Apocalipsis 20:2 - Biblia Guarani Tumpa Iñee

² Jare oipɨɨ jókuae mbaeporou guasu, mboi ñɨma vae, jae ko aña guasu Satanás. Jare oipokua mil año pegua.

Nuevo Testamento Guaraní Pe

² Jare araɨgua oipɨɨ jocuae maemɨmba guasu tenonde aecha vae. Jae co jocuae mboi aracae Eva pe imiari vae. Jae co aña guasu. Jee co Satanás. Jare araɨgua oñapɨti Satanás mil año pegua.

Apocalipsis 20:2 Iomraidhean Croise

GÉNESIS 3:1

Ërei ngatu mboi oasa ipoki oporombotavɨ vaerä opaete ïru mbaemɨmba reta ñana rupigua yandeYa Tumpa oyapogüe güi. Jare kuae mboi jei kuña pe: —¿Tumpa jei pa jayave peve agüɨye vaerä peu opaete ɨvɨra reta kó pegua iagüe?

GÉNESIS 3:15

Añonota ñemotareɨ peyokotɨ, peñomotareɨ vaerä kuña ndive, neñemuña ndive jare kuña iñemuña ndive; jae ndembopereta neäka pe, jare nde rembopereta ipɨta pe.

JOB 1:7

Jare yandeYa jei Satanás pe: —¿Ketɨ güi pa reyu? Jare Satanás jei yandeYa pe: —Ɨvɨ rupi ayere aguata aikoa kotɨ güi.

ISAÍAS 24:22

opata omboatɨ oyokenda metei tembipɨɨrɨru pe, jare joko pe oyeokendata opɨta, jare oinupata ɨma ara ma oasa yave.

ISAÍAS 27:1

Jókuae ara yandeYa oyukata ikɨsepuku täta yae vae, yavaete jare tuicha vae pe Leviatán jee vae, mboi guasu iñäkua yae vae, ipire jaimbe vae; oyukata jókuae mbaeporou ɨguasu pe oï vae.

EZEQUIEL 47:5

Jekuae ojäa ye quiniento metro, jare ɨ oyeapo metei ɨ̈aka rami, che mbaetɨ ma chepuere aasa, echa ɨ tuicha yae ma, mbaetɨ ma yandepuere jökoraiño yaasa, jaeño yaɨtai reve.

San Mateo 19:29

Jare oime yave kia oeya jo reta, ani tɨkeɨ reta, ani tɨvɨ reta, ani jeindɨ reta, tɨke ani ipɨkɨɨ ani ikɨvɨ, ani tu, ani ichɨ, ani jembireko, ani imichia reta, ani iɨvɨ reta yepe chereko pegua vae, jeta yaeta jekovia chupe, jare güɨnoita imbaerä tekove opa mbae vae.

San Mateo 8:29

Jare jae reta iñeeäta reve jei: —¿Maera pa reyu oreve Jesús, Tumpa Taɨ? ¿Reyu pa reiporarauka oreve, ndei ara oväe mbove?

San Marcos 4:15

Temitɨ tape rupi oa vae oyembojaanga ñee ikavi vae oendu vae reta re. Ërei oendu reta güire, jupiveiño Satanás ou opa oekɨ ipɨa güi.

San Marcos 5:7

Jare iñeeäta reve jei: —¿Maera pa reyu cheve Jesús, Tumpa Tuichagüe yae vae Taɨ? Romoñera Tumpa jee re, agüɨye eiporarauka cheve.

San Juan 12:31

Oväe ma ara oñejäa vaerä ɨvɨ pegua reta. Aña, kuae ɨvɨ juvicha oyemombo ma ko.

San Juan 16:11

Jare morojäa regua oikuaaukata, echa aña kuae ɨvɨ juvicha oñejäauka ma.

Romanos 16:20

jayave Tumpa mbɨakatu omee vae ɨmambae tomoamɨri Satanás, toñono pepɨ igüɨ pe. YandeYa Jesucristo ipɨakavi toï pe reta ndive.

