Apocalipsis 22:2 - Biblia Guarani Tumpa Iñee

² Jare tëta guasu ikaye mbɨte pe, ɨ̈aka jovaicho icho pe oï ɨvɨra tekove pegua. Jókuae ɨvɨra ia doce. Yasɨ ñavo ia. Jare ɨvɨra jogüe ikavi tëtaguasu reta oñepoano vaerä.

Nuevo Testamento Guaraní Pe

² Jare tenta mbɨte rupi jare ɨ osɨrɨ vae jembeɨ reta rupi ñogüɨnoi ɨvɨra tecove opa mbae vae pegua reta. Jocuae ɨvɨra ia doce oyoavɨ vae reta co jare yagüɨye yasɨ ñavo. Jare ɨvɨ pegua reta ipuere oiporu ɨvɨra joo reta agüɨye vaera imbaerasɨ.

Apocalipsis 22:2 Iomraidhean Croise

GÉNESIS 2:9

Jare yandeYa Tumpa ombokuakuaauka ɨvɨ güi opaete ɨvɨra ia ikavi yae oyekuaa jare ikavi yae oyeu vaerä vae. Jaeramiño vi oñono kó mbɨte pe ɨvɨra tekove pegua. Jare ɨvɨra, ikavi vae jare ikavimbae oikuaauka vae.

SALMOS 147:3

Jae ombopɨakatu ipɨatɨtɨ vae reta, jare oipoano ipere reta.

PROVERBIOS 3:18

Arakuaa ko tekove, arakuaa oväe vae reta peguarä; ¡oyerovia ko jókuae oipɨɨ iyeupe vae reta!

ISAÍAS 6:10

Embopɨatäta kuae tëta; eyapete iyapɨsa reta jare esaöva, agüɨye vaerä oecha reta jare oendu reta, jare ipɨa reta ave agüɨye toikuaa kavi, agüɨye toyepoepɨ reta jeko güi, okuera reta vaerä.”

JEREMÍAS 17:14

Chepoano cheYa Tumpa, jare takuera; chereepɨ cheYa, jare taasayepe, echa ndeño ko romboete.

EZEQUIEL 47:1

Jare jókuae kuimbae jekuae chemboyerovauka ye tupao jöke kotɨ. Jayave aecha ɨ oë öke igüɨ güi, kuaraɨ oëa kotɨ, echa tupao omae oï kuaraɨ oëa kotɨ. Ɨ oë igüɨ kotɨ güi, tupao iyakatu kotɨ güi, mɨmba oyeyukagüe oyeapɨ jese vae güi arayevɨ kotɨ.

OSEAS 14:4

YandeYa jei: “Aipoano retata ipɨapochɨ güi; aaɨu retata, yepe tëi mbaetɨ jupi yogüɨreko, echa osɨrɨ ma chugüi reta chearasɨ.

ZACARÍAS 14:8

Jare jókuae ara Jerusalén güi oëta ɨ tɨpambae, mbɨte rupi ojota Ɨguasu Jembochɨ vae pe, jare ïru mbɨte rupi ojota Ɨguasu Mediterráneo pe, kuaraɨ guasu iara pe jare iroɨ guasu iara pe.

MALAQUÍAS 4:2

Ërei pe reta peipoɨu chegüi vae, oëta peve Jupi yae vae, kuaraɨ oë rami, jare jembipe güeruta peve tekove katu jare pe reta peëta pechäguariko guaka raɨ jókai güi oë rami.

San Lucas 4:18

“YandeYa iEspíritu oï cheré, echa cheparavo amombeu vaerä ñee ikavi vae iparavete vae reta pe. Chembou ambogüera vaerä ipɨatɨtɨ vae reta, amoërakua vaerä yeyora tembipɨɨ reta pe, jare amomae vaerä jesambae reta. Chembou vi ayora vaerä yogüɨrekoasɨ katu vae reta.

1 Pedro 2:24

Cristo etei güɨraja yandeyoa reta jete re kurusu re, yande ñamano ñaï mbaeyoa pe vae yaikove vaerä jupi vae re. Jare jae oyekutu vae rupi yakuera.

Apocalipsis 2:7

Oipota oyeapɨsaka vae, toyeapɨsaka Espíritu Santo jei oporogüɨrovia vae reta pe vae re. Oporomoamɨri vae pe ameeta jou vaerä jókuae ɨvɨra tekove pegua, oime Tumpa jëta pe vae güi.’

Apocalipsis 21:21

Jare jókuae doce öke reta doce ita ipöra yae vae pegua ko. Metei öke ñavo jae ko ita ipöra vae pegua. Jare tëta guasu ikaye reta oro pegua, jësaka vidrio ikɨambae rami.

Apocalipsis 21:24

Opaete tëtaguasu oyemboasauka vae oguatata jókuae tëta jembipe pe, jare ɨvɨ pegua mburuvicha guasu reta güeru retata imbaeyekou reta chupe.

Apocalipsis 22:1

Jayave araɨgua oechauka cheve ɨ̈aka ikɨambae ɨ tekove pegua, jësakaasɨ vidrio rami, oë Tumpa jare Vecha kuimbae taɨrusu vae iguapɨa güi.

Apocalipsis 22:14

Oyerovia ko jemimonde oyoe vae reta, ipuere vaerä oya ɨvɨra tekove pegua re, jare oike vaerä tëta guasu pe jöke rupi.

Apocalipsis 22:19

Oime yave kia kuae ñee reta oekɨ kuae tembikuatía pe oyekuatía oï vae, Tumpa opɨ̈rota chupeguarä vae tembikuatía tekove pegua güi jare tëta guasu oñeñono tee Tumpa peguarä vae pe jare mbaembae reta oyekuatía oï kuae tembikuatía pe vae.