Apocalipsis 2:9 - Biblia Guarani Tumpa Iñee

⁹ ‘Che aikuaa opaete reyapogüe reta, jare kërai reiporara jare ndeparavete vae (ërei reikokatu ko); aikuaa vi kërai jókuae judío jei iyeupe vae reta jei ñee ikavimbae vae ndekotɨ vae, ërei jae reta ko oyeapo Satanás imbae reta.

Nuevo Testamento Guaraní Pe

⁹ “Che aicuaa peparavɨquɨ jare quirai peiporara jare peparavete (erei peicocatu co Tumpa cotɨ). Aicuaa vi quirai jocuae judíoraanga reta jei icavi mbae vae pecotɨ. Yepe tei jei reta: Ore co jae judío reta, erei mbaeti co. Echa jae reta oñemboatɨ omboete vaera Satanás.

Apocalipsis 2:9 Iomraidhean Croise

San Mateo 4:10

Jayave Jesús jei chupe: —Esɨrɨ chegüi, Satanás. Echa Tumpa Iñee pe oyekuatía oï körai: “NdeYa Tumpa emboete, chupeño eyeokuai.”

San Lucas 12:21

Jayave Jesús jei chupe reta: —Jökorai ko jeta mbaembae oñovatu iyeupeguaräño vae, Tumpa peguarä oikokatúä ko.

San Lucas 22:65

Jare jeta mbae ikavimbae vae jei reta chupe.

San Lucas 4:18

“YandeYa iEspíritu oï cheré, echa cheparavo amombeu vaerä ñee ikavi vae iparavete vae reta pe. Chembou ambogüera vaerä ipɨatɨtɨ vae reta, amoërakua vaerä yeyora tembipɨɨ reta pe, jare amomae vaerä jesambae reta. Chembou vi ayora vaerä yogüɨrekoasɨ katu vae reta.

San Lucas 6:20

Jayave Jesús omopüa iñäka jare omae jemimboe reta re jei reve: “Peyerovia pe peparavete vae reta. Echa pembae ko Tumpa iporookuaía.

San Juan 16:33

Kuaekuae jae ma peve penoi vaerä mbɨakatu cheré. Kuae ɨvɨ pe peiko ramboeve, peiporarata ko. Ërei peyeko cheré, echa che amoamɨri tovaicho ɨvɨ pegua.

Hechos 14:22

Jare kuae tëta guasu reta rupi jae reta omoäta ngatu oporogüɨrovia vae reta, jare omboarakuaa jekuaeño vaerä güɨnoi reta mborogüɨrovia Tumpa kotɨ. Jare jei vi chupe reta: “Yaiporara ñotai ko jeta yaike vaerä Tumpa iporookuaía pe.”

Hechos 26:11

Jare jeta rupi ainupa opaete judío reta itupao reta ñavo rupi, jare jaeuka chupe reta ikavimbae vae Jesús kotɨ. Jare chearasɨ yae ikotɨ reta ramo, aja aeka reta ïru tëta guasu reta rupi ave.

Romanos 12:12

Peäro yandeYa peyerovia katu reve. Pepɨaguasu peiporara yave. Peyerure avei Tumpa pe.

Romanos 2:17

Mase, nde reyeko judío pe, reyeko mborookuai re, jare reyembotuicha Tumpa re.

Romanos 5:3

Jare mbaetɨ kuaeño, yayerovia vi yaiporara yave. Echa yaikuaa kërai yaiporara vae rupi, ñanoi mbɨaguasu;

Romanos 8:35

¿Kia ra yandembosɨrɨta Cristo iporoaɨu güi? ¿Tembiporara guasu ra, ani mbɨatɨtɨ, ani ïru vae reta oyapo ikavimbae vae yandeve vae, ani yɨmbɨaɨ, oata temimonde vae, ani manoɨvɨ ani mano?

Romanos 9:6

Kuae mbaetɨ ko Tumpa oñererökuavee Israel pe vae oyembopoä, echa opaeteä ko Israel iñemuña reta, Israel iñemuña añetete vae.

2 Corintios 6:10

Orepɨatɨtɨ, ërei jekuaeño royerovia; oreparavete, ërei jeta ïru vae reta romboyekou; mbaetɨ etei mbae rogüɨnoi, ërei rogüɨnoi opaete mbae.

2 Corintios 8:2

Kërai oiporara yae reta reve, oyerovia yae reta; jare yepe tëi iparavete yae reta reve, omee reta jeta ipɨakavi yae reve.

2 Corintios 8:9

Peikuaa kavi ko kërai yandeYa Jesucristo ipɨa kavi, kërai jae yepe tëi oikokatu, ërei oyemombaravete peraɨu ramo, peikokatu vaerä.

1 Tesalonicenses 3:4

Ore roiko pe ndive yave, romombeu voi ko peve roiporarata vae, jare jökorai oasa, pe peikuaa rami.

1 Timoteo 1:13

yepe tëi tenonde yave che jae mbae ikavimbae vae yandeYa kotɨ, ayapo ikavimbae vae yandeYa re güɨrovia vae reta pe, jare chereko pochɨ ikotɨ. Ërei yandeYa cheparareko, echa ayapo mbaetɨ aikuaa ramo jare mbaetɨ aporogüɨrovia ramo.

1 Timoteo 6:18

Jare eyókuai vi toyapo ikavi vae, toikokatu mbaembae ikavi oyapo vae pe, tikɨ̈reɨ ngatu omee vaerä güɨnoigüe jare tipɨakavi reta,

Apocalipsis 1:9

Che perɨkeɨ Juan, pe reta ndive oiporara vae, Tumpa iporookuaía pe oï pe reta ndive vae, jare ipɨaguasu pe reta ndive vae. Che aï Ɨguasu-päu Patmos jee vae pe Tumpa iñee jare Jesucristo re chemiari jeko pegua.

Apocalipsis 2:13

‘Che aikuaa opaete reyapogüe reta jare kia pe reiko vae, Satanás jenda mborookuaía pegua oïa pe. Ërei pe reta jekuaeño perovia cheré jare mbaetɨ chekuaku, Antipas chemombeu kavi vae oyeyukauka jókuae Satanás oikoa pe ave.

Apocalipsis 2:2

‘Che aikuaa opaete reyapogüe reta; täta reparavɨkɨ jare ndepɨaguasu vi. Aikuaa vi mbaetɨ reñemoïru ikavimbae vae oyapo vae reta ndive, jare rejäa temimondo oyembojee vae reta jare reikuaa temimondo retaä ko, iyapu reta ko vae;

Apocalipsis 2:24

Ërei pe reta jare opaete Tiatira pe peï vae reta, mbaetɨ jókuae mboromboe omomoe vae reta, jare mbaetɨ oikuaa Satanás iporomboe tɨpɨ yae vae reta, che yae peve mbaetɨta ma amoïru mborookuai,

Apocalipsis 3:9

Mase, aruta nderóvai oyetavatɨka vaerä Satanás imbae reta, jókuae judío jei iyeupe vae reta, ërei mbaetɨ ko, iyapu reta ko. Toikuaa reta che poaɨu ko vae.

Apocalipsis 7:14

Jare che jae chupe: “Cheru, nde ko reikuaa.” Jayave jae jei cheve: “Kuae reta ko jae yogüeru tembiporara guasu güi vae. Oputuka jemimonde jare omotïi Vecha kuimbae taɨrusu vae jugüɨ pe vae.