Apocalipsis 21:6 - Biblia Guarani Tumpa Iñee

⁶ Jare jei vi cheve: “Oyeapo ma. Che ko jae Alfa jare Omega, iyɨpɨ ete jare iyapɨ ete. Kia iɨuve vae, che ameeiñota jepɨmbae jou ɨesaɨ tekove pegua güi.”

Nuevo Testamento Guaraní Pe

⁶ Jare jei ye cheve: —Oyeapo ma. Che co jae Alfa jare Omega jee vae. Che co jae tenondegua vae jare taɨcuegua vae. Oime yave quia oipota ɨ tecove opa mbae vae pegua jou vae, tamee tou jepɨ mbae reve —jei—.

Apocalipsis 21:6 Iomraidhean Croise

SALMOS 36:9

echa nde renoi ɨ tekove pegua, ndereño orepuere roikove.

ISAÍAS 12:3

Peuta ɨ peyerovia reve, jókuae ɨesaɨ mboromboasayepe pegua güi.

JEREMÍAS 2:13

Echa tëta chembae vae oyapo mókoi mbae ikavimbae: Chereeya reta, ɨesaɨ osɨrɨ vae rami aï chupe reta vae, jare oyapo reta iyeupe ɨrɨru, ɨrɨru oyeka vae, mbaetɨ ikavi ɨ oñeñovatu pɨpe vaerä vae.

OSEAS 14:4

YandeYa jei: “Aipoano retata ipɨapochɨ güi; aaɨu retata, yepe tëi mbaetɨ jupi yogüɨreko, echa osɨrɨ ma chugüi reta chearasɨ.

JOEL 3:18

Ɨvɨtɨ rupi jeta yaeta oñemuña uva, ɨvɨtɨ guasu rupi jeta yaeta neche jare Judá pe oimeta ɨ ïaka ñavo; yandeYa jo güi oëta ɨesaɨ, jókuae omoäkɨta Sitim, ɨvɨtɨ päu ipe kavi vae.

San Juan 4:10

Jayave Jesús jei kuña pe: —Nde reikuaa yave mona Tumpa omee vae jare kia ko ɨ oiporu oï ndeve vae yave, nde reiporuta tëi ko cheve jare che ameeta tëi ko ndeve ɨ tekove omee vae.

San Juan 4:11

Jayave kuña jei Jesús pe: —CheYa, nde mbaetɨ mbae renoi ɨ renoe pɨpe vaerä, jare kuae ɨkua kɨ̈pe yae. ¿Kia güi pa reruta jókuae ɨ tekove omee vae?

San Juan 4:14

Ërei che ameeta jou ɨ vae, ngaraa etei iɨuve ye. Echa jókuae ɨ che ameeta chupe vae, oyeapota iyɨvɨte pe metei ɨkua jesaɨ vae rami, tekove opambae vae peguarä.

Romanos 3:24

Ërei Tumpa ipɨakavi rupi oporombojupi jepɨmbaeño, echa yandereepɨ ma Cristo Jesús rupi;

Romanos 8:32

Echa Tumpa mbaetɨ ñäteɨ omee Taɨ omano vaerä yanderé. Jáeramo jae ¿omee potaä pa opaete mbaembae Taɨ ndive yandeve?

1 Corintios 2:12

Jare yande mbaetɨ yamboresive espíritu kuae ɨvɨ pegua. Jaeño Espíritu Santo Tumpa güi ou vae, yaikuaa vaerä mbaembae Tumpa omee yandeve vae.

1 Corintios 3:12

Kia omopüa yave o iguapɨka iárambo oro, korepoti, ita ipöra yae vae, ɨvɨra, kapii ani atiɨgüe;

1 Corintios 3:21

Jáeramo agüɨye kia toyemboete kuimbae reta re. Echa opaete mbaembae pembae ko:

1 Corintios 3:5

Pablo jare Apolos mbaeä ko. Ore reta ko royeokuai vaeño, orerupi peporogüɨrovia vaerä. Royapo ko mbaravɨkɨ metei ñavo yandeYa omee oreve rupi.

Apocalipsis 1:11

jare jei: “Che ko jae Alfa jare Omega, tenondegua ete jare taɨkuegua ete. Eikuatía metei tupapire pe nde reecha reï vae, javoi emondo chiu tëta reta Asia pegua pe oporogüɨrovia vae reta pe, jae ko: Efeso, Esmirna, Pérgamo, Tiatira, Sardis, Filadelfia jare Laodicea pe.”

Apocalipsis 1:17

Jare aecha yave, aa jóvai omano vae rami. Jayave jae oñono ipo iyakatu cheré jare jei cheve: “Agüɨye ekɨɨye. Che ko jae tenondegua ete jare taɨkuegua ete,

Apocalipsis 1:8

YandeYa jei: “Che ko jae Alfa jare Omega”, iyɨpɨ ete jare iyapɨ ete, jae ko iyɨpɨ güive, añave jare outa vae, Imbaepuere yae ete vae.

Apocalipsis 10:6

jare jei jekuaekuae avei rupi oiko vae jee re; oyapo ara jare opaete ipo reta vae; ɨvɨ jare opaete ipo reta vae, ɨguasu jare opaete ipo reta vae, jei: “Opa ma ara,

Apocalipsis 16:17

Jare araɨgua chiúa opɨyere kopa güɨnoi vae ɨvɨtu re. Jare oyeendu metei ñee tätagüe ara pegua tupao güi, Tumpa iguapɨa güi, jei reve: “¡Oyeapo ma!”

Apocalipsis 22:13

Che ko jae Alfa jare Omega, iyɨpɨ ete jare iyapɨ ete, tenondegua ete jare taɨkuegua ete.”

Apocalipsis 22:17

Espíritu Santo jare Vecha kuimbae taɨrusu vae imenda ïru jei: “¡Eyu!” Jare oendu vae, tei: “¡Eyu!” Jare iɨuve vae tou toɨu; ikɨ̈reɨ vae tou ɨ tekove pegua güi jepɨmbae.

Apocalipsis 3:14

Eikuatía Laodicea pegua oporogüɨrovia vae reta iaraɨgua pe: Mase, ko Amén, jupi rupi imiari vae, añetete vae, opaete mbaembae Tumpa oyapo jae rupi vae, jei:

Apocalipsis 7:17

echa Vecha kuimbae taɨrusu vae jókuae guapɨa mbɨte pe oï vae oyangarekota jese reta jare güɨrajata omboɨu ɨ tekove pegua pe, jare Tumpa oyoeta jesaɨ chugüi reta.’ ”