Apocalipsis 20:3 - Biblia Guarani Tumpa Iñee

³ Jare omombo ɨvɨkua guasu pe. Jayave oyokenda ɨvɨkua jöke jare oñono jese mbae agüɨye vaerä kia ipuere oipea ye. Jökorai oyapo agüɨye vaerä ma ombotavɨ tëtaguasu reta mil año omboapɨ regua. Ërei jaɨkue rupi oyeyorauka yeta michi pegua.

Nuevo Testamento Guaraní Pe

³ Jayave omombo ɨvɨcua ipɨpucu yae vae pe. Jayave oñoquenda ɨvɨcua jonque jare oñono jese mbae agüɨye vaera quia ipuere oipea ye. Jocorai oyapo agüɨye vaera Satanás ombotavɨ ɨvɨ pegua reta mil año pegua. Erei mil año opa ma yave, Satanás oyeyorauca yeta michi pegua.

Apocalipsis 20:3 Iomraidhean Croise

SALMOS 90:4

Echa, mil año vae, nderesa róvai, kárumbo vae ramiño ko. Ani mbovɨ ora pɨ̈tu yave vae ramiño ko.

DANIEL 6:17

Jare güeru reta metei ita oñono ɨvɨkua jöke re; jare mburuvicha guasu omboyeɨ jese ipoäka-vera jare iyɨvɨrigua mburuvicha reta ipoäka-vera jókuae ita oñono reta vae re, agüɨye vaerä oime yembotavɨ Daniel kotɨ yemongeta oyeapo vae regua.

San Mateo 24:24

Echa opüata jeta Cristo jaanga reta, jare ñeemombeúa jaanga reta. Jare jae reta oyapota jeta mɨakañɨ reta tuichagüe, oporombotavɨ vaerä, jare ipuereta vi ombotavɨ Tumpa jembiparavo reta ave.

San Mateo 27:66

Jayave jae reta yogüɨraja jare oyokenda kavi tɨvɨa jöke jare omboya oeya. Echa oñono mbae ita tuicha vae re agüɨye vaerä kia oipea, jare oeya joko pe sundaro reta oyangareko vaerä tɨvɨa re.

San Marcos 4:15

Temitɨ tape rupi oa vae oyembojaanga ñee ikavi vae oendu vae reta re. Ërei oendu reta güire, jupiveiño Satanás ou opa oekɨ ipɨa güi.

San Lucas 8:31

Jayave aña reta omoñera Jesús agüɨye vaerä omondo ɨvɨkua guasu pe.

2 Corintios 11:3

Ërei aipoɨu, güɨramoi jókuae mboi ipoki oporombotavɨ vaerä vae ombotavɨ Eva rami, peyembotavɨuka jare pepia Cristo güi.

2 Pedro 3:8

Cherɨvɨ aaɨu vae reta, ikavi ko peikuaa vaerä kuae: YandeYa pe metei ara mil año ramiño ko jare mil año metei ara ramiño ko.

Apocalipsis 12:9

Jare oyemombouka jókuae mbaeporou guasu, mboi ñɨma vae, aña guasu Satanás jee vae, jae ko ombotavɨ opaete ɨvɨ pegua reta vae; oyemombouka ara güi opaete iaraɨgua reta ndive.

Apocalipsis 13:14

Jare mɨakañɨ oyapo mbaemɨmba guasu jovake vae rupi ombotavɨ ɨvɨ pegua reta. Jare oyókuai ɨvɨ pegua reta oyapo vaerä jókuae mbaemɨmba guasu ipere kɨsepuku pe vae jare oikove yae vae iä.

Apocalipsis 17:2

Ɨvɨ pegua mburuvicha guasu reta oyapo aguasa jókuae kuña ndive, ɨvɨ pegua reta jou vino rami jókuae teko ikavimbae vae.”

Apocalipsis 17:8

Mbaemɨmba guasu reecha vae oikose, ërei mbaetɨ ma oiko. Oëta ɨvɨkua guasu güi, ërei ojo yeta kañɨtei pe. Jare ɨvɨ pe yogüɨreko vae reta oecha yave jókuae mbaemɨmba guasu oikose vae, ipɨakañɨ retata, jókuae jee mbaetɨ oyekuatía oï tembikuatía tekove opambae vae pegua pe ɨvɨ oyeapo güire vae reta. Ipɨakañɨ retata oecha yave mbaemɨmba guasu oikose, mbaetɨ ma oiko, oiko yeta vae.

Apocalipsis 20:1

Jare aecha metei araɨgua ogüeyɨ ou ara güi, güeru ɨvɨkua guasu illave, jare ipo pe metei karena tuicha vae.