukata oyeokuai cheve vae.

San Juan 17:24

CheRu, aipota kuae remee cheve vae reta yogüɨreko vaerä vi che aikoa pe, oecha vaerä mbaemboetea remee cheve vae. Echa ndei ɨvɨ oyeapo mbove nde cheraɨuño mai.

1 Corintios 13:12

Añave yaecha vae, epeo pe jäve yaecha rami ko, ërei metei ara yaecha kavita ko. Añave mbovɨño aikuaa, ërei jayave aikuaa kavita Tumpa chekuaa rami.

Hebreos 12:14

Pepɨakatu opaete vae ndive, jare peñeñono tee Tumpa pe. Echa jokuaembae reve ngaraa etei kia oecha yandeYa.

Apocalipsis 14:1

Jaɨkue rupi amae jare aecha Vecha kuimbae taɨrusu vae oyemboɨ oï ɨvɨtɨ Sión re. Jae ndive ciento cuarenta y cuatro mil vae reta. Jae reta jesɨva re oyekuatía oï Vecha kuimbae taɨrusu vae jee jare Tu jee.

Apocalipsis 3:12

Oporomoamɨri vae añonota cheTumpa jo pe okɨta rami, jare ngaraa etei oë ye. Güɨnoita mbaepuere tuicha vae metei okɨta ipɨ̈rata yae vae rami. Jare aikuatiata jese cheTumpa jee jare jëta guasu Jerusalén ipɨau vae jee ogüeyɨta ara güi cheTumpa ndive vae. Jaeramiño vi aikuatiata jese cheree ipɨau vae.

Apocalipsis 7:3

jei reve: “¡Agüɨye perokomegua ɨvɨ jare ɨguasu jare ɨvɨra reta, ndei ñaneTumpa jembiokuai reta jesɨva romokañɨmaa mbove!”