Apocalipsis 22:10 - Biblia Guarani Tumpa Iñee

¹⁰ Jare jei vi cheve: “Agüɨye eyokenda ñee reta maratuta vae re kuae tembikuatía pe oï vae, echa köi yae ma ara oyembopo vaerä.

Nuevo Testamento Guaraní Pe

¹⁰ Jare jei ye cheve: —Emombeu iru vae reta pe ñee cuae libro pe ñogüɨnoi vae reta. Echa cuae ñee reta omombeu oyeapota vae jare coiño ma ou oyeapo vaera —jei—.

Apocalipsis 22:10 Iomraidhean Croise

ISAÍAS 13:6

Peräse peyaeo, echa oväeta ma yandeYa iporojäa iara, Imbaepuere yae ete vae iporomokañɨtei ko.

ISAÍAS 8:16

Peñovatu kavi kuae ñee; agüɨye tokañɨ cheporookuai reta jare cheporomboe reta, cheremimboe reta agüɨye tomokañɨ cheporomboe.

EZEQUIEL 12:23

Jáeramo ere chupe reta: ‘Körai jei yandeYa: Che amboapɨta Israel pe jókuae ñee reta.’ Jare emombeu vi chupe reta köiño yae ma oyembopo vaerä Tumpa oechauka iñeemombeúa reta pe vae.

DANIEL 12:4

‘Ërei nde Daniel, kuae ñee reta jare tembikuatía eyokenda toï ou ara iyapɨ oväe regua. Jeta kotɨ kotɨ oeka reta tëita, jare yemboe okuakuaata.’

DANIEL 12:9

Jae jei cheve: ‘Mbaetɨta ndepuere reikuaa Daniel, echa kuae ñee reta oyeokenda opɨta ou ara iyapɨ oväe regua.

DANIEL 8:26

Kuae ara reta regua reecha vae añetete ko; ërei agüɨye emombeu kia pe, echa oyembopota ko ara reta iyapɨ ma yave.’

San Mateo 10:27

Pɨtumimbía pe che jae peve vae pemoërakua tembipe pe etei. Jare che jae vɨari peve vae pemoërakua opaete vae pe o iárambo ipe kavía güi.

Romanos 13:11

Pemae mbae ara pe ma yaiko, jare peikuaa oväe ma ko ara ñaïndaivi vaerä, echa köiño yae ma oï yandemboasa ete vaerä, yaporogüɨrovia ramo yave vae güi,

Romanos 13:12

Pɨare katu yae ma, köe seri ma. Jáeramo agüɨye mo yayapo pɨtumimbi jembiapo. Yayemonde tembiporu tembipe pegua pe.

2 Tesalonicenses 2:3

Ërei agüɨye pemaeño kia re kërai ave yepe tapembotavɨ. Echa jókuae ara, ngaraa ou ndei ou mbove yembopɨapochɨ Tumpa kotɨ vae iara, jare kuimbae mbaeyoa pegua oyekuaata vae, okañɨteita vae.

1 Pedro 4:7

Ërei oyearo ma opaete mbaembae reta iyapɨ vaerä. Jáeramo peyeandu katu jare peyerure avei pekueraimbae reve.

Apocalipsis 1:11

jare jei: “Che ko jae Alfa jare Omega, tenondegua ete jare taɨkuegua ete. Eikuatía metei tupapire pe nde reecha reï vae, javoi emondo chiu tëta reta Asia pegua pe oporogüɨrovia vae reta pe, jae ko: Efeso, Esmirna, Pérgamo, Tiatira, Sardis, Filadelfia jare Laodicea pe.”

Apocalipsis 1:3

Oyerovia ko kuae omongeta vae, jare oendu maratuta vae re vae reta, jare oyapo reta yave Tumpa jei vae kuae pe oyekuatía vae. Echa oyearo ma ara reta.

Apocalipsis 10:4

Jare chiu vese jɨapu ara güire, che aikuatiata tëi, ërei aendu ñee ara güi jei cheve: “Agüɨye emombeu kia pe jókuae chiu ara jɨapu vae jei vae. Agüɨye eikuatía.”

Apocalipsis 22:16

“Che Jesús ambou chearaɨgua oikuaauka vaerä opaete kuaekuae oporogüɨrovia vae reta pe. Che ko jae David Iyɨpɨ jare iñemuña pegua. Che ko jae yasɨtata guasu jembipeasɨ köe pota yave vae.”

Apocalipsis 22:18

Opaete kuae ñee reta oyekuatía oï kuae tembikuatía pe vae oendu vae reta pe jae: Oime yave kia kuae ñee reta omoïruta vae, Tumpa güeruta jese tembiporara reta oyekuatía oï kuae tembikuatía pe vae.

Apocalipsis 22:20

Kuaekuae oikuaauka vae jei: “Añete ko, ayu yeta ma ɨmambae.” ¡Amén! ¡Eyu, cheYa Jesús!

Apocalipsis 22:7

YandeYa jei: “¡Mase, ko ayu yeta ɨmambae! ¡Oyerovia ko oyapo ñee kuae tupapire pe oñemoërakua vae!”

Apocalipsis 22:9

Ërei jae jei cheve: “Agüɨye chemboete. Che Tumpa pe, nerëtara ñeemombeúa reta jare oyapo kuae tembikuatía jei vae reta ayeokuai vae vi ko pe. Emboete Tumpa.”

Apocalipsis 5:1

Jare tenda mborookuaía pegua pe oguapɨ oï ipo iyakatu kotɨgua pe aecha metei tembikuatía oyekuatía japɨpe rupi jare ikupe rupi vae, oyeokenda oï chiu imboyaa pe vae.