Apocalipsis 2:7 - Biblia Guarani Tumpa Iñee

⁷ Oipota oyeapɨsaka vae, toyeapɨsaka Espíritu Santo jei oporogüɨrovia vae reta pe vae re. Oporomoamɨri vae pe ameeta jou vaerä jókuae ɨvɨra tekove pegua, oime Tumpa jëta pe vae güi.’

Nuevo Testamento Guaraní Pe

⁷ “Ipuere oendu vae toyeapɨsaca Espíritu Santo oporogüɨrovia vae oñemboatɨatɨ vae reta pe jei vae re. Oporomoamɨri vae pe ameeta jou vaera jocuae ɨvɨra tecove omee vae güi. Jocuae ɨvɨra oime Paraíso mbɨte pe oi. Joco pe oico Tumpa. Jocorai eicuatía —jei—.

Apocalipsis 2:7 Iomraidhean Croise

GÉNESIS 2:9

Jare yandeYa Tumpa ombokuakuaauka ɨvɨ güi opaete ɨvɨra ia ikavi yae oyekuaa jare ikavi yae oyeu vaerä vae. Jaeramiño vi oñono kó mbɨte pe ɨvɨra tekove pegua. Jare ɨvɨra, ikavi vae jare ikavimbae oikuaauka vae.

PROVERBIOS 11:30

Jupi vae jembiapo, tekove peguarä ko, tekove oaɨu vae, yarakuaa katu ko.

PROVERBIOS 13:12

Mbae oñeäro vae oväe raivimbae vae, oporombopɨatɨtɨ yae, ërei oyembopo vae, oporomboyerovia.

PROVERBIOS 15:4

Ñee yeaeä, tekove katu ko; ërei ñeeasɨ katu, oporombopɨatɨtɨ yae.

PROVERBIOS 3:18

Arakuaa ko tekove, arakuaa oväe vae reta peguarä; ¡oyerovia ko jókuae oipɨɨ iyeupe vae reta!

EZEQUIEL 28:13

Edén pe reikose Tumpa iko raɨ pe, reñemopöra reyemonde oipotagüe ita reta ipöra vae pe, jae ko: Cornerina, topacio, jaspe, crisólito, berilo, ónice, zafiro, carbunclo, esmeralda jee vae jare oro; opaete angúa jare mimbɨ reta ipöragüe oyeapo ndeve, jókuae ara roapo yave.

EZEQUIEL 31:8

Metei ave ɨ̈vɨrare Tumpa iko raɨ pegua mbaetɨ ipuere omboyovake, metei ave ɨvɨra pino jee vae ani castaño jee vae, mbaetɨ omboyovake jäka, metei ave ɨvɨra reta Tumpa iko raɨ pegua, mbaetɨ omboyovake ipöra pe.

San Mateo 11:15

Oipota oyeapɨsaka vae, toyeapɨsaka kuae re.

San Mateo 13:43

Jayave jupi vae reta oyekuaata Tu iporookuaía pe kuaraɨ jembipe rami. Oipota oyeapɨsaka vae, toyeapɨsaka kuae re.

San Mateo 13:9

Oipota oyeapɨsaka vae, toyeapɨsaka kuae re.”

San Marcos 4:9

Jayave Jesús jei chupe reta: “Oipota oyeapɨsaka vae, toyeapɨsaka kuae re.”

San Marcos 7:15

Oipotagüe mbae kuimbae jou vae mbaetɨ ko omongɨa ipɨa. Ërei ipɨa güi mbae oë vae ko omongɨa.

San Marcos 7:16

Oipota oyeapɨsaka vae, toyeapɨsaka kuae re.

San Lucas 23:43

Jayave Jesús jei chupe: —Añete che jae ndeve, kuae ara reïta che ndive ara pe.