Hebreos 2:14

Opaete taɨ reta ɨvɨ pegua reta ko, jáeramo Jesús etei vi oyeapo ɨvɨ peguarä, imano rupi omoamɨri vaerä aña guasu güɨnoise mbaepuere mano re vae,

1 Pedro 5:8

Peyeandu katu jare peïndaivi, echa perovaicho aña guasu yaguapope oñee rami oeka kia omokañɨtei vaerä.

2 Pedro 2:4

Echa Tumpa mbaetɨ iñɨ̈ro araɨgua iyoa vae reta pe. Jae omombo ara güi tata guasu pe. Joko pe oñeapɨti ñogüɨnoi pɨtumimbi pe jare oäro ñogüɨnoi Tumpa ojäa reta vaerä.

Judas 1:6

Jare araɨgua reta mbaetɨ opɨta Tumpa oñonoa pe vae, jaeño oeya reta oikoa, jáeramo Tumpa oyokenda oñono reta pɨtumimbi pe, tembipɨɨrɨru opambae pe, Tumpa iporojäa iara peguarä.

Apocalipsis 12:13

Jare jókuae mbaeporou oikuaa yave oyemombouka ma ko ɨvɨ pe, oaɨkuemoña jókuae kuña imembɨ kuimbae vae.

Apocalipsis 12:15

Jare jókuae mboi omombo jeta ɨ iyuru güi, kuña jaɨkue, güɨrajauka vaerä jókuae ɨ pe;

Apocalipsis 12:17

Jayave mbaeporou pochɨ kuña pe, jare ojo oñeraro kuña iñemuña reta jembɨregüe ndive, jókuae Tumpa iporookuai reta jei vae oyapo vae reta jare güɨrovia Jesucristo re vae reta.

Apocalipsis 12:3

Jare oyekuaa vi ara re ïru mbae tuichagüe, jae ko: Metei mbaeporou tuichagüe pɨ̈ta vae. Güɨnoi chiu iñäka, payandepo jäti jare iñäka ñavo re güɨnoi äka-regua.

Apocalipsis 12:4

Jare júguai pe ombotɨrɨrɨ mbɨte seri yasɨtata reta, jare omombo ɨvɨ re. Jare jókuae mbaeporou guasu oyemboɨ kuña imembɨ oata oï vae jóvai, opa vaerä jou imembɨ chugüi oa rupive.

Apocalipsis 12:9

Jare oyemombouka jókuae mbaeporou guasu, mboi ñɨma vae, aña guasu Satanás jee vae, jae ko ombotavɨ opaete ɨvɨ pegua reta vae; oyemombouka ara güi opaete iaraɨgua reta ndive.

Apocalipsis 13:2

Jare jókuae mbaemɨmba guasu aecha vae metei yaguaparaecha, jare ipɨ oso ipɨecha, jare iyuru yaguapope iyuruecha. Jare mbaeporou guasu tenonde aecha vae omee chupe imbaepuere jare iguapɨa mburuvicha pegua.

Apocalipsis 13:4

jare omboete reta mbaeporou guasu omee mbaepuere mbaemɨmba guasu pe vae. Jaeramiño vi omboete reta jókuae mbaemɨmba guasu, jei reve: “Mbaetɨ yé ko kia kuae mbaemɨmba guasu rami vae. ¿Kia pa ipuereta oñeraro jae ndive?”

Apocalipsis 20:10

Jare aña guasu ombotavɨ reta vae oyemombouka tata guasu azufre ndive jendɨ vae pe, mbaemɨmba guasu jare ñeemombeúa raanga ñogüɨnoia pe. Jare joko pe oiporara retata ara rupi jare pɨ̈tu rupi jekuaekuae avei rupi.

Apocalipsis 20:7

Jare mil año oasa ma yave, Satanás oyeyora yeta tembipɨɨrɨru güi,

Apocalipsis 9:11

Jare jókuae tuku reta juvicha guasu metei araɨgua jókuae ɨvɨkua guasu pe oiko vae ko. Hebreo iñee pe jee Abadón. Griego iñee pe Apolión.