San Lucas 8:8

Amogüe temitɨ oa ɨvɨkavi pe. Oë jare okuakuaa jare jeta yae jäɨ.” Jare kuae opa jei chupe reta yave, iñeeäta reve jei: “Oipota oyeapɨsaka vae toyeapɨsaka kuae re.”

San Juan 16:33

Kuaekuae jae ma peve penoi vaerä mbɨakatu cheré. Kuae ɨvɨ pe peiko ramboeve, peiporarata ko. Ërei peyeko cheré, echa che amoamɨri tovaicho ɨvɨ pegua.

1 Corintios 2:10

Ërei Tumpa oikuaauka yandeve Espíritu Santo rupi. Echa Espíritu Santo oikuaa opaete mbae. Oikuaa vi opaete Tumpa regua yavai yae yaikuaa vaerä vae.

2 Corintios 12:4

oyereraja ara pe, joko pe aendu ñee reta yaikuaambae jare ñajäa rapembae vae.

1 Juan 2:13

Tenondegua reta, aikuatía körai peve, echa peikuaa oimeño mai oiko ndei ɨvɨ oyeapo mbove vae. Taɨrusu reta, aikuatía körai peve pemoamɨri aña guasu ramo. Cheraɨ aaɨu vae reta, aikuatía körai peve, peikuaa yandeRu ramo.

Apocalipsis 13:9

Oipota oyeapɨsaka vae, toyeapɨsaka:

Apocalipsis 14:13

Jare aendu metei ñee ara güi jei cheve: “Eikuatía kuae: ‘Oyerovia ko añave güive yandeYa re güɨrovia güi omano vae reta.’ ” Jei Espíritu: “Oyerovia ko, echa oputuu retata iparavɨkɨ güi. Echa iparavɨkɨ ojo jae ndive.”

Apocalipsis 15:2

Aecha vi ɨguasu vidrio rami vae tata ndive oyea vaeecha vae. Jare jókuae mbaemɨmba guasu ɨguasu güi oë vae jare iä jare ikañɨmaa jare jee inúmero omoamɨri vae reta oyemboɨ ñogüɨnoi jókuae ɨguasu vidrio rami vae re, güɨnoi reve arpa reta Tumpa omee chupe reta vae.

Apocalipsis 2:11

Oipota oyeapɨsaka vae, toyeapɨsaka Espíritu Santo jei oporogüɨrovia vae reta pe vae re. Oporomoamɨri vae, ngaraa etei oiporara mano mokoía.’

Apocalipsis 2:17

Oipota oyeapɨsaka vae, toyeapɨsaka Espíritu Santo jei oporogüɨrovia vae reta pe vae re. Oporomoamɨri vae pe ameeta jou vaerä jókuae maná oñeomi oï vae, jare ameeta vi chupe metei ita raɨ tïi vae. Jókuae ita re oime metei tee ipɨau vae oyekuatía oï, jókuae tee mbaetɨ etei kia oikuaa, jaeño omboresive vae.’

Apocalipsis 21:7

Oporomoamɨri vae pe ameeta imbaerä opaete mbaembae. Che etei aikota jae iTumparä jare jae oikota cheraɨrä.

Apocalipsis 22:14

Oyerovia ko jemimonde oyoe vae reta, ipuere vaerä oya ɨvɨra tekove pegua re, jare oike vaerä tëta guasu pe jöke rupi.

Apocalipsis 22:17

Espíritu Santo jare Vecha kuimbae taɨrusu vae imenda ïru jei: “¡Eyu!” Jare oendu vae, tei: “¡Eyu!” Jare iɨuve vae tou toɨu; ikɨ̈reɨ vae tou ɨ tekove pegua güi jepɨmbae.

Apocalipsis 22:2

Jare tëta guasu ikaye mbɨte pe, ɨ̈aka jovaicho icho pe oï ɨvɨra tekove pegua. Jókuae ɨvɨra ia doce. Yasɨ ñavo ia. Jare ɨvɨra jogüe ikavi tëtaguasu reta oñepoano vaerä